konka coffee
KONKA

AMAKURU

UKWEZI

APR FC yakomeje guhamya intsinzi naho Rayon Sports itungurwa na AS Kigali

APR FC yakomeje guhamya intsinzi naho Rayon Sports itungurwa na AS Kigali
14-09-2017 saa 06:34' | By Muhizi Olivier | Yasomwe n'abantu 1796 | Ibitekerezo 1

Kuri stade Amahoro i Remera abakunzi b’umupira w’amaguru bari babukereye kuri uyu wa Gatatu baje kureba amakipe bakunda mu mikino y’Agaciro Development Found irimo guhuza amakipe 4 akomeye hano mu Rwanda ariyo As Kigali, Police FC, Rayon Sports FC na APR FC. Ni imikino yatangiye kuwa Gatandatu tariki 09 Nzeri 2017 yakomezaga kuri uyu wa Gatatu tariki 13 Nzeri 2017 aho APR FC yatangiye yesurana na Police FC nyuma hagakurikiraho umukino wahuje Rayon Sports na AS Kigali.

Mu mukino wahuje APR FC na Police FC, iyi kipe y’ingabo yatsinze mu buryo buyoroheye Police FC ibitego 3 kuri kimwe. Ku munota wa 11 gusa Bizimana Djihad yari amaze kubonera APR FC igitego cya mbere. Igice cya kabiri kigitangira ku munota wa 51 Hakizimana Muhadjiri yatsindiye APR FC igitego cya kabiri, nyuma Police FC nayo yagerageje gusatira cyane nayo ku munota wa 65 Songa Isae ayitsindira igitego cyo kwishyura biba bisubiye irudubi abakinnyi ba APR FC batangira gukora amakosa ya hato nahato cyane cyane ab’inyuma ariko Police FC inanirwa kubibyaza umusaruro.

Mu minota ya nyuma y’igice cya kabiri, APR FC yatsinze igitego cya Gatatu cyatsinzwe na Nshimiyimana Amran ku munota wa 89 bituma APR FC irangiza umukino itsinze ibitego 3 kuri cya Police FC .

Nyuma hakurikiyeho umukino wahuje AS Kigali na Rayon Sports. Amakipe yombi yakinnye asatirana ndetse agaragaza n’ishyaka rikomeye bamwe barahavunikira harimo Nshuti Savio wakutse urutugu bikaba ngombwa ko ajya hanze. Amakipe yakomeje gusatirana ariko igice cyambere cyarangiye ari ubusa ku busa.

Igice cya kabiri kigitangira, Kwizera Pierrot yabonye ikarita itukura kubera ikosa yari akoze bituma Rayon Sports bakina batuzuye, ibintu byagiye binakurura impaka za hato na hato mu mukino hagati. AS Kigali yabyaje umusaruro icyo cyuho cya Pierrot, ku munota wa 79 Ndarusanze Jean Claude ayitsindira igitego cya mbere ari nacyo rukumbi cyabonetse mubmukino warangiye Rayon Sports itsinzwe na AS Kigali mu irushanwa rya Agaciro Development Found.

Imikino izakomeza kuwa Gatandatu tariki 16 Nzeri 2017 ubwo APR FC izaba ihangana na Rayon Sports naho AS Kigali ihangana na Police FC. Kugeza ubu APR FC niyo iyoboye andi makipe aho imaze gutsinda imikino 2 mu gihe Rayon Sports yo imaze gutsinda umukino umwe hamwe na AS Kigali nayo imaze gutsinda umukino umwe naho Police FC yo nta mukino n’umwe iratsinda.


INKURU ZA :
Tanga Igitekerezo
Ibitekerezo 1
jo Kuya 14-09-2017

Hahaaaaa, bravo kuri gasenyi, komereza aho

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...