konka coffee
KONKA

AMAKURU

UKWEZI

Manchester United yatangiye itsinda, Zlatan Ibrahimovic aca agahigo kadasanzwe

Manchester United yatangiye itsinda, Zlatan Ibrahimovic aca agahigo kadasanzwe
14-08-2016 saa 15:50' | By Chief Editor | Yasomwe n'abantu 4001 | Ibitekerezo

Umukino wa mbere wa shampiyona y’u Bwongereza ku ruhande rw’ikipe ya Manchester United, wayihiriye itangira itsinda ikipe ya Bournemouth iyisanze ku kibuga cyayo, mu gihe rutahizamu wayo Zlatan Ibrahimovic we yahise aca agahigo kadafitwe n’undi mukinnyi n’umwe ku isi.

Uyu mukino watangiye ku isaha ya saa cyenda z’amanywa, warangiye Manchester United itsinze ibitego 3 kuri 1, igitego cya mbere kikaba cyatsinzwe na Juan Mata ku munota wa 40, icya kabiri gitsindwa na Wyne Rooney ku munota wa 59 naho icya gatatu gitsindwa na Zlatan Ibrahimovic ku munota wa 64, mu gihe icy’impozamarira cya Bournemouth cyatsinzwe na Adam Smith ku munota wa 69.

Zlatan Ibrahimovic yahise aca agahigo ko kubasha gutsinda igitego mu mikino itangira shampiyona z’ibihugu bine, u Butaliyani, Espagne, u Bufaransa n’u Bwongereza, hakiyongeraho n’imikino ya UEFA Champions League aho umukino utangira aya marushanwa yose yagiye abasha gutsindamo igitego.

Ikipe ya Manchester United itozwa na Jose Mourinho, ni imwe mu makipe ahanzwe amaso cyane mu gihugu cy’u Bwongereza bitewe ahanini n’abakinnyi b’ibihangange yaguze, barimo uyu Ibrahimovic na Paul Pogba ariko we utakinnye uyu mukino.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...