konka coffee
KONKA

AMAKURU

UKWEZI

Stade imwe mu zizakinirwaho igikombe cy’Isi yafashwe n’inkongi y’umuriro irakongoka-AMAFOTO

Stade imwe mu zizakinirwaho igikombe cy’Isi yafashwe n’inkongi y’umuriro irakongoka-AMAFOTO
6-10-2017 saa 09:26' | By Akayezu Jean de Dieu | Yasomwe n'abantu 2416 | Ibitekerezo

Stade ya Nizhny Novgorod iherereye mu Burusiya iri mu zizakira imikino y’igikombe cy’isi cyo muri 2018, yafashwe n’inkongi y’umuriro irakongoka mu gihe habura amezi icyenda gusa ngo irushanwa ritangire.

Iyi Sitade iri muri 12 zatoranijwe kuzakinirwaho imikino y’igikombe cy’isi, ikaba yari kuzakira imikino itandatu irimo n’uwa 1/4 , aho byari biteganyijwe ko uwa mbere uzahabera tariki ya 18 Kamena 2018.

Kugeza ubu nta wakomerekeye muri iyi mpanuka y’umuriro waturutse ahubakwaga umwanya wagenewe abanyamakuru.

Ikinyamakuru Mirror dukesha iyi nkuru kivuga ko Ikompanyi y’Ubwubatsi ya Stroytransgaz, yahawe isoko ryo kubaka iyi stade ifite imyanya 45 331, mu itangazo yashyize hanze yavuze ko umuriro watangiye nyuma ya saa sita, bikaba bikekwa ko mu byawuteye harimo no gukoranaho kw’ibikoresho byubakishwaga n’amashanyarazi.

Iri tangazo ryagiraga riti “Impanuka nta ngaruka yagize ngo ihungabanye igihe stade igomba kuba yarangiriyeho kubakwa.”

Guverineri Wungirije mu Karere ka Nizhny Novgorod, Dmitry Svatkovsky, yatangaje ko umuriro wahise ucubywa vuba. Nizhny Novgorod ibaye stade ya gatatu iri mu zizakira icy’isi ifashwe n’inkongi kuva muri Kamena ikurikira iya Volgograd Arena iri mu Majyaruguru y’u Burusiya nayo iri kubakwa na Stroytransgaz n’iya Cosmos Arena iri i Samara.

Iyi Sitade yahiye imirimo yo kuyubaka isa n’igeze ku musozo nk’uko FIFA iherutse kubihamya


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...