konka coffee
KONKA

AMAKURU

UKWEZI

Rayon Sports yatsindiwe muri Nigeria ihabwa akazi katoroshye isabwa kuzakorera i Kigali

Rayon Sports yatsindiwe muri Nigeria ihabwa akazi katoroshye isabwa kuzakorera i Kigali
16-04-2017 saa 19:28' | By Muhizi Olivier | Yasomwe n'abantu 2674 | Ibitekerezo 5

Ku mugoroba wo kuri iki Cyumweru tariki 16 Mata 2017 nibwo habaye umukino ubanza wahuzaga ikipe ya Rivers United yo muri Nigeria na Rayon Sports, mu ijonjora rya kabiri rya 1/16 cya CAF Confederation Cup, umukino waberaga kuri Yakuba Gorow Stadium mu mujyi wa Port Harcourt, muri Nigeria ukaba warangiye iyi kipe yo mu Rwanda ihawe akazi katoroshye.

Muri uyu mukino, kwinjira kuri sitade byari ubuntu ari nabyo byafashije Rivers United kubona imbaga y’abafana benshi bayishyigikira. Uyu waei mukino ubanza utarakiniwe igihe,nyuma y’aho itariki uyu mukino wari kuberaho yagonganye n’uko u Rwanda rwari ruri mu cyumweru cyo kwibuka Jenoside yakorewe abatutsi bituma wimurwa.

Muri uyu mukino, amakipe yombi yatangiye yigana gusa iyi kipe yo muri Nigeria yakomeje gusatira bikomeye ikipe ya Rayon Sports n’ubwo yari yatangiye ibona uburyo bw’ikosa bwayihesheje kufura (coup-franc) yatewe na Kwizera Pierrot ariko ntigire icyo itanga.

Ntibyatinze kuko ku munota wa 29 w’umukino, igitego cya Rivers United cyahise kinjira, biturutse kuri kufura (Coup-franc) ya Rivers United yatewe na Emeka Ogbug bawukuramo, ariko Camara awamburwa na Emeka Francis Atuloma watsinze igitego cya mbere cya Rivers United.

Rivers United yashoboraga gutsinda igitego cya kabiri ku munota wa 30 ku ikosa rya Munezero Fiston wari unaniwe kugumana umupira neza, ariko bagenzi be baramugoboka bituma igice cyambere kirangira ari igitego kimwe ku busa bwa Rayon.

Igice cya kabiri kigitangira, Rayon sport yatangiye ikora impinduka Irambona Eric asimbura Manishimwe Djabel witwaye neza muri uyu mukino kuko yaremye uburyo bubiri bwiza n’ubwo ntacyo bwatanze. Ntibyatinze ku munota wa 60 Rivers United ibona igitego cya kabiri 2 ku busa bwa Rayon Sports. Iyi kipe yakomeje gusatira ndetse ishaka igitego cya gatatu mu gihe uburyo Rayon Sports yakomeje kubona imbere y’izamu nta musaruro bwatanze, umusore Kwizera Pierrot yakomeje gutera amashoti ya kure ariko bikaba iby’ubusa.

Kuva ku munota wa 80 Rayon Sports bayokeje igitutu cyane ndetse na Rivers ihusha igitego cyari cyabazwe, gusa nta kindi cyahindutse kuko iminota 90 yarangiye ari ibitego 2 ku busa bwa Rayon Sports. Umukino wo kwishyura utegenyijwe i Kigali mu mpera z’icyumweru aho Rayon Sports izaba isabwa ibitego 3 ku busa bwa Rivers United.


INKURU ZA :
Tanga Igitekerezo
Ibitekerezo 5
f Kuya 18-04-2017

nishimiye intsinzwi ya reyon nizereko nubutaha bazayivutura

Claude Kuya 17-04-2017

Sha wapi kbs Rayon ntabyo izashobora gutsinda kbs ahubwo izatsindwa byishi ndabarahiye sha ndayifana ariko ejo yarambihirije kbs

Claude Kuya 17-04-2017

Sha wapi kbs Rayon ntabyo izashobora gutsinda kbs ahubwo izatsindwa byishi ndabarahiye sha ndayifana ariko ejo yarambihirije kbs

hgfy Kuya 16-04-2017

Rayon izabikora kuko Rivers ni ikipe yoroheje. Ikipe itinya Camera c.

Rwabigwi Kuya 16-04-2017

Imana izabidufashamo tuzayitera 4/1 iwacu izahite ivamo

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...