konka coffee
KONKA

AMAKURU

UKWEZI

Rayon Sports yatsindiwe n’umwana warezwe n’umukeba, yegukana igikombe ku giceri

Rayon Sports yatsindiwe n’umwana warezwe n’umukeba, yegukana igikombe ku giceri
16-09-2017 saa 19:14' | By Muhizi Olivier | Yasomwe n'abantu 6943 | Ibitekerezo 5

Kuri uyu wa Gatandatu tariki 16 Nzeri 2017, kuri sitade Amahoro i Remera, abakunzi b’umupira w’amaguru bari babukereye by’umwihariko abafana ba APR FC na Rayon Sports zahatanye mu mikino y’Agaciro Development Found, birangira Rayon Sports itsinze APR FC igitego kimwe ku busa cyatsinzwe n’umwana APR FC yirereye mu ishuri ryayo ry’umupira w’amaguru.

Mu gice cyambere cy’uyu mukino, Rayon Sports yatangiye isatira cyane mukeba wayo APR FC. Ku munota wa 6 Bimenyimana Clebu yatsinze igitego cya mbere cya Rayon Sports ariko umusifuzi aracyanga kuko yari yaririye, gusa iyi kipe ntiyacitse intege kuko yakomeje gusatira ari nako APR FC yihagararaho, igice cyambere kirangira ari ubusa ku busa.

Igice cya kabiri kigitangira ibintu byahindutse cyane APR FC nayo icurika ikibuga cyane ubona ishaka gutsinda, gusa yaje gukomwa mu nkokora n’ikarita itukura yahawe umukinnyi wayo yagenderagaho ku munota wa 62, uwo akaba ari Hakizimana Muhdjiri ku ikosa yari akoreye Bakame, umuzamu wa Rayon Sports.

Nyuma y’aho abakinnyi ba APR FC basigaye ari 10 maze Rayon Sports ibyaza icyo cyuho umusaruro. Ku munota wa 86 umukinnyi wahoze muri APR FC akanarererwa mu ishuri ryayo, Rutanga Eric, yahannye ikosa ryari rikorewe Nahimana Shassir ateye umupira wijyana mu izamu abafana ba Rayon Sports bajya mu bicu.

Umukino warangiye uko APR FC ikozwe mu jisho n’abana yirereye barimo n’umutoza mukuru wa Rayon Sports, Karekezi Olivier, gusa aya makipe n’ubundi aracyahatana kuko biteganyijwe ko kuwa Gatandatu tariki 23 Nzeri 2017 bazahurira i Rubavu mu mukino wa Super Cup.

AS Kigali nayo yari yatsinze Police FC ibitego 2 kuri kimwe mu mukino wabanjirije uwo yo, bityo Rayon Sports, APR FC na AS Kigali zose ziba zinganyije amanota 6 mu mikino yose, biba ngombwa ko hakoreshwa tombola maze Rayon Sports amahirwe arayisekera itombora ko icyegukana.

Mbere y’uko umukino utangira abari muri sitade babanje kwerekwa ibirango by’ikigega Agaciro Development Fund
Abafana ba APR FC bari bumiwe bamaze gutsindwa igitego n’umwana bareze
Abakinnyi ba Rayon Sports bishimira intsinzi nyuma yo gushyikirizwa igikombe


INKURU ZA :
Tanga Igitekerezo
Ibitekerezo 5
mugambage Kuya 20-09-2017

APR tuyitsinda Nokuwagatandatu

Jeraridina Kuya 17-09-2017

Nibyiza kubatwegukanye ijyikombe Abarey turishimyecyeneee!!.

Se7 Kuya 17-09-2017

Apr twari turwaye kuyitsinda amahirwe nayo aradusekera dutombora neza ibyishyimo biradusekera abateguye amategeko agenga agaciro nabashimira kuko batageze hagati ngo bayahindure

Se7 Kuya 17-09-2017

Apr twari turwaye kuyitsinda amahirwe nayo aradusekera dutombora neza ibyishyimo biradusekera abateguye amategeko agenga agaciro nabashimira kuko batageze hagati ngo bayahindure

nsengiyumva innocent Kuya 16-09-2017

Twishimiye instinzi ya rayonsports ts twese abafana ba rayon murakoze

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...