konka coffee
KONKA

AMAKURU

UKWEZI

Kiyovu Sports yongeye gukorerwaho amateka na APR FC, irushaho kugana ahabi

Kiyovu Sports yongeye gukorerwaho amateka na APR FC, irushaho kugana ahabi
23-04-2017 saa 18:20' | By Muhizi Olivier | Yasomwe n'abantu 6498 | Ibitekerezo 1

Kuri iki Cyumweru tariki 23 Mata 2017, imikino ya shampiyona y’umunsi wa 24 yakomezaga hirya no hino mu gihugu, umukino wari uteganyijwe ukaba wabereye iKigali, wahuzaga APR FC na Kiyovu Sports kuri Stade ya Kigali iri i Nyamirambo. APR FC yabashije gutsinda bigoranye ikomeza kwandika amateka yo kudatsindwa na Kiyovu mu gihe cy’imyaka myinshi, naho iyi kipe yo yarushijeho kujya habi nyuma yo gutsindwa uyu mukino.

N’bwo APR FC yari imaze iminsi idatsinda ariko ukurikije uko Kiyovu nayo ihagaze muri iyi minsi, amahirwe menshi n’ubusanzwe yari aya APR FC na mbere y’uko umukino uba. Umukino watangiye APR FC isatira ariko abakinnyi nka Muhadjili na Mukunzi bagerageza amahirwe ariko abakinnyi b’inyuma ba Kiyovu bakababera ibamba.

Igice cya mbere cyarangiye ntakinyuranyo kinini mu mikinire dore ko cyarangiye amakipe yombi anganya ubusa ku busa. Igice cya kabiri kigitangira APR FC yakoze impinduka aho Nkinzinkabo Fiston yasimbuwe na Eric Tuyishime, naho ku munota wa 56 Sekamana Maxime yasimbuye Sibomana Patrick, byatumye APR FC itangira gusatira bikomeye ari nako ihusha ibitego byari byabazwe.

Ku munota wa 85 w’umukino, Nsabimana Aimable yatsindiye APR FC igitego nyuma y’umupira wari umaze iminota 2 wisirisimba imbere y’izamu rya Kiyovu, bidatinze ku munota 87 kapiteni wa APR FC, Ngabo Albert yatsinze igitego cya kabiri ndetse no mu minota ya nyuma y’igice cya kabiri APR FC yocyeje igitutu bikabije Kiyovu Sports, ariko nta kindi gitego cyabonetse kuko umukino warangiye APR FC itsinze 2-0, maze ikomeza gushimangira amateka y’imyaka 11 yose imaze itsinda Kiyovu Sports.

Ibitego byose byatsinzwe n’abakinnyi b’inyuma ba APR FC, bivuze ko kugeza n’ubu ubusatirizi bwa APR FC bugikemangwa. Indi kipe yari ikurikiranye ku rutonde na APR FC ni Police FC yakinaga na Etincelles umukino urangira banganyije ubusa ku busa, bivuzeko igitutu APR FC yari itewe n’amakipe ayikurikiye cyagabanutse.

Ubu Kiyovu Sports iri ku mwanya wa 13 n’amanota 22 aho ikurikiwe na Marines FC ya 14 n’amanota 20, bityo Kiyovu ikomeje gutsindwa imikino isigaje ishobora kwisanga yamanutse mu cyiciro cya kabiri mu gihe Gicumbi FC na Marines batsinda imikino basigaranye.


INKURU ZA :
Tanga Igitekerezo
Ibitekerezo 1
Gautier Kuya 23-04-2017

C’est domage! gusa Birasaba gufata ingamba zikakaye

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...