konka coffee
KONKA

AMAKURU

UKWEZI

Neymar yafashije ikipe ya Brazil kwitwara neza igera muri kimwe cya kabiri

Neymar yafashije ikipe ya Brazil kwitwara neza igera muri kimwe cya kabiri
14-08-2016 saa 11:56' | By Mukwaya Olivier | Yasomwe n'abantu 2208 | Ibitekerezo

Imikino ya Olympic ikomeje kubera mu mujyi wa Rio de Janeiro mu gihugu cya Brazil, umukinnyi Neymar akaba yitwaye neza akaza gufasha ikipe ye ya Brazil y’umupira w’amaguru kugera muri kimwe cya kabiri.

Uyu mukino wahesheje Brazil kugera muri kimwe cya kabiri, wahuzaga ikipe ya Brazil na Colombia aho waje kurangira Brazil itsinze ibitego 2-0. Muri ibyo bitego rutahinzamu Neymar akaba yaje gufungura amazamu ku munota wa 12 w’umukino, nyuma yo gutera kufura nziza muri metero 25.

Ikipe ya Brasil yaje gushimangira intsinzi ku munota wa 84 w’umukino ubwo umukinnyi Luan yatsindaga igitego cya 2 ku mupira mwiza yari ahawe na Neymar wigaragaje cyane muri uyu mukino.

N’ubwo uyu musore w’imyaka 24 y’amavuko usanzwe ukinira ikipe ya FC Barcelona wagaragaje ubuhanga muri uyu mukino; ntibyamubujije guteza akavuyo mu kibuga nyuma y’uko avunnye umukinnyi wa Colombia witwa Andres Roa, bikaza gutuma abakinnyi bashaka kurwana, bituma umusifuzi amuha ikarika y’umuhondo benshi bemezaga ko yari akwiye umutuku.

Gusa umukino warangiye Brazil yerekeje muri kimwe cya kabiri aho igomba gucakirana n’ikipe ya Honduras kuwa Gatatu saa tatu z’ijoro. Kuri uwo munsi kandi, izindi kipe zigomba kwisobanura muri kimwe cya kabiri ni u Budage buzakina n’ikipe ya Nigeria ku isaha ya kumi n’ebyiri z’umugoroba.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...