konka coffee
KONKA

AMAKURU

UKWEZI

Perezida wa Argentine yatakambiye Messi ngo yisubireho agaruke mu ikipe y’igihugu

Perezida wa Argentine yatakambiye Messi ngo yisubireho agaruke mu ikipe y’igihugu
28-06-2016 saa 05:59' | By Chief Editor | Yasomwe n'abantu 3463 | Ibitekerezo 2

Nyuma yo gutsindwa na Chili ku mukino wa nyuma wa Copa Amerika, ikirangirire mu mupira w’amaguru Lionel Messi yatunguye benshi ubwo yatangazaga ko asezeye burundu mu ikipe y’igihugu cye cya Argentine, nyamara ubu abantu benshi barimo na Perezida w’iki gihugu barimo kumuhendahenda ngo yisubireho.

Nyuma y’uko Argentine itsinzwe na Chili kuri penaliti, Lionel Messi akaba ari mu bahushije penaliti ku ruhande rw’ikipe ye, bigatuma ibura igikombe, Lionel Messi yahise afata icyemezo ntakuka cyo kutazongera gukinira ikipe y’igihugu akomokamo, n’ubwo akiri muto kuko afite imyaka 29 gusa y’amavuko. Messi ati : "Kuri njyewe, byarangiye sinzongera gukinira ikipe y’igihugu cyanjye. Nakoze ibyo nari nshoboye byose, ariko birababaza kudatwara igikombe."

Kuva yatangaza ibi, abakunzi b’umupira w’amaguru muri Argentine bagaragaje akababaro batewe n’iki cyemezo, ndetse bamwe bagiye kugaragaza akababaro kabo imbere y’ibiro by’ishyirahamwe ry’umupira w’amaguru muri iki gihugu. Perezida wa Argentine, Mauricio Macri abinyujije kuri twitter yavuze ko yumva atewe ishema cyane n’ikipe y’igihugu ayoboyr, ariko bakaba bakifuza cyane gukomeza kugira ibyishimo byo kubona umukinnyi wa mbere ku isi abakinira indi myaka myinshi. Yahendahenze Messi amusaba kwisubiraho akaguma mu ikipe y’igihugu, agira ati: "Rwose wigenda Lionel Messi"

Hamwe n’ikipe ya FC Barcelona, Messi yatwaye ibikombe bya shampiyona yo muri Espagne (Spain) bigera ku 8 anatwara ibya UEFA Champions League 4 hamwe n’ibindi bitandukanye, ariko mu ikipe ye ya Argentine uretse umudari wa zahabu bakuye mu mikino ya Olympic ya 2008, nta gikombe aratwaramo n’ubwo amaze kugeza iyi kipe ku mukino wa nyuma inshuro nyinshi bahatanira igikombe gikomeye.

Muri 2004, Argentine yatsinzwe n’u Budage ku mukino wa nyuma w’igikombe cy’isi igitego 1-0, muri 2015 batsindwa kuri penaliti na Chili ku mukino wa nyuma wa Copa Amerika, ndetse ibi bikaba byisubiyemo muri uyu mwaka wa 2016. Muri 2007 nabwo, batsinzwe na Brazil ku mukino wa nyuma wa Copa Amerika. Nyamara Messi, niwe umaze gutsindira iyi kipe ibitego byinshi mu mateka yayo, dore ko afite ibitego 55 mu mikino 113 yakiniye Argentine.


INKURU ZA :
Tanga Igitekerezo
Ibitekerezo 2
hakizimana emanuel Kuya 28-06-2016

mubyukuri birababaje
abafana ba mesii twarihanganye nasubire mwikipe yigihugu murakoze

Nyaminani Jean de Dieu Kuya 28-06-2016

Mubyukuri Leo Messi kubwanjye Narababaye cne ark aracyafite byinshi byo gukora muri national team Kandi igikombe azageraho agitware Nagaruka muri equipe yigihugu. birababaza Kudatwara igikombe Noneho bikababaza cne iyo bikurikiranye Kandi batagiheruka. gusa umuntu witwa maradona ni umwe mubatera igitutu abakinnyi ba Argentina. wariwabona aho abakinnyi bajya gukinira igihugu aho kubaha courage ukavuga ngo nibatazana igikombe ntibagaruke migihugu? nkaho igihugu aricye? buriya yarambabaje gusa Leo Messi yihangane agaruke bizageraho Nimuhire .murakoze

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA