konka coffee
KONKA

AMAKURU

UKWEZI

Amavubi akomeje gusebera muri Kenya, asigaje gukina umukino umwe byo kurangiza umuhango

Amavubi akomeje gusebera muri Kenya, asigaje gukina umukino umwe byo kurangiza umuhango
7-12-2017 saa 17:36' | By Muhizi Olivier | Yasomwe n'abantu 766 | Ibitekerezo 1

Ikipe y’igihugu y’u Rwanda Amavubi ikomeje kwandika amateka atari meza mu mikino ya CECAFA Cup 2017 irimo kubera mu gihugu cya Kenya, umukino wa gatatu Amavubi nawo akaba awutakaje, ndetse ubu ni inshuro ya mbere mu mateka Amavubi asezerewe muri CECAFA atarenze amatsinda.

Umukino wa mbere Amavubi yakinnye na Kenya umukino ufungura irushanwa. Kenya yatsinze u Rwanda ibitego 2 kuri 1, umukino wa kabiri u Rwanda rwatsinzwe n’ikirwa cya Zanzibar ibitego 3 kuri kimwe, umukino wa gatatu wahuzaga Amavubi na Libya wo ukaba urangiye ari ubusa ku busa.

Ni umukino watangiye ubona Amavubi asatira cyane ndetse ku munota wa 7 agerageza amahirwe rutahizamu w’Amavubi Mico Justin ahusha igitego cyari cyabazwe. Gusa si uko byakomeje kuko ikipe ya Libya yaje gucurika ikibuga nayo irusha Amavubi, amakipe akomeza guhatana kugeza ubwo igice cya mbere cyarangiye ari ubusa ku busa.

Igice cya kabiri kigitangira Amavubi yakomeje kugerageza amahirwe ariko ntibyagira icyo bitanga. Iradukunda Eric wa As Kigali yakomeje kugerageza imipira yo mu mpande ariko ba rutahizamu ntibagire icyo bayibyaza, igice cya kabiri nacyo kirangira ari ubusa ku busa. Hongeweho iminota 3 biba iby’ubusa ntahagira ikipe yinjiza indi igitego.

Amavubi ntiyaherukaga kuviramo mu mastinda kuko na CECAFA iheruka yageze ku mukino wa nyuma. Umutoza Antoine Hey yagiye avuga ko agiye kugerageza ikipe izitabira CHAN. Amavubi asigaje umukino umwe izakina na Tanzaniya kuwa Gatandatu tariki 9 ihite igaruka i Kigali kuko yamaze gusezererwa, dore ko ari aya nyuma mu itsinda.


INKURU ZA :
Tanga Igitekerezo
Ibitekerezo 1
Bobo Kuya 7-12-2017

Abana b’abanyarwanda bakinisha umutima

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...