konka coffee
KONKA

AMAKURU

UKWEZI

FIFA yamaze kwandikira FERWAFA iyisaba guhagarika amatora yaburaga iminsi 10 ngo abe

FIFA yamaze kwandikira FERWAFA iyisaba guhagarika amatora yaburaga iminsi 10 ngo abe
1-09-2017 saa 23:27' | By Muhizi Olivier | Yasomwe n'abantu 3336 | Ibitekerezo

Impuzamashyirahamwe y’umupira w’amaguru ku isi izwi nka FIFA, yamaze gusaba ishyirahamwe ry’umupira w’amaguru mu Rwanda FERWAFA guhagarika amatora cyangwa akigizwa inyuma.

Aya matora yari ateganyijwe tariki 10/9/2017 aho abahatanaga kuyobora FERWAFA bari 2 harimo Nzamwita Vicent De Gaulle wari usanzwe ayobora FERWAFA na Mwanafunzi Albert nawe wari usanzwe ashinzwe amarushanwa muri FERWAFA ndetse uyu Mwanafunzi we ari ku gice cy’abishyize hamwe bakarwanya De Gaulle.

FIFA yavuze ko yifuza gukurikirana aya matora byimbitse ndetse ko bishobotse yakigizwa inyuma nibura amezi 3 kugirango izabashe kuyakurikirana neza, ibi bikaba bije byiyongera ku bwumvikane bucye bwaranze abayobozi ba FERWAFA muri iyi minsi ya nyuma ya manda yabo byashoboka ko ari naho FIFA yashingiye iyahagarika.

Mu gushaka kumenya amakuru yizewe koko ko FIFA yandikiye FERWAFA tugerageza guhamagara umuvugizi wa FERWAFA ariko ntiyitaba telefone ndetse tunamwoherereje ubutumwa bugufi tumubaza atubwira ko aza kudusubiza mu minota mike ariko kugeza ubwo twandikaga iyi nkuru yari atarasubiza.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...