konka coffee
KONKA

AMAKURU

UKWEZI

De Gaulle arotswa igitutu kubera amamiliyoni yigabije muri FERWAFA

De Gaulle arotswa igitutu kubera amamiliyoni yigabije muri FERWAFA
21-08-2017 saa 12:36' | By Akayezu Jean de Dieu | Yasomwe n'abantu 3397 | Ibitekerezo 5

Abagize komite nyobozi y’ishyirahamwe ry’umupira w’amaguru mu Rwanda; FERWAFA bandikiye Perezida w’iri shyirahamwe, Nzamwita Vincent De Gaulle bamusaba gutanga mu maguru mashya ibisobanuro ku makosa yagiye akora arimo n’amafaranga ya FERWAFA yashyize kuri konti ye. Uyu muyobozi akaba yahawe amasaha 48 yo kuba yitabye abo bafatanyije kuyobora ngo nayarenza harafatwa ikindi cyemezo gikarishye

Ibaruwa yandikiwe uyu muyobozi yamenyeshejwe na Minisitiri w’Umuco na Siporo igaragaza ko Nzamwita De Gaulle, usanzwe ayobora iri shyirahamwe ry’umupira w’amaguru hano mu Rwanda, hari ibyemezo bimwe ajya afata atabanje kugisha inama abo bayoborana harimo no kuba asuzugura aba bayobozi bafatanije kuyobora.

Nzamwita Vincent De Gaulle kandi ashinjwa n’aba bayobozi gukoresha umutungo w’iri shyirahamwe mu nyungu ze bwite harimo no kuba yarafashe amafaranga angana n’ibihumbi 20 by’amadorari ahwanye na16.760.000 y’u Rwanda akayashyira kuri konti ye.

Aya mafaranga atangwa na CAF nk’amafaranga agomba gufasha umuyobozi w’ishyirahamwe, gusa ahabwa ishyirahamwe ry’umupira w’amaguru muri buri gihugu naryo rikayagenera umuyobozi, aya mafaranga akaba atangwa umwaka urangiye.
De Gaulle ashinjwa gufata aya mafaranga kandi umwaka utararangira kandi hitegurwa amatora y’uzakomeza kuyobora FERWAFA bivuze ko aya mafaranga ariho ayagombaga gufatwa n’uzatorerwa kuyobora FERWAFA mu kwezi kwa cyenda.

Aba bayobozi bavuga ko De Gaulle yafashe icyemezo agashyira aya mafaranga kuri konti ye ibarizwa muri banki ya Kigali bavuga ko iki cyemezo kimwe n’ibindi biri mubyo afata atabagishije inama ari nabyo bamwandikiye bamusabira ibisobanuro, ibi bikaba byatumye bamuha amasaha 48 kugirango abe yitabye iyi nteko kugira ngo atange ibisobanuro.

Iyi niyo baruwa yashyizwe ahagaragara n’aba bayobozi bafatanije na kuyobora muri FERWAFA baburira De Gaulle kwihutira gutanga ibisobanuro


INKURU ZA :
Tanga Igitekerezo
Ibitekerezo 5
Mob Kuya 24-08-2017

Ayo mafranga ko caf yayamuhaye uretse inda nini ubugoryi Degaulle mura mushakaho iki?

Shema Kuya 23-08-2017

Degaulle yavuze ngo 50% azahabwa abanyamuryango ba FERWAFA (equipes) avuye kuri personal account ye! ....as just a gift from Nzamwita ! kuki se iyi 50% ya 20,000USD atagumye kuri account za FERWAFA ngo azahabwe abanyamuryango ariho aturutse ???? administration ya FERWAFA na Degaulle ni unique kabisa !

alfa Kuya 22-08-2017

Simbona se de Gaule wacu ari technician? Azambya byinshi akagera no kuri account? Muvuge gake n’ubundi azayiyobora!

Remezo B Kuya 21-08-2017

Yewe akabaye icwende ntikoga, niyo koze ntigacya, muri FERWAFA buri kwezi haba hari ikidasanzwe cyahabereye kandi kibi, amaherezo se?

ericson Kuya 21-08-2017

oya uwo mugabo ndamwanga pe! he is a very naugth

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...