konka coffee
KONKA

AMAKURU

UKWEZI

Ibaruwa ifunguye Joriji Baneti yandikiye Rucagu Boniface

Ibaruwa ifunguye Joriji Baneti yandikiye Rucagu Boniface
20-02-2017 saa 10:28' | By Chief Editor | Yasomwe n'abantu 30583 | Ibitekerezo 17

Nyakubahwa Rucagu Boniface, nk’umuyobozi w’Itorero ry’igihugu ngushimiye cyane uruhare ugira mu gutoza Abanyarwanda indangagaciro na kirazira z’umuco nyarwanda, ariko kandi ndifuza no kukugezaho agahinda kanjye nterwa n’icyuho nabonye mu kazi mushinzwe, nkabona hari ibyiza muhata igice kimwe cy’abanyarwanda abandi bakabura ayo mahirwe.

Mu by’ukuri mutoza w’Intore, njyewe nagize amahirwe yo kwigishwa kenshi mu itorero ry’igihugu ariko mbona naribye amahirwe y’abandi banyarwanda benshi kandi iyo babona ayo mahirwe nkanjye byari kurushaho kuba inyungu ku gihugu cyacu. Mu myaka ishize, narangije amashuri yisumbuye mbere yo kujya muri Kaminuza nca i Nkumba mpabwa amasomo meza mbese nishimira nanjye kuba intore, kandi byaramfashije cyane.

Nyuma ndangije kwiga Kaminuza nagiye mu kazi, hashize iminsi micye nsubira mu Itorero ndigishwa hamwe n’abandi dukora bimwe, na nyuma y’amezi abiri nsubirayo hamwe n’abayobozi bagenzi banjye kuko nagiriwe icyizere mba umwe mu bayobozi bafasha abaturage mu nzego z’ibanze. Nabonye akamaro kujya mu Itorero bigira, mbabazwa n’uko hari abantu bigoye cyane ko bazajya mu itorero kandi mbona hari impamvu nyinshi bakwiye kurijyamo kurusha n’abandi, nyamara hari abasubirayo kenshi bitewe n’ibyiciro by’imirimo cyangwa imiryango baba barimo.

Nyakubahwa muyobozi w’Itorero ry’Igihugu, muribuka ko abantu benshi mu mashuri bigishwa ibijyanye n’indangagaciro na kirazira z’umuco nyarwanda, ariko abize usanga ari nabo akenshi batozwa inshuro zirenze imwe mu Itorero nyamara hari abanyonzi, abamotari, abakarani baterura imizigo, abakanishi, abakozi bo mu ngo, abazunguzayi, abahinzi n’abandi ba rubanda rugufi usanga baba badasobanukiwe amateka y’u Rwanda n’indagaciro na kirazira z’umuco nyarwanda, kandi abo bantu ni n’umubare munini cyane w’Abanyarwanda.

Nyakubahwa mutoza w’Intore, niba abarimu muzi neza ko bahuguwe kenshi mu Itorero kandi bakaba basanzwe banigisha abana b’u Rwanda ibijyanye na kirazira na za ndangagaciro zitubereye, kuki bahora bajyayo kenshi kandi muzi abaturage batigeze babona ayo mahirwe na rimwe, batanazi na kimwe ku mateka y’igihugu na kirazira z’umuco nyarwanda? Nonese ba bana bacu ko barerwa n’abakozi bo mu rugo batigeze batozwa ubutore, mwumva uburere batanga buzamera bute?

Naritegereje, nsanga imwe mu myitwarire itari myiza n’ibyaha bikorwa hirya no hino mu gihugu, bishobora kugabanuka cyane, muramutse mushyize imbaraga mu gutoza abantu cyane cyane batigeze babasha kujijuka kandi usanga bakora akazi gatuma bahura kenshi n’umubare munini w’abantu, kuburyo imico n’imyitwarire yabo byagakwiye kuba bimeze neza bityo tukarushaho gutera imbere twese muri rusange.

Ubujura, ubusinzi, gukoresha ibiyobyabwenge, uburaya, kurwana no kwicana n’ibindi bigayitse bidakwiye mu muco wacu, mubona bitagabanuka cyane mwibutse ko n’abakunze kubikora cyane bakwiye kuba aba mbere batozwa mu Itorero ry’Igihugu?

Nizeye ko ibijyanye no gutoza abanyarwanda ngo babe intore zibereye u Rwanda mubyumva vuba kundusha, ninayo mpamvu iyi baruwa mbagejejeho mfite icyizere ko izasubizwa vuba bidatinze nkabona mushyira mu bikorwa icyifuzo cyanjye. Ndabashimiye!


INKURU ZA :
Tanga Igitekerezo
Ibitekerezo 17
Indatwa Dominique Kuya 19-09-2017

Joriji Yisubireho Ibyo Nago Bikwiye Kabisa Mugihe Tugezemo.

Jej Twagira Kuya 6-09-2017

Azabanze yige guca ubuhake.Kuko guhakirizwa ari wo muco atoza abatoaho kubigisha Demokarasi.

Nari Ah Kuya 13-05-2017

Iyi baruwa ikwiye igisubizo. Umutoza nasubize kuko umuyoboro wo gutoza ushobora kuba utagira amashami kandi buri wese yakagombye kurya imbuto z’ubutore.

ALINE Kuya 23-04-2017

Nibyo koko bibaye byiza hashyirwaho gahunda yogutoza abikorera ariho habonekamo nabo bamotari n’abanyonzi kuko bari mubatanga serivisi kenshi muri benshi

jubile Kuya 2-04-2017

Genda Joriji uri uwambere.
Rucagu rwose agutege amatwi birakwiye ko abo bose bavuzwe haruguru bafatirwa umwanya bagatekerezwaho nabo bagatozwa.
Komerezaho ku mabaruwa arimo ubwenge utugezaho!!

jubile Kuya 2-04-2017

Genda Joriji uri uwambere.
Rucagu rwose agutege amatwi birakwiye ko abo bose bavuzwe haruguru bafatirwa umwanya bagatekerezwaho nabo bagatozwa.
Komerezaho ku mabaruwa arimo ubwenge utugezaho!!

joriji wa2 Kuya 30-03-2017

mugenzi wange joriji ndakwemera ufite ibitekerezo byiza ujye ubinyuza mu binyamakuru byose kandi bazajye baguhemba

amahirwe Kuya 23-03-2017

Ikinyamakuru ukwezi.com nkunda kugisoma cyane ariko nkishimira ibitekerezo by’umuntu uzwi ku izina rya Joriji Baneti n’amabaruwa afunguye agenera inzego z’ubuyobizi! ibitekerezo bye bigiye byigwaho byadufasha kubona igisubizo cy’ibibazo duhura nabyo cg byibasiye bamwe muri twe! abo yandikira rwose bafite amahirwe yo kunengwa bityo bikaba byabafasha kunoza imikorere! Congs Joriji

amahirwe Kuya 23-03-2017

Ikinyamakuru ukwezi.com nkunda kugisoma cyane ariko nkishimira ibitekerezo by’umuntu uzwi ku izina rya Joriji Baneti n’amabaruwa afunguye agenera inzego z’ubuyobizi! ibitekerezo bye bigiye byigwaho byadufasha kubona igisubizo cy’ibibazo duhura nabyo cg byibasiye bamwe muri twe! abo yandikira rwose bafite amahirwe yo kunengwa bityo bikaba byabafasha kunoza imikorere! Congs Joriji

Claude Kuya 20-03-2017

1. Igitekerezo cya joriji ni kiza kirasobanutse
2. Nubwo ntasubiriza RUCAGU, Abamotari bamwe baratojwe nubwo atari bose, koko birakwiye ko nabasigaye batozwa
3. Mperutse kumva ko Itorero rigiye kujya ku mudugudu abatuye umudugudu bose bagatozwa ntekereza ko inyota twese dufite ariho izashirira

NIYIGENA Angelique Kuya 18-03-2017

joriji nanjye ndamushyigikiye birakwiye kuko twese turi unit

fulgence Kuya 16-03-2017

sinarinzi ko joriji ari umunyabwenge akakageni! gusa joriji ndsgushimiye n’abagushyigikiye mwese , u.untu wese agombe atozwe

YEAH Kuya 5-03-2017

IKI GITEKEREZO NI CYIZA PEE. AHUBWO WAGIRANGO HARABO ITORERO RYASHYIRIWEHO. NYAMARA URETSE N’ABO BO MURI IBYO BYICIRO BYAVUZWE, HARI N’IBINDI BYICIRO BIMWE NA BIMWE USANGA BIBA BIKWIYE KUGENERWA ITORERO RYIHARIYE KUBERA IMIRIMO BISHINZWE IJYANYE N’IMICUNGIRE Y’IBYA RUBANDA ARIKO UGASANGA NTA NA RIMWE BYIGEZE BITEKEREZWAHO. URUGERO NATANGA N’ABAKOZI B’IMIRENGE SACCOS. ESE MWE MUBONA NK’ABA BADAKWIYE KUJYA MW’ITORERO BAKIGISHWA UMUCO,INDANGAGACIRO NA KIRAZIRA KOKO.
NDASABA BAGENZI BANJYE KO BAKUMWA NEZA IKI GITEKEREZO BAKAGITANGAHO IBITEKEREZO KU BURYO BURI POSITIVE. KUKO IYO UREBYE UKUNTU BARIYA BAKOZI BIRIRWA BIBA, BAFUNGWA, BARENGANYWA, ....USANGA HARICYO BABURA KIJYANYE N’INDANGAGACIRO.

FRED Kuya 23-02-2017

ahubwo iyi baruwa wanditse irimo ubwenge ahubwa rucagu azagushake aguhembe umuhaye igitekerezo

kalimo Kuya 21-02-2017

Icyifuzo cye ni inyamibw.
Uwasaba Mr Rucagu agatekereza no ku bakozi bakorera private sector

J M V Kuya 20-02-2017

Ariko Joriji Wowe Waturutse Mu Buhe Bwatsi?

Ishimael Nziringirimana Kuya 20-02-2017

jyenda joroji uteye ubwuzu kbx gusa nawe urarengera uzisubireho pe!!!!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...