konka coffee
KONKA

AMAKURU

UKWEZI

Real Madrid yihanangirije Barcelona iyitwara igikombe, Cristano yerekana ibyishimo n’agahinda

Real Madrid yihanangirije Barcelona iyitwara igikombe, Cristano yerekana ibyishimo n’agahinda
17-08-2017 saa 07:58' | By Chief Editor | Yasomwe n'abantu 6866 | Ibitekerezo 1

Mu ijoro ryo kuri uyu wa Gatatu tariki 16 Kanama 2017, ikipe ya Real Madrid yasubiriye mukeba wayo FC Barcelona iyitsinda mu mukino wo kwishyura ari nawo wa nyuma mu guhatanira igikombe kiruta ibindi muri Espagne kizwi nka Super Cup, gihatanirwa n’ikipe yatwaye shampiyona hamwe n’iyatwaye igikombe cy’umwami. Real Madrid yihanangirije Barcelona, iyitsinda ubugira kabiri maze inayitwara igikombe, ibintu byashimishije Cristiano Ronaldo ariko byongera no gutuma agaragaza agahinda.

Nyuma y’uko mu mukino ubanza Real Madrid yari yasanze Barcelona iwayo ikayitsinda ibitego 3-1, byari byitezwe ko iyi kipe ishobora kongera gutsinda ariko kuba Cristiano yarahawe ikarita itukura akanahagarikwa imikino itanu yose, byateraga bamwe gushidikanya ku ntsinzi ya Real Madrid. Gusa iki cyuho ntacyo cyatwaye Real Madrid yakiniraga iwayo muri uyu mukino wo kwishyura, kuko yatsinze Barcelona bitanayigoye cyane.

Ku munota wa 4 gusa w’umukino, Marco Asensio yatsindiye Real Madrid igitego cya mbere, icyizere kuri Barcelona gitangira kuyoyoka. Ku munota wa 39, Karim Benzema yatsinze igitego cya kabiri, Real Madrid irushaho kwizera ko igomba gutahukana intsinzi imbere ya mukeba wayo FC Barcelona. Ni uko igice cya mbere cy’umukino cyarangiye ndetse no mu gice cya kabiri nta kindi gitego cyabonetsemo, bityo umukino urangira ari 2-0, igiteranyo cy’ibitego kiba 5-1 maze Real Madrid ihabwa igikombe cyayo.

JPEG - 47.6 kb
JPEG -

Lionel Messi yagerageje ibishoboka byose ariko ntacyo yabashije gukorera Barcelona imbere y’abakeba

Byari ibyishimo kuri Zinedine Zidane utoza iyi kipe ndetse no ku bakinnyi bose ba Real Madrid kuko ikomeje kugira ibihe byiza, dore ko iherutse kwegukana n’ikindi gikombe cya European Super Cup gihuza ikipe yatwaye igikombe cya EUFA Champions League n’iyatwaye Europa League, mu mukino yatsinzemo Manchester United yo mu Bwongereza.

Ikirangirire Cristiano Ronaldo yagaragaje ko yishimye ariko aracyanagaragaza agahinda yatewe no kuba yarahawe ikarita itukura hakiyongeraho n’igihano cyo kumara imikino 5 yose adakinira ikipe ya Real Madrid. Abinyujije ku rubuga rwa Instagram, Cristiano ati: "Ntibishoboka guceceka mu bintu nk’ibi, imikino itanu yose! Kuri njye ibi biragaragara nko gukabya kandi koko birakabije, ibi nibyo bita kwihimura, Gusa ndashimira abakinnyi dukinana hamwe n’abafana badushyigikiye"

Impossível ficar imune a esta situação, 5 jogos!! Parece-me exagerado e ridículo, isto chama-se perseguição! Obrigado aos meus companheiros pelo apoio e aos adeptos!!!

A post shared by Cristiano Ronaldo (@cristiano) on


INKURU ZA :
Tanga Igitekerezo
Ibitekerezo 1
Etienne Kuya 21-08-2017

Bravo Zidane. Ntamukinnyi Kamara muri real de Madrid

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...