konka coffee
KONKA

AMAKURU

UKWEZI

APR FC yanyagiye Bugesera FC isanga Rayon Sports muri 1/2 cy’igikombe cy’Amahoro

APR FC yanyagiye Bugesera FC isanga Rayon Sports muri 1/2 cy’igikombe cy’Amahoro
22-06-2017 saa 21:00' | By Muhizi Olivier | Yasomwe n'abantu 3808 | Ibitekerezo

Kuri uyu wa Kane tariki 22 Kamena, imikino yo guhatanira igikombe cy’Amahoro yakomeje aho umukino wari witezwe cyane wahuzaga APR FC na Bugesera FC kuri Sitade ya Kicukiro, kurundi ruhande AS Kigali nayo yahatanaga n’Amagaju FC kuri Sitade ya Kigali i Nyamirambo, zose zishaka kujya muri 1/2.

Kuri Sitade ya Kicukiro byari ibicika, abafana ba APR FC babukereye ngo basezerere Bugesera FC baherukaga gutsindira iwabo mu Bugesera ibitego 2 ku busa ari nabyo byakomeje uwo mu kino cyane. Igice cya mbere kigitangira APR FC yatangiye isatira cyane kurusha Bugesera, abakinnyi bayo bakina ku mpande ndetse n’ubusatirizi bari bazengereje Bugesera cyane irokorwa n’uko ifite umuzamu w’umuhanga kandi umenyereye imikino ikomeye, Olivier Kwizera.

Kubera imbaraga abakinnyi bo ku mpande za APR FC bakoreshaga nka Manishimwe Emmanuel na Nshuti Innocent na Issa Bigirimana usatira, ntibyatinze ku munota wa 39 nyuma yo guhusha ibitego byinshi, Manishimwe Emmanuel yatsindiye APR FC igitego cya mbere, ahindukiza Olivier Kwizera wari wababanye ibamba.

Nyuma y’igitego cya mbere Olivier yakomeje gukuramo imipira yari yabazwe ariko umukinnyi ukiri muto warerewe mu ishuri ry’abato rya APR FC, Nshuti Innocent yongera gutsindira APR FC igitego cya kabiri ku munota wa 43 biba ibitego bya 2 bya APR FC ku busa bwa Bugesera, igice cya mbere kirangira gutyo.

Igice cya kabiri kigitangira APR FC nabwo yagarutse isatira kurusha Bugesera ntibyatanga umusaruro ari nako Nshuti Innocent na Tuyishime Eric barerewe mu ishuri rya APR FC bakomeza kwigaragaza banagerageza amahirwe y’imipira batereraga ure. Ku munota wa 53 Nshuti Innocent yongeye kubonera APR FC igitego cya 3 ku mupira mwiza yari ahawe na Issa Bigirimana waje gusimburwa na Nkinzingano Fiston ku munota wa 75.

Ahagana ku munota wa 86 Imanishimwe Emmanuel yagize ikibazo cy’imvune kandi APR FC yari yarangije gusimbuza biba ngombwa ko bakina ari abakinnyi 10, ibintu Bugesera FC itabyaje umusaruro kuko Kimenyi Yves, umuzamu wa APR FC yababanye ibamba. Ahagana ku munota wa 92 Rucogoza Aimable bita Mambo yatsindiye igitego cy’impozamarira Bugesera FC, uteranyije ibitego byose APR FC yatsinze Bugesera biba 5 kuri 1 cya Bugesera FC.

Uyu mwana Nshuti Innocent warerewe mu ishuri rya APR FC mu mukino ushize yatsindiye APR FC igitego kimwe ndetse n’ikosa yakoreweho ryabyaye penalite yavuyemo igitego, no kuri uyu mukino yatsindiye APR FC ibitego 2, kuburyo uteranyije imikino ibiri ishize Nshuti Innocent yatsinze Bugesera ibitego 3 muri 5 APR FC yatsinze iyi kipe.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...