konka coffee
KONKA

AMAKURU

UKWEZI

Samuel Eto’o arimo kotswa igitutu n’umugore babyaranye umushinja kudatanga indezo

Samuel Eto’o arimo kotswa igitutu n’umugore babyaranye umushinja kudatanga indezo
1-06-2016 saa 11:46' | By Chief Editor | Yasomwe n'abantu 3470 | Ibitekerezo

Samuel Eto’o Fils, umukinnyi w’icyamamare mu mupira w’amaguru ukomoka muri Cameroon, akomeje kotswa igitutu n’umugore witwa Anna Barranca uvuga ko babyaranye umwana w’umukobwa akanga kumwitaho kandi ari umuherwe.

Samuel Eto’o Fils wakiniye amakipe akomeye ku isi nka FC Barcelona, Chelsea, Inter Milan n’andi, ashinjwa n’umugore w’imyaka 46 y’amavuko witwa Anna Barranca, kuba barabyaranye umwana w’umukobwa witwa Annie ufite imyaka 14 kugeza ubu ariko akaba atajya amwitaho ndetse akaba yaramutereranye kuburyo atajya amwikoza.

JPEG - 112.9 kb

Anna n’umukobwa we Annie yabyaranye na Samuel Eto’o

Mu mwaka wa 2013, nibwo Anna yatangarije ikinyamakuru The Sun ibye na Samuel Eto’o, akavuga ko agerageza gukora ibishoboka byose ngo amwegere bavugane ku kibazo cyo guteganyiriza umwana babyaranye, ariko uyu mukinnyi akaba yanga kumwikoza.

Anna avuga ko inda yatewe na Samuel Eto’o, yayimuteye mu mwaka wa 2001 ubwo yabanaga n’uyu mugabo banamaranye amezi 7 muri Esipanye, ubwo Eto’o yakiniraga ikipe ya Deportiva Mallorca, mbere yo kwerekeza muri Barcelona.

Uyu mugore avuga ko yamukundaga kandi akaba atarigeze amukunda amukurikiyeho amafaranga, gusa Eto’o akaba yaraje guhita amwanga nyuma y’uko Anna yari amufatanye n’undi mugore basambana bikabyara intonganya.

Kuva ubwo Anna ngo yagiye ashakisha Eto’o ariko akamwihisha akamuhunga ntiyemere ko babonana, undi afata icyemezo cyo gusubira iwabo mu Butaliyani aho akora akazi kamufasha kubaho ubuzima bworoheje n’umukobwa we, nyamara uwo babyaranye afite imitungo itagira ingano.

Kuva yabitangaza bwa mbere muri 2013, Anna yahawe n’urukiko rwo mu Butaliyani ibyangombwa byerekana ko Eto’o ategetswe kwita ku burezi bw’umwana we, nyamara kugeza ubu uyu mugore aracyashinja uyu mukinnyi kutamureba irihumye n’umukobwa babyaranye.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...