konka coffee
KONKA

AMAKURU

UKWEZI

Nzamwita Vincent De Gaule yabaye umwere, Mulindahabi Olivier akatirwa igifungo

Nzamwita Vincent De Gaule yabaye umwere, Mulindahabi Olivier akatirwa igifungo
24-06-2016 saa 12:46' | By Chief Editor | Yasomwe n'abantu 2566 | Ibitekerezo 1

Perezida w’ishyirahamwe ry’umupira w’amaguru mu Rwanda FERWAFA, Nzamwita Vincent De Gaule yagizwe umwere n’urukiko rwamuburanishaga ku ruhare mu cyaha cyo gutanga isoko hakoreshejwe ikimenyane n’icyenewabo, mu gihe umunyamabanga we Mulindahabi Olivier yakatiwe igifungo.

Kuri uyu wa Gatanu tariki 24 Kamena 2016, nibwo urukiko rwa Nyarugunga rwasomye urubanza ruregwamo abayobozi bakuru b’ishyirahamwe ry’umupira w’amaguru mu Rwanda, aho bashinjwaga ibyaha byo gutanga isoko bakoresheje ikimenyane n’icyenewabo. Iri soko ni irya hoteli ya FERWAFA y’inyenyeri enye, igomba kubakwa mu ngengo y’imari ya miliyari enye z’amafaranga y’u Rwanda (4.000.000.000).

Abayobozi ba FERWAFA baregwaga muri uru rubanza, ni umunyamabanga mukuru Mulindahabi Olivier waraburanaga afunze, na Perezida w’iri shyirahamwe, Nzamwita Vincent De Gaule waburanaga ari hanze, bombi bakaba bareganwaga na Eng. Muhirwa Adolphe nawe washinjwaga ubufatanyacyaha.

Mu kugaragaza ikimenyane cyagaragaye mu itangwa ry’isoko, urukiko rwagaragaje ko kompanyi yitwa XPATCO yaritsindiye ku biciro biri hejuru ya 4.100.000.000, mu gihe Horizon yimwe isoko ku biciro by’asaga 3.900.000.000

Nzamwita Vincent De Gaule washinjwaga kuba yarasinyiye ibintu birimo amakosa, urukiko rwasanze ari umwere. Mulindahabi Olivier yahamwe n’icyaha kimwe na Eng. Muhirwa Adolphe ushinjwa ubutanyacyaha, bahanishwa igifungo cy’amezi atandatu, bivuga ko basigaje amezi abiri muri gereza kuko bafunzwe guhera mu kwa kabiri.


INKURU ZA :
Tanga Igitekerezo
Ibitekerezo 1
Salim Kuya 24-06-2016

Theo, utugezaho Amakuru menshi kdi meza kbs. turabemera.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...