konka coffee
KONKA

AMAKURU

UKWEZI

Rayon Sports yari imaze iminsi ivugwa ibigwi yongeye gutakaza amahirwe yo gutwara igikombe

Rayon Sports yari imaze iminsi ivugwa ibigwi yongeye gutakaza amahirwe yo gutwara igikombe
17-05-2016 saa 16:26' | By Chief Editor | Yasomwe n'abantu 1093 | Ibitekerezo

Nyuma y’iminsi yari ishize ba rutahizamu ba Rayon Sports bavugwa ibigwi kubera intsinzi bajyaga babona ndetse bagatsinda n’ibitego byinshi, ikipe ya Gicumbi FC yayibereye ibamba ishaka kuyandagaza ariko birangira biganyije.

Imbere y’abafana bayo, Rayon Sports yari yakiriye Gicumbi FC kuri Stade ya Kigali iherereye i Nyamirambo, ntabwo byayigendekeye neza kuko no kubasha kunganya n’iyi kipe yo mu majyaruguru yabigezeho biyigoye cyane.

Muri uyu mukino, igice cya mbere cyarangiye ari ubusa ku busa, maze mu gice cya kabiri Gicumbi FC irigaragaza mu buryo bukomeye, ndetse ibasha kubona igitego cyayo cya mbere ku munota wa 79, nyuma yo guhusha ibindi bitego byinshi. Rayon Sports yaje kubona penaliti umupira ugiye kurangira, yinjizwa neza na Ismaila Diarra, birangira ari 1-1.

Uyu ni umukino wa kabiri Rayon Sports inganyije mu cyumweru kimwe, dore ko mu mpera z’icyumweru gishize yanganyine na Sunrise 0-0. Ibi bituma iguma ku mwanya wa kabiri n’amanota 53, inigabanyiriza amahirwe yo gutwara igikombe. APR FC ya mbere n’amanota 55, nitsinda umukino ifitanye na Kiyovu Sports kuri uyu wa gatatu izahita igira amanota 58, irushe Rayon Sports amanota 5 yose.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...