konka coffee
KONKA

AMAKURU

UKWEZI

Goma: Ikipe ya Karate yasohokeye u Rwanda muri Kongo yisanze ku kibuga yonyine

Goma: Ikipe ya Karate yasohokeye u Rwanda muri Kongo yisanze ku kibuga yonyine
4-09-2017 saa 19:43' | By Mukwaya Olivier | Yasomwe n'abantu 1723 | Ibitekerezo 1

Amarushanwa ya Karate y’akarere yahuzaga ibihugu 4 yagombaga kubera mu mujyi wa Goma muri Repubilika Iharanira Demokarasi ya Kongo, yasubitswe bitewe n’uko amwe mu makipe yagombaga guserukira ibihugu byayo atabonetse ku kbuga. Ikipe y’u Rwanda yisanze ari yo yonyine ihari.

Uretse ikipe y’u Rwanda yahagaragaye yonyine, izindi zirimo iya Repubilika Iharanira Demokarasi ya Kongo, u Burundi ndetse na Uganda ntizahabonetse. Kugeza ubu nta mpamvu izwi yatangajwe gusa abafana bavuga ko batishimiye isubikwa ry’aya marushanwa.

Aya marushanwa yagombaga guhuza ibihugu bine aribyo u Rwanda, u Burundi, Uganda na Repubilika Iharanira Demokarasi ya Kongo ari nacyo gihugu cyagombaga kwakira ayo marushanwa yagombaga kuba mu mpera z’iki cyumweru dusoje.

N’ubwo ikibuga cyari giteguye ibyapa bigaragaza uko iyo mikino iri bube ndetse n’ikipe y’igihugu ya Repubilika Iharanira Demokarasi ya Kongo ikaba yariri mu mujyi wa Goma, ntiyigeze ikandagirea ku kibuga ndetse habuze n’umuntu usobanura impamvu itahageze.

Grand Maitre NTAMBWA MUTAMBAYI ari nawe wari ukuriye abateguraga aya marushanwa, asobanura uko yasubitswe yagize ati’: "Aya marushanwa yari guhuza u Rwanda na Congo ntakibaye kubera ko hari ibirebana n’ubuyobozi bitabashije gukunda, aya marushanwa akazakorwa nyuma yo kumvikana hagati ya za Federation zombi, aya marushanwa akaba yimuwe turabasaba imbabazi kubyabaye ariko ni amategeko"

Leother NGABOYAMAHINA wari ukuriye abaherekeje ikipe y’u Rwanda muri ayo marushanwa, nawe yavuze impamvu bafashe umwanzuro wo kudakina.
Aragira ati: "Impamvu amarushanwa atabaye kandi twari tuyiteguye, twageze ku kibuga dutegereje amakipe yo mu karere ariko ikipe yacu niyo yonyine yagaragaye ku kibuga bituma amarushanwa tuyahagarika. Hagombaga kuboneka u Rwanda, u Burundi, Congo na Uganda ariko yose ntiyaje tubura ikipe yo gukina nayo"

Ku ruhande rw’abafana bari bitabiriye iyo mikino by’umwihariko abakongomani, bo bababajwe no kubura ku kibuga ku ikipe yabo. Uwitwa
Musavuri Patrick aragira ati: "Njye birambabaje cyane kuko nari nje kureba imikino none ntikibaye, nashakaga kureba u Rwanda na Congo none ntibikibaye ni ukubera ababitegura batabiteguye neza ubutaha bazabikosore mbere"

Aya maruhanwa y’akarere ya karate yagombaga gutangira i saa tatu za mugitondo cyo kuri iki Cyumweru, umwanzuro wo kuyasubika ufatwa ahagana saa saba n’igice u Rwanda rwabuze abo rukina nabo. Muri rusange aya marushanwa yari agiye kuba ku nshuro yayo ya 20.


INKURU ZA :
Tanga Igitekerezo
Ibitekerezo 1
lg Kuya 5-09-2017

IBI BYEREKANA KO U RWANDA ARI RWO RWONYINE RUGIRA GAHUNDA UBUNDI BAKWIYE GUHANWA NDETSE CYANE NGO BITAZASUBIRA MU RWANDA, NTIWABIKINISHA

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...