konka coffee
KONKA

AMAKURU

UKWEZI

Marine yanganyije na APR FC biha amahirwe Police FC binashyira Kiyovu Sports mu kaga

Marine yanganyije na APR FC biha amahirwe Police FC binashyira Kiyovu Sports mu kaga
22-05-2017 saa 18:09' | By Muhizi Olivier | Yasomwe n'abantu 4885 | Ibitekerezo 3

Kuri uyu wa Mbere tariki 22 Gicurasi 2017 byari bikomeye muri shampiyona y’icyiciro cya mbere hano mu Rwanda, aho APR FC imaze iminsi ititwara neza yari yakiriye Marine FC yarwanaga no kutamanuka mu cyirio cya kabiri, mu gihe APR FC nayo yaharaniraga kugumana umwanya wa kabiri. Nyuma yo guhangana kw’amakipe yombi, umukino warangiye bagabanye amanota.

Ku ruhande rwa Marinen FC, yashakaga amanota kuburyo yakinaga yihambira cyane kuko mbere y’umukino yari mu makipe ashabora kumanuka mu cyiciro cya kabiri, gutsindwa cyangwa kunganya uyu mukino ku ruhande rwa APR FC nabyo byari kurushaho kuyishyira habi cyane kuko yashoboraga gutakaza umwanya wa kabiri ari byo byahaye ingufu uyu mukino cyane.

Umutoza Jimmy Mulisa yagerageje gukora iyo bwabaga birangira anganyije uyu mukino

Uyu ni umukino wari ishiraniro ku mpande zombi, ukaba warangiye ikipe zombi ziguye miswi kuko zatsindanye igitego kimwe kuri kimwe. Umukino watangiye impande zombi zishaka igitego, gusa APR FC yabashije kwinjira mu mukino mbere ya Marine FC. Ntibyatinze umukinnyi wa APR FC Ngandu Omar atsinda igitego cy’umutwe ku mupira wari uvuye muri koroneri.

Igice cya kabiri kigitangira Marine FC yatangiranye impinduka isimbuza abakinnyi babanjemo mu gice cya mbere, itangira gusatira ariko na APR FC nayo ikomeza kotsa igitutu Marine FC. Abakinnyi ba APR FC nka Nshuti Innocent bageragezaga amashoti ya kure ndetse n’umwana wazamutse mu bakiri bato ba APR FC; Tuyishime Eric nawe wigaragaje cyane muri uyu mukino.

Umukino wakomeje gukinirwa hagati ku mpande zombi, ikipe ya Marine FC ifite abakinnyi bakiri bato ariko bakina umupira mwiza ikaba yagoyen cyane APR FC mu minota ya nyuma y’igice cya mbere ndetse banahusha ibitego byari byabazwe. Marine FC yabashije kwishyura igitego yari yatsinzwe na APR FC ku munota wa 91 ubwo yabonaga penaliti yaje kwinjizwa neza, umukino urangira amakipe yombi anganya kimwe ku kindi.

Mu rwego rwo guhumuriza umutoza n’abakinnyi, abafana ba APR FC bazanye igikombe ku kibuga

Marine yahise ica kuri Kiyovu Sports ijya ku mwanya wa 13 n’amanota 27 irusha Kiyovu inota 1, ikarusha Gicumbi amanota 3. Izi kipe uko ari eshatu zirimo kurwana urugamba rwo kwikura mu makipe azavamo izaherekeza Pipiniere FC mu cyiciro cya kabiri.

Uyu mukino kandi watumye APR FC ishobora kwamburwa umwanya wa kabiri, kuko Police FC iramutse itsinze Espoir FC kuri uyu wa Kabiri tariki 23 Gicurasi 2017, yahita yegukana umwanya wa kabiri ikarusha APR FC inota rimwe.

Nyuma yo kubura igikombe cya shampiyona, APR FC ishobora no gutakaza umwanya wa kabiri


INKURU ZA :
Tanga Igitekerezo
Ibitekerezo 3
jirbert Kuya 22-05-2017

kuva twabura sezard kayizari appr yaraducanze mbese isigaje kujya mucyiciro cya 2 muzamutugarurire kdi mugure abakinnyi kuko amafaranga murayafite pe!aba rayon batujyeze ahaga badusebya.

Mibambwe Kuya 22-05-2017

Yewe APR rwose izongere ivuge nta ngufu zo guhangana igifite niyiturize iguye ntawe utayigera ihembe

alfa Kuya 22-05-2017

Igikombe ku kibuga? Hahaha hiihiiii hoohoo heeheeee... Bararota kumanywa?

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...