konka coffee
KONKA

AMAKURU

UKWEZI

Rayon Sports yahagaritse umutoza wayo Masudi Djuma nyuma yo gusezererwa na Rivers United

Rayon Sports yahagaritse umutoza wayo Masudi Djuma nyuma yo gusezererwa na Rivers United
24-04-2017 saa 20:29' | By Muhizi Olivier | Yasomwe n'abantu 5361 | Ibitekerezo 6

Ku mugoroba wo kuri uyu wa Mbere tariki 24 Mata 2017, nibwo umutoza Masudi Djuma yahagaritswe mu ikipe ya Rayon Sports azira kutitwara neza, nyuma ya gusezererwa mu mikino ya CAF Confederation Cup ikuwemo na Rivers United yo mu gihugu cya Nigeria.

Ikinyamakuru Ukwezi.com cyagiranye ikiganiro n’Umuvugizi wa Rayon Sports, Gakwaya Olivier ku murongo wa telefone, adusobanurira uko biteye. Yagize ati: ”Nibyo Masudi twamuhagaritse icyumweru kimwe, igihano kizatangira ejo kuwa Kabiri tariki 25 Mata, icyo azira hari ibyo twumvikanye atakoze, yahagaritswe nibura imikino 2 ibindi birambuye turabibatangariza ejo”

Masudi ahagaritswe mu gihe urugamba rwo gushaka igikombe cya shampiyona rukomeje, aho mu mikino ya vuba iteganyijwe harimo uwo Rayon Sports izakina na Etencilles FC na Mukura, uyu wo ukaba ari umukino w’ikirarane. Rayon Sports iyoboye urutonde rwa shampiyona aho irusha APR FC ya kabiri amanota 5 n’imikino 2 y’ibirarane isigaje, bisa n’aho uyu mutoza yamaze kuyigeza ku gikombe.

Hari amakuru yizewe agera ku Kinyamakuru Ukwezi.com avuga ko gusezererwa kwa Rayon Sports, ubuyobozi bw’ikipe bwabishyize ku mutoza Masudi buvuga ko atigeze yitwara neza, kandi nyuma y’icyumweru yahawe cy’igihano hakaba hashobora no kuzaho ibindi byemezo birimo no kuba bamusezerera burundu ariko ibi byo bakazabanza kubyigaho bihagije.


INKURU ZA :
Tanga Igitekerezo
Ibitekerezo 6
serge Kuya 25-04-2017

icyo bamuhoye niki Rayon Sports yananiwe gutsinda River United, ihomba akayabo ka miliyoni zirenga 230 ubu bari barakweduye ibifu nine barahombye ese niwe wanze ibyiza

mm Kuya 25-04-2017

Hhhhhhh! aba bayobozi bahubutse cyane! nibamwirukana bazabyiuza igihe cyose. nigutese atitwaye neza?

John Kuya 25-04-2017

Nyamara Masudi ni umutoza mwiza bamugarure rwose kuko gutsindwa rimwe birasanzwe muri football

Manzina Kuya 24-04-2017

Abahagaritse uyu mutoza ni abanzi ba Rayon Sport, nagire akomeze akazi ke niba ntayo kumuhemba bafite bazambwire mwihembere

alfa Kuya 24-04-2017

Nk’umufana wa Gikundiro nabasaba kudahubuka mu byemezo mufata. Ugutsinda (ndwa) kw’ikipe biva kuri factors nyinshi n’umutoza arimo. Ese mwibuka ko ikipe twakinaga nayo yashakaga intsinzi? Baca umugani ngo "asiyekubari kushindwa si mshindani". Ubwo bigiye guteza umwuka utari mwiza mu bakinnyi na ya championat twacungiragaho iducike. Ni ukuri nimusigeho.

ndacyayisenga j bosco Kuya 24-04-2017

turabashimye muzajye mushyiraho film nyarwanda

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...