konka coffee
KONKA

AMAKURU

UKWEZI

Rayon Sports yananiwe gukura intsinzi kuri Police FC mu mukino w’ishiraniro - Amafoto

Rayon Sports yananiwe gukura intsinzi kuri Police FC mu mukino w’ishiraniro - Amafoto
25-02-2017 saa 17:52' | By Muhizi Olivier | Yasomwe n'abantu 5573 | Ibitekerezo 3

Ikipe ya Rayon Sports ntiyorohewe n’umukino wa shampiyona y’umupira w’amaguru mu Rwanda wayihuje na Police FC, ndetse ntiyabashije kubona intsinzi nk’uko byari byitezwe dore ko mu mukino ubanza Rayon Sports yari yanyagiye Police FC 3-0.

Umukino wabanjirijwe no gukusanya inkunga yo gufasha umukinnyi Gangi urwaye

Amakipe yombi yatangiye kotsanya igitutu kare kuko ku munota wa gatandatu w’igice cya mbere, Kwizera Pierrot yaboneye Rayon Sports igitego cya mbere ku burangare bw’abakinnyi ba Police FC b’inyuma.

Amakipe yombi yahanganye mu buryo bugaragara

Rutahizamu umaze kubaka izina muri Police FC, Usengimana Danny, ku munota wa 14 yaboneye ikipe ye igitego cyo kwishyura umukino usubira ibubisi. Police FC yakomeje kotsa igitutu Rayon Sports cyane maze ku munota wa 40 ibona igitego cya kabiri cyatsinzwe na Mico Justin ku burangare bw’abakinnyi b’inyuma ba Rayon Sports nka Rwatubyaye wabanje mu kibuga ariko byagaragaraga ko ahuzagurika cyane.

Perezida wa FERWAFA na Perezida wa FIFA barebanye uyu mukino

Perezida wa Rayon Sports aha yari yumiwe ikipe ye imaze gutsindwa

Perezida wa FIFA, Giani Ifantino, na we yarebye uyu mupira byagaragaraga ko Police FC irusha Rayon Sports mu gice cya mbere. Igice cya mbere cyarangiye ari ibitego bibiri bya Police FC kuri kimwe cya Rayon Sports.

Mu gice cya kabiri Rayon Sports yatangiye kurushaho kotsa igitutu Police FC ndetse itsinda igitego baracyanga ariko ntiyacika intege ikomeza gushakisha igitego, kugeza ubwo byaje kuyihira mu minota ya nyuma ibasha kwishyura, abafana ba Rayon Sports bahugurukira rimwe barafana. Mu minota 6 yongeweho, Rayon Sports yagerageje kotsa igitutu Police FC ariko ntibyayihira, umukino urangira ari 2-2 amanota zirayagabana.

King James mu bafana ba Rayon Sports barebye uyu mukino

AMAFOTO: New Focus


INKURU ZA :
Tanga Igitekerezo
Ibitekerezo 3
Gikundiro Kuya 26-02-2017

Ndashima abakinnyi ba Rayon bagerageje kwitwara neza urebye ukuntu umusifuzi yabogamye kuburyo burengeje urugero.Gusa reka ngaye ubuyobozi bw’ikipe yacu budashobora guhembera abakinnyi Ku gihe kdi babonaga ko mu keba yari yasitaye bagombaga gutegura umukino mentallement kuko umukinnyi ntiyakwitanga uko bigombye atahembewe Ku give byambabaje kubona team nka rayon ikina nta mwataka.intsinzwi tuyitewe nabayobozi bacu bareba inyungu zabo mbere yiza equipe bahagarariye.courage basore n’umutoza tubarinyuma.

Nsenga Kuya 25-02-2017

Reyon Nikipe Ikomeye Kabisa Koko Kuba Inganyije Na Poric Ntagitangaza Kirimo Ikipe Yakinaga Ntamwataka Urumva Idakaze Kd Bariya Basifuzi Nabo Ntibayibaniye Kuko Urebye Nkigitego Yastinze Ntibacyemere Ikabona Penariti Bakayanga Bariya Basifuzi Ntago Arabo Gusifura Maci Yareyon Kabisa Ntakigenda Cyabo Aho Kugirango Bazamure Urwego Rwabo Ahubwo Bararumanura Bajye Basifura Izo Muntara Naho Ikigar Wapi Pepepe?

habimana francois xavier Kuya 25-02-2017

kandi se iyo kipe yu bukombe byayigendekeye bite mujye mwemera ko byose bishoboka mugabanye amagambo nanone mugiye kuvuga se ngo si rayon yakinye!!amagambo atagira ibikorwa mujye muyagabanya

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
INKURU ZIKUNZWE
Ibitekerezo
  • didon https://www.exoticrwanda.com

    ">iyi website muyitondere kd muyirinde abana banyu https://www.exoticrwanda.com
  • Loading...
    IZINDI NKURU WASOMA
    Loading...