konka coffee
KONKA

AMAKURU

UKWEZI

APR FC yikuye imbere ya Bugesera FC biyihesha icyizere cyo gutera ikirenge mu cya Rayon Sports

APR FC yikuye imbere ya Bugesera FC biyihesha icyizere cyo gutera ikirenge mu cya Rayon Sports
19-06-2017 saa 17:03' | By Muhizi Olivier | Yasomwe n'abantu 2676 | Ibitekerezo

Kuri uyu wa Mbere tariki 19 Kamena 2017 imikino yo guhatanira igikombe cy’amahoro yakomeje, umukino wari witezwe ni uwahuzaga Bugesera FC na APR FC ku kibuga cya Bugesera. Iyi kipe yo mu Burasirazuba yaherukaga gukora APR FC mu jisho mu mukino usoza shampiyona y’icyiciro cya mbere mu Rwanda aho yayitsinze ibitego 2 kuri 1 byatumye APR FC ibura umwanya wa kabiri muri shampiyona, none ubu kuri APR FC intego ni gikombe cy’amahoro ari nabyo bagaragaje batsindira Bugesera iwayo mu mukino ubanza ibitego 2 ku busa.

Umukino watangiye APR FC yariye karungu ari nayo yatangiye isatira cyane ariko umuzamu wa Bugesera wahoze muri APR FC, Kwizera Olivier, akababera ibamba. Nshuti Innocent wakinnye asatira ntiyoroheye na gato ba myugariro ba Bugesera ari nabyo byatumye bamukoreraho ikosa ryavuyemo penarite ku munota wa 29 w’igice cya mbere, maze Bizimana Djhard ayinjizamo mu gihe Gasongo wari ukoreye ikosa Nshuti Innocent ahabwa ikarita itukura.

Igice cya mbere cyarangiye ari igitego 1 cya APR FC ku busa bwa Bugesera FC. Igice cya kabiri kigitangira Bugesera yatangiye ikora impinduka yinjizamo abakinnyi nka Sentongo na Ruhinda Faruku wahoze muri APR FC, bimwe mu byanakomeje uyu mukino cyane kuko wabonaga ikipe zose zihanganye cyane by’umwihariko abakinnyi APR FC yirukanye bakajya muri Bugesera.

Mu gice cya kabiri Bugesera yakomeje kwihagararaho cyane ariko biranga kubera icyuho cy’umukinnyi itari ifite wahawe ikarita itukura, byatumye bakina ari 10. Bidatinze ku munota wa 58 Nshuti Innocent yatsinze igitego cya kabiri cya APR FC ari nako abakinnyi ba APR FC nka Nshimiyimana Immuran bakomeje kugerageza amashoti ya kure ngo babone ibitego birenze 2 ariko bikarangira byanze.

Umukino warangiye ari ibyo bitego 2 ku busa, gusa APR FC ntiyasoje neza kuko Mukunzi Yannick yavanyemo imvune bishobora no gutuma atazaboneka ku mukino wo kwishyura uzabera i Kigali.

Ikipe ya APR FC yateye ikirenge mu cya Rayon Sports nayo yabashije gutsinda umukino wayo ubanza, zombi zikaba zihatanira kugera muri kimwe cya kabiri cy’igikombe cy’amahoro.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...