konka coffee
KONKA

AMAKURU

UKWEZI

Itangazamakuru ry’imikino mu Rwanda ryihimbiye irindi tangazamakuru ritaba ahandi?

Itangazamakuru ry’imikino mu Rwanda ryihimbiye irindi tangazamakuru ritaba ahandi?
16-06-2017 saa 08:26' | By Muhizi Olivier | Yasomwe n'abantu 17378 | Ibitekerezo 16

Itangazamakuru ry’Imikino hano mu Rwanda rirakunzwe cyane yaba ku maradiyo, ku binyamakuru byandikira kuri murandasi ndetse n’ibisohoka mu icapiro. Gusa kuko umubare nyamwinshi w’abanyarwanda ari abadakunda gusoma ndetse na Internet ikaba itagera kuri bose, abenshi usanga bumva radiyo cyane aho usanga batwarwa cyane n’amakuru y’imikino. Gusa ngo ntabyera ngo de, hari ibyo itangazamakuru rya siporo rinengwa na bamwe mu barikozemo, abarikoramo ndetse n’abaritega amatw i(abo riha amakuru), kuburyo hari n’abasanga iryo mu Rwanda ryarihimbiye irindi tangazamakuru ritaba ahandi.

Muri iyi nkuru ntituri bwibande ku bitekerezo by’umwanditsi ahubwo turibanda ku busesenguzi bw’abanyamakuru ndetse n’amahame ngengamyitwarire y’umwuga w’itangazamakuru mu Rwanda yashyizweho na Rwanda Media Commission (RMC); urwego rw’abanyamakuru bigenzura mu Rwanda.

Mu busesenguzi bwa Jean Lambert Gatare watangiye umwuga w’itangazamakuru mu 1994 ariko akaba yaramenyekanye cyane mu itangazamakuru rya Siporo mu bihe byari bigoye, asanga bamwe mu banyamakuru ba Siporo baratandukiriye cyane. Mu magambo ye agira ati: "Abanyamakuru ba siporo ndabashima ariko si bose kuko binteye impungenge, umuco mubi wo gusebanya urimo kugenda ukwirakwira muri benshi, umuco wo kuvuga inkuru ukuye mu kabari no mu muhanda, harimo kwibasira abantu... Nibyo abantu bakora amakosa ariko ukavuga ibintu ufitiye gihamya kuko kugaragaza amakosa ni ibintu byiza... Njya mbwira abantu nti amateka azasigarana ko itangazamakuru ry’imikino mu Rwanda ryihimbiye irindi tangazamakuru ritaba ahandi ku isi... Wowe wambwira gute ukuntu wowe na mugenzi wawe mujya muri Sitidiyo mukaba abakinnyi, mukaba abaganga, mukaba abatoza, mukaba abasifuzi, mukaba byose muri babiri, mwembi nta mutumirwa ubarimo, nta bimenyetso mufite, ubwose wambwira ko ufite ubumenyi muri ibyo bintu byose?”.

Jean Lambert Gatare, umwe mu banyamakuru bazobereye iby’imikino mu Rwanda

Gatare kandi asanga ari ibintu bibabaje kuko n’abitwa ngo barakuze ari bo babiba imbuto mbi muri abo bana babyiruka, bakumva ko gukora itangazamakuru ari ukubyuka utukana cyangwa utongana. Gatare kandi avuga ko abantu baramutse bajyana abanyamakuru b’imikino mu Rwanda mu nkiko, baba baraciwe amafaranga cyangwa baranafunzwe.

Jean Lambert Gatare ati: "Kubyuka mugitondo utukana uvuga igitutsi ngo runaka arakagira atya... ari wowe munyamakuru uri rwabuze isoni n’abakuyobora nabo nibaza niba bakurikirana uko ubikora”

Gatare kandi asanga abakora neza bahari ariko abanyamakuru bose bashyize hamwe bikaba byacika, kuko ngo ubundi itangazamakuru rya siporo ryakagombye kuba ari ukuvuga ibyo wabonye ukabivuga nk’uko wabibonye ariko ntiwihe inshingano zitari izawe kuko gutukana ntacyo byamarira abantu, ashimangira ko itangazamakuru ryasenya n’ibyagezweho.

Ese Jean Lambert Gatare asanga abayobora ishyirahamwe ry’abanyamakuru ba Siporo bakwiye gukora iki?

Gatare wagize uruhare mu shingwa ry’ishyiramwe ry’abanyamakuru ba Siporo (AJSPOR) asanga hari icyo abayobozi baryo bakora kuko nabo abanenga. Aha aragira ati: "Abayobozi baryo iyo turi kumwe ndabibabwira kuko ubona basa nk’abanga kwiteranya kuko ayo makosa akorwa bahari kandi abariyobora ni abantu bafite ubunararibonye muri uwo mwuga bafite indagaciro, nibaza ukuntu amakosa nk’ariya akorwa ku bitangazamakuru hafi ya byose hano mu Rwanda ntibagire ikintu babikoraho, ngo ni biba ngombwa babambure amakarita y’itangazamakuru, ubu wenda ndi kubona imyitwarire ya kimayibobo igenda igabanuka kuko hari abantu bamaze kuritakariza icyizere".

Aba ni abagize komite y’ishyirahamwe ry’abanyamakuru b’imikino mu Rwanda

Gatare asanga imyitwarire yabo banyamakuru atari ngombwa ko RMC ibyinjiramo kuko n’abayobozi ba AJSPORT bakagombe gukemura icyo kibazo ndetse n’abanyamakuru bagahora batekereza icyatuma itangazamakuru riba umwuga wiyubashye bakavuga ibintu bakoreye ubushakashatsi kuko bimubabaza kumva umunyamakuru avuga ngo "niba ntibeshye"... Ati "Urinda uvuga ibintu utazi urabishakaho iki?"

Umunyamakuru Butoyi Jean uyobora ishyirahamwe ry’abanyamakuru b’imikino mu Rwanda (AJSPOR) ntahakana ko hari abanyamakuru (n’ubwo atari bose) batandukiriye amahame y’umwuga. Avuga kandi ko nka AJSPOR bajya bahamagara abagaragaweho amakosa bakagirana inama ndetse bakemera no kwikosora. Mu kiganiro n’ikinyamakuru Ukwezi.com yagize ati: "Ndemeranya n’abavuga ko hari abanyamakuru barengera n’ubwo atari bose, kuko mu mahame y’umwuga w’itangazamakuru bitemewe kwinjira mu buzima bw’umuntu ariko nawe urabizi buri gitangazamakuru gifite umurongo kigenderaho utandukanye n’ikindi gitangazamakuru ariko ubunyamwuga buracyenewe nibyo, njyewe nk’umwanzuro nafata; abayobozi b’ibitangazamakuru reka mbisabire, itangazamakuru rya siporo rigeze kure abayobozi nibakurikirane bamenye bati ese inkuru zisohoka mu bitangazamakuru byabo nibyo koko baba bumvikanyeho? Bamenye inkuru yatawe gute?".

Jean Butoyi, umunyamakuru wa RBA uyobora AJSPOR

Umunyamakuru twaganiriye ariko utashatse ko dukoresha amazina ye muri iyi nkuru yatubwiye uko abona icyo kibazo cya bagenzi be batandukira. Yagize ati: "Yego si bose ariko hari abahari, hari n’umuyobozi w’ishyirahamwe ry’imikino hano mu Rwanda wigeze kuvuga ngo “hari bagenzi bacu bakora umwuga kinyeshyamba”, njyewe uko mbibona abenshi usanga kuba batajya gushaka amakuru bakavuga ayabasanze mu muhanda cyangwa no mu kabari aribyo bituma babura amakuru yo kuvuga hanyuma bakataka abantu, ariko n’abayobozi b’imikino bamwe na bamwe ndabagaya usanga badatanga amakuru cyangwa banayatanga bakayaha abanyamakuru bari mu kwaha kwabo kandi wenda hari abandi banyamakuru bayakeneye, ubwo najya kuyabwira abanyarwanda azayavuga uko atari usange rya hangana niho rivuye kandi natwe ubwacu turacengana harimo udutsiko ukuntu, ugasanga bamwe bafitanye ibibazo bapfa wenda ngo uyu azi umukino runaka anafite amakuru yawo kurusha uyu kandi ntashake kumusangiza ayo makuru afite mbese hakazamo gupingana hagati yacu kuburyo kugirana inama bisa n’ibidashoboka”.

Abanyarwanda benshi bakunda kandi bakurikirana ibijyanye n’imikino

Umuturage twaganiriye witwa Eric, akunda siporo cyane ariko imikino akurikirana kuburyo ajya no ku bibuga ni umupira w’amaguru na Basketball, ariko ngo atangazwa no kumva abanyamakuru bandika cyangwa bakavuga ibintu batabonye kuko batageze ku kibuga. Uyu agira ati: "Njyewe ndatungurwa cyane kumva umunyamakuru muzima yihandagaza akavuga ibintu uko yishakiye atageze ku kibuga kuko wenda afite amajwi, sinzi aho baba banayakuye bagatangira bakavuga ukuntu umutoza runaka ari umuswa, ukuntu yapanze ikipe nabi yagombaga kubikora uku, kandi ntazi uko yakinnye, mu by’ukuri umuntu utari kuri stade yagirango nibyo, rero wa mutoza iyo abyumvise nk’umuntu nawe arababara niho ihangana riva ugasanga batangiye kwinjira mu buzima bw’abandi ngo runaka yakoraga ibi mbere nta by’umupira azi... ugasanga baraducanze nk’abantu babakurikira. Njyewe iyo ntagiye kuri stade sinshobora kumva ibyo bagenzi bawe cyane cyane abo ku maradiyo bavuga, byaruta ngasoma ibyo mwandika kuko mushyiramo n’amafoto. Reka nguhe urugero hari television imwe ntavuze izina ifite abanyamakuru 3 bakora amakuru ya Sport ariko umwe niwe ujya gushaka amakuru, iyo bari mu kiganiro bihita byigaragaza kuko uwo utajya gushaka amakuru buri kantu kose aba anenga n’ibitanengeka ugasanga ari gutongana na wawundi ujya gushaka amakuru ntibumvikane mu kiganiro”.

Iyo urebye mu gitabo cy’amahame ngengamyitwarire y’umwuga w’itangazamakuru mu Rwanda yanononsowe na RMC, usanga nko ku ngingo ya 2 bavuga ko umunyamakuru agomba kuba inyangamugayo kandi agatangaza amakuru y’ukuri. Usanga bavuga kandi ko umunyamakuru agomba kumenya ko guharabika, gutukana, gusebanya no gushinja ibinyoma yaba abantu, amatsinda, amasosiyete y’ubucuruzi, amashyirahamwe, imiryango cyangwa ibihugu ari amakosa akomeye y’umwuga.

Naho ku ngingo 3 havuga ko itangazamakuru rifite inshingano kuri rubanda, bityo kubera iyo mpamvu umunyamakuru akaba agomba gutangaza cyangwa kwandika amakuru ari uko yamenye aho yaturutse, azi ko ari ukuri kandi yuzuye, ndetse ko igihe harimo gushidikanya na gucye agomba kureka kuyatangaza cyangwa akigengesera akurikije uburyo buteganywa n’umwuga w’itangazamakuru.

Ni kenshi bamwe mu banyamakuru b’imikino bagiye bikomwa cyangwa bagashyamirana n’abatoza cyangwa abayobozi b’amashyirahamwe y’imikino n’amakipe atandukanye ndetse bamwe bagasabirwa no kwirukanwa ku kazi, ni kenshi kandi bamwe mu banyamakuru b’imikino bo ubwabo bashyamiranye ndetse bakinjira no mu buzima bwa bagenzi babo nk’uko binagarukwaho na bamwe muri bo bashimangira ko ibi byagakwiye guhinduka.


INKURU ZA :
Tanga Igitekerezo
Ibitekerezo 16
nana Kuya 17-07-2017

hhhhhh.Regis yaranyigishije Ikibeho ndamuzi kbsa.ntakintu atinya kuvuga

nana Kuya 17-07-2017

hhhhhh.Regis yaranyigishije Ikibeho ndamuzi kbsa.ntakintu atinya kuvuga

fidelitus Kuya 13-07-2017

njye numva abariya banyamakuru barimo ba Regis na ba Faty kuvuga nuburenga nzira bwabo babareke bavuge birinde kwinjira muri vie prive yumuntu ntitwabura gushima nkaba Csatar ,D bayingana bavugana ikinyabufura nikundira nubusesenguzi bwabo nubwo bubamo ubufana bwa man u baragerageza

rwesa Kuya 11-07-2017

nagende uwo gatare avane itiku aho? we c yakoze iki kirenze ibyabo? sukwirwa ahengamiye kubavuga neza sibyo byibera kuri RBA. ubu rero yagize ishyari ko abubu bacukumbura bakavuga ukuri nokubyubak sport. abanenga Regis sinzi icyo mwumva. Regis na taiffa nabambere. Bavuga ukuri kd gucukumbuye. Nibyo ducyeneye naho ibyo byaba rambert gatare mujye mwumva ba paty kuri radio nyogokuru.

rwesa Kuya 11-07-2017

nagende uwo gatare avane itiku aho? we c yakoze iki kirenze ibyabo? sukwirwa ahengamiye kubavuga neza sibyo byibera kuri RBA. ubu rero yagize ishyari ko abubu bacukumbura bakavuga ukuri nokubyubak sport. abanenga Regis sinzi icyo mwumva. Regis na taiffa nabambere. Bavuga ukuri kd gucukumbuye. Nibyo ducyeneye naho ibyo byaba rambert gatare mujye mwumva ba paty kuri radio nyogokuru.

Gatwe Kuya 4-07-2017

Arko njye muransetsa Regis n abo bose mwishyizemo baba bavuga ukuri ahubwo nuko babatoneka. Ngo uteye ibuye mubwa nyinshi ibwejaguye niyo iba ihamijwe. Ubworero nimba bavuga ibyo uwo ukunda akora bikakubabaza ihangane cg wihutire kumugira inama. Itangazamakuru si urubuga rwo kuvuga ibyiza gusa n ibibi bigomba kuvugwa kugirango bikoswe. Ahubwo nibavivuge byose twitere imbere muri sport

tesy Kuya 20-06-2017

Regis ni urugero rwiza rw’umunyamakuru ufite uburere hafi yantabwo ntakinyabupfura ni umushumba wigendera ikindi nenga itangazamakuru rya sport ukumva umunyamakuru akoze interview n’umutoza abandi bacishaho ya interview aho umunyamakuru abaza bakahakuramo bagashyiraho aho umutoza asubije ubuse wakumva igisubizo utumvishe ikibazo ukamenya asubije iki mubyukuri? gusa Reges asubire kwiga ikinyabupfura naho ubundi niyo mubonye ndeba hirya ngo atantuka

alias Kuya 18-06-2017

ahubwo wagirango bamwe ntibize itangazamakuru yewe n’umuco barawutaye.
mwambwirako Taifa bruno yize iki ukurikije ibyo avuga.aba yivugira udutiku gusaaa.narumiwe

Nziza Kuya 17-06-2017

Biriya bigambo birirwa batuka Degaule ; Jye nta gaciro mbiha, nubwo ubona ko babyinjije no mu baturage. Kuko Degaule afite poste iri sensible, kumuvuga rero nukugira ngo babumve, Kuko Degaule nuwabuze inkuru we ntiyabura icyo amuvuga. Sinzi ngo yanze kugura abakinnyi.... ngo... kandi ntiwumve na rimwe umunyakuru uvuga ngo Jye nivuganiye na Degaule arambwira ngo.... Gusa abanyamakuru nibatikosora bazitesha agaciro, tujye tubafata nk’abantu b’abaswa bavuga ibyo batazi.

Rwabuhungu Muzungu Johnson Kuya 17-06-2017

Ibyo gatare avuga nukuri itanganza makuru rya sport riratwicira umupira ngaho gusebya abayobozi ba sporo nibindi byinshi hakwiye kujyaho amategeko abahana kuko batarihejuru yamatejyeko

Abdul Kuya 17-06-2017

Jado Castal we mumwihorere kbs,ni urugero rwiza rw’umuntu uba mu bintu nabyo bikamubamo,ibyo akora arabizi cyane

Alain Kuya 16-06-2017

Jado castal ni uwa mbere akanikuriiira

chris Kuya 16-06-2017

Njyewe rero reka mbabwize ukuri hari amaradiyo naretse kumva kubera iyo mpamvu nka Flash fm ndetse nizindi nyinshi. pe ibyo gatare avuga nibyo 100% wenda hari abavuga basebanya bashyenga nka ba Rugimbana ndetse na fuade wenda gusa hari abigira nyirandabizi bakabogama kuburyo bukagaragara nka ba Claude hits ndetse nabo bakorana bose kuri flash pe flash narayikundaga gusa nayivuyeho kubera bo reba nk’urugero ugasanga baratuka Degaulle bakanamwinjirira mu buzima bwe bwite ibintu njye byanyeretse ko bamurwanyiriza ubusa ndetse banamwanjyishije abanyarda kandi njye mpamya ko arusha benshi cyane reba nka Elie Faty kwizera yigeze kuvuga ngo Degaulle arwaye mu mutwe gusa nashimishishijwe nuko nae bahise bamwirukana reka mbahe nurundi rugero rutoya hari igihe jado max umunyamakuru mugenzi we yigeze amubaza ngo urda rwatomboye iyihe muri CECAFA muri 1/4 mu mwaka ushize yaramusubije ngo iyo izatombora yose ngo icyo ahamya ni uko izihata itaha gusa igisekeje yageze kuri final byahise binyereka ubuswa butangaje afite pe cg jado Dukuze we narinziko namara gushaka azahita aba umuntu muzina ariko ahubwo byahise bihumira ku mirari gusa we wenda ntago byantungura nkumuntu wigeze gushaka kwiyahura kbra ko yabenzwe ntago bitangaje gusa yibeshya ko kuba afite talent ataba ubusa gusa nizere ko amaze kumva
njye abanyamakuru nka ba Jadomax, hits, nasri, cado ndetse nabandi njye mpamyako bakwiye kwikosora cyangwa se bakanerekwa umuryango pe kuko barakabya kko nibaza icyo karangwa vital akora cg se barabashyigikira se gusa sinanabura gushima abakora neza ndetse bakanagira ikinyabupfura nka Patrick Habarugira pe bigaragara ko yarezwe ndetse nabandi nubwo atari benshi cyane
Mumbabarire nanditse byinshi gusa ni uko mbabaye pe njye ntacyo mpfa nabo gusa ni uko ari ibyo nabashije kubona kandi nashimishwa ko bakikosora arinayo mpamvu nanabanditse mu mazina
MURAKOZE

Moreno Kuya 16-06-2017

Uwitwa Régis wa City radio we wagirango nta tegeko na rimwe ry’itangazamakuru rimureba. Iyo ageze kuri Rayon ahinduka nka ba banyamakuru ba mbere ya 94

Moreno Kuya 16-06-2017

Uwitwa Régis wa City radio we wagirango nta tegeko na rimwe ry’itangazamakuru rimureba. Iyo ageze kuri Rayon ahinduka nka ba banyamakuru ba mbere ya 94

-xxxx- Kuya 16-06-2017

Mwavuga mwagira jado castar ndamwemera peee

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...