konka coffee
KONKA

AMAKURU

UKWEZI

Bwa mbere mu mateka y’umupira w’amaguru, umusifuzi yatanze ikarita y’icyatsi kibisi

Bwa mbere mu mateka y’umupira w’amaguru, umusifuzi yatanze ikarita y’icyatsi kibisi
11-10-2016 saa 18:53' | By Parfait Mutabazi | Yasomwe n'abantu 15831 | Ibitekerezo

Mu gihugu cy’u Butaliyani, mu cyiciro cya kabiri cy’umupira w’amaguru, hashyizweho itegeko rivuga ko mbere y’uko shampiyona y’umupira muri icyo cyiciro itangira hagomba gushyirwaho ikarita y’icyatsi kibisi ariko igatangwa nk’igihembo ku mukinnyi wagaragaje kworoherena ndetse akagaragaza n’ikinyabupfura muri rusange (fair play). Iyo karita yatanzwe bwa mbere kuri uyu wa Gatandatu ihabwa uwitwa Christian Galano.

Kuwa Gatandatu w’icyumweru gishize tariki 9 Ukwakira 2016, nibwo iyo karita yahawe umukinnyi bwa mbere haba mu gihugu cy’u Butaliyani ndetse no ku isi muri rusange. Umukinnyi w’ikipe ya VICENZA witwa Christian Galano niwe wakoze amateka yo guhabwa ikarita ya mbere y’icyatsi kibisi mu mateka y’umupira w’amaguru. Ibi byabaye ubwo Galano yateraga umupira ashaka ko ugana mu izamu ariko ntumukundire ukigira hanze nta muntu uwukozeho, maze umusifuzi agasifura ko hagomba guterwa koloneli.

Umukinnyi Galano wari ubonye amahirwe yo gutuma ikipe ye igumana umupira yabwiye umusifuzi ko ibyo asifuye atari byo, ko nta mukinnyi w’ikipe bakinaga wigeze akora kumupira. Umusifuzi byaramutunguye niko kumugira umukinnyi w’amateka amuha ikarita y’icyatsi ari nawe wa mbere uhawe iyo karita.

PNG - 523.7 kb

Umuyobozi w’icyiciro cyakabiri cy’umupira w’amaguru mu gihugu cy’u Butaliyani witwa Andrea Abodi, yatangaje ko ari igikorwa cyiza batekerejeho mu rwego rwo kugarura isura nziza muri icyo cyiciro cyamunzwe na ruswa dore ko amakipe agikinamo bivugwa ko akunze kugurisha imikino kubera ubukene, cyane cyane ko amakipe akina muri icyo cyiciro akennye cyane kuburyo no kubona amafaranga ahemba abakinnyi biba ari ingorabahizi.

Gusa si mucyiciro cya kabiri gusa havugwa ruswa kuko no mucyiciro cya mbere ababyibuka ikipe ya Juventus yigeze guhanishwa kumanurwa mu cyiciro cyakabiri mu mwaka wa 2009 nyuma y’uko basanze nayo yaragurishije imwe imikino yayo. Andrea Abodi yatangaje ko iyo karita izajya ihabwa umukinnyi wagaraje igikorwa cy’indashyikirwa.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...