konka coffee
KONKA

AMAKURU

UKWEZI

Rayon Sports yananiwe gutsinda River United, ihomba akayabo ka miliyoni zirenga 230

Rayon Sports yananiwe gutsinda River United, ihomba akayabo ka miliyoni zirenga 230
22-04-2017 saa 18:29' | By Muhizi Olivier | Yasomwe n'abantu 4623 | Ibitekerezo 3

Kuri uyu wa Gatandatu tariki 22 Mata 2017, byari ibicika kuri Stade Amahoro i Remera guhera mu masaha y’igicamunsi, ndetse mu mihanda ya Remera wabonaga benshi bambaye imyenda y’ibara ry’ubururu n’umweru berekeza kuri Stade mu mukino Rivers United yo muri Nigeria yacakiranyemo na Rayon Sports muri CAF Confederation Cup, mu mukino wo kwishyura, gusa iyi kipe yo mu Rwanda yananiwe gutsinda ihomba akayabo k’amamiliyoni.

Uyu mukino watangiye Rayon Sports ifite inyota yo gutsinda mu minota ibanza y’igice cyambere, ariko abasore b’ibigango ba Rivers United wabonaga baruta aba Rayon Sports bihagararaho. Umukino ugitangira, ku munota wa ku munota wa 12, Kwizera Pierrot yagize akabazo k’imvune ku rutugu kuburyo yakinaga urutugu ruziritse, kimwe mu byamubangamiye muri uyu mukino.

Ikipe ya Rivers United yabanje mu kibuga. Baje biyemeje kwihagararaho

Uko iminota yagendaga yicuma niko Rivers United nayo yinjiraga mu mukino kurusha Rayon Sports kuburyo ku munota wa 18 Mutsinzi Ange Jimmy yari yitsinze igitego habura gato. Muri iyo minota kandi Rayon Sports yabonaga imipira y’imiterekano imbere y’izamu rya Rivers ariko umuzamu wa Rivers akababera ibamba.

Umutoza Masudi yakoze ibishoboka byose ariko biranga

Iminota 45 ishize, bongeyeho iminota 4 y’inyongera ariko amakipe yombi akomeza kugwa miswi, kuburyo igice cya mbere cyarangiye ari ubusa ku busa. Igice cya kabiri kigitangira Rayon Sports yatangiranye impinduka aho Tidiane Kone yasimbuwe na Irambona Eric hanyuma na Mugisha Francois asimburwa na Niyonzima Olivier Sefu.

Witegereje neza umupira mu gice cya kabiri wibazaga aho igitego cya Rayon Sports gishobora kuva ukahabura kuko amahirwe yabonaga yayapfushaga ubusa. Ku munota wa 54, Emeka Olubugh yahushije igitego cyari cyabazwe cya Rivers United, naho ku munota wa 57 Nweke Ifeanyi yabonye ikarita itukura ku ikosa yari akoreye Nshuti Dominique Savio, abafana ba Rayon Sports batangira kwicinya icyara ko icyo cyuho gishobora kubafasha kubona intsinzi.

Ku munota wa 63, Nahimana Shassir yahushije igitego cya Rayon Sports cyari cyabazwe abafana barushaho kubabara, naho ku munota wa 69 Manishimwe Dabel yasimbuye Mugabo Gabriel, umutoza ashakisha impinduka ariko abasore bavuye i Lagos bashaka intsinzi babera Rayon Sports ibamba.

Umukinnyi wa Rivers United hamwe na Nshuti Dominique Savio nyuma y’umukino

Ku munota wa 90 abafana ba Rayon n’agahinda batangiye kwisohokera muri Stade bongeraho iminota 5 y’inyongera ariko abakunzi ba APR FC bongera akaruru bashyigikira Rivers United. Amakipe yombi yarangije anganya ubusa ku busa, bihita biba igiteranyo cya bibiri bya Rivers byatsinzwe mu mukino ubanza ku busa bwa Rayon Sports. Rayon Sports ikaba isezerewe muri 1/16 cy’irangiza, ihomba amahirwe yo kwinjira mu matsinda aho yari guhita ihabwa akayabo k’amadolari 275,000, ni ukuvuga arenga 233.000.000 uyabaze mu mafaranga y’u Rwanda.


Tanga Igitekerezo
Ibitekerezo 3
davidi Kuya 1-06-2017

kutukanira mukibuga sivyo urumukinyi nikugira indero kand kurwaniramukibugasivyo

davidi Kuya 1-06-2017

kutukanira mukibuga sivyo urumukinyi nikugira indero kand kurwaniramukibugasivyo

-xxxx- Kuya 22-04-2017

ndayeneza abafana bikiryabarezi ngo ni reyon sinarikubakira

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA