konka coffee
KONKA

AMAKURU

UKWEZI

Rubavu:Hashojwe imikino yo kurwanya umwanda ku baturiye Sebeya

Rubavu:Hashojwe imikino yo kurwanya umwanda ku baturiye Sebeya
11-07-2017 saa 14:07' | By Mukwaya Olivier | Yasomwe n'abantu 405 | Ibitekerezo

Mu karere ka Rubavu mu mirenge itandukanye ikora ku ruzi rwa Sebeya hakomeje kwifashishwa imikino itandukanye mu kunoza ubukangurambaga bw’isuku ku bufatanye n’itorero ry’Ababatisita mu Rwanda aho nyuma y’umukino hatangwa inama n’ibiganiro bijyanye no kunoza isuku.

Ubuyobozi bw’itorero ry’ababatisita mu Rwanda buvuga ko bwafashe iyi gahunda mu rwego rwo gutanga umusanzu wabo mu kurwanya iki kibazo cyakundaga kugaragara ahantu henshi kigatera indwara zitandukanye cyane ku baturage begereye umugezi utemba wa Sebeya.

Ishimwe Esperance ni umwe mu baturage batuye mu murenge wa Rugerero, aragira ati: “Imikino ni myiza cyane ituma tubona umwanya uhagije wo kuba twaganirizwa ibikorwa bitandukanye bijyanye n’iterambere noneho iyo bigeze ku isuku bikaba akarusho turifuza ko byakomeza kuko aho bishyiriwemo imbaraga hakanifashishwa kuzenguruka mu ngo usigaye usanga ibintu byinshi biri ku mucyo n’ubwo bitaragera aho bishimishije hari ikirimo gukorwa.”

Mutangana Emmanuel, umuhuzabikorwa w’inama y’igihugu y’urubyiruko akaba n’umujyanama mu karere ka Rubavu, avuga ko gahunda z’ubukangurambaga zikomeje gukorwa zigenda zitanga umusaruro zifasha abatari bake ku kuba barandura ikibazo cy’isuku nke cyakundaga kugaragara aho ngo n’uburwayi bwagiye bucika.

Aragira ati: “Turashima abafatanyabikorwa bafata gahunda zo kuba hajyaho ibikorwa nk’ibi byo kurwanya isuku nke ,imikino ni kimwe mu bintu bifatika bidufasha ku kuba twageza ubutumwa ku mbaga nyamwinshi, ndasaba rero ababyeyi guhindura imyumvire kuko nibayihindura n’abana babo bazayihindura noneho ibintu bigende neza cyane.”

Akomeza asaba abaturage bose cyane urubyiruko kugira ibyabo ikibazo cy’isuku nke buri wese areba icyo yakora ngo isuku irusheho kunoga haba mu ngo zabo, ku mubiri no kubyo bambaye.

Habimana Jean Paul Shukuru ni umuyobozi ushinzwe ibikorwa muri Africa Bora Ministries itera inkunga itorero ry’Ababatisita mu Rwanda muri paruwasi ya Rugerero. Avuga ko atari ubwa mbere bateguye ibikorwa nk’ibi bifasha imbaga nyamwinshi kuzamura imyumvire mu bijyanye no kurwanya isuku nke.

Aragira ati:Ibikorwa nk’ibi dukunda kubikorwa aho dutegura ibintu biraduhuza n’imbaga nyamwinshi tuyishikariza kurwanya isuku nke aho twanafashije abana baturiye umugezi wa Sebeya kubona bote 1000 zibarinda kuba bahura n’inzoka zo mu mazi mabi y’umugezi n’ibindi kandi turacyakomeje.”

Umukino wa Nyuma wahuje Bounders yo mu murenge wa Gisenyi yatsinze Unity y’umurenge wa rugerero ibitego 2 ku busa mu mukino wagaragayemo amahane ku bafana bashyamiranaga.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...