konka coffee
KONKA

AMAKURU

UKWEZI

VIDEO: Abafana ba Rayon bateje impagarara nyuma yo kunyagira Police FC mu cy’Amahoro

VIDEO: Abafana ba Rayon bateje impagarara nyuma yo kunyagira Police FC mu cy’Amahoro
21-06-2017 saa 16:17' | By Muhizi Olivier | Yasomwe n'abantu 9508 | Ibitekerezo 3

Kuri uyu wa Gatatu tariki 21 Kamena 2017, imikino yo guhatanira igikombe cy’Amahoro yakomeje aho Rayon Sports yari yakiriye Police FC mu mukino wo kwishyura, Rayon Sports ikaba yongeye gusubira Police FC nyuma y’uko mu mukino ubanza nabwo yari yatsinze Police FC ibitego 2 ku busa. Gusezerera Police FC, byatumye abafana ba Rayon Sports bagaragaza ibyishimo byateje impagarara i Nyamirambo

Muri uyu mukino wo kwishyura, ikipe ya Police FC nayo yari yiteguye kwihimura kuri Rayon Sports aho bivugwa ko iyo iza gutsinda Rayon Sports buri mukinnyi yari kubona agahimbazamusyi k’bihumbi 300 by’amafaranga y’u Rwanda ariko Rayon Sports nayo yari yariye karungu iyibera ibamba.

Umukino amakipe yombi yawutangiranye ishyaka, bidatinze ku munota wa 4 Manishimwe Djabel atsinda igitego baracyanga umusifuzi wo kuruhande yerekana ko yaraririye. Rayon Sports yakomeje gusatira cyane ndetse ininjira mu mukino mbere ya Police FC, ntibyatinze ku munota wa 10 Nshuti Dominique Savio yaboneye Rayon Sports igitego cya mbere, ibintu byashyize igitutu ku bakinnyi b’inyuma ba Police FC bakoraga amakosa ya hato na hato ndetse byaviriyemo Umwungeri Patrick kubona ikarita y’umuhondo ku munota wa 36 ndetse na kufura bayiteye we ubwe aritsinda bituma Police ikomeza kurushwa kuburyo bugaragara cyane.

Nshuti Dominique Savio yaboneye Rayon Sports igitego cya mbere

Igice cya mbere kijya kurangira, mu minota y’inyongera rutahizamu wa Police FC, Usengimana Danny, yaboneye iyi kipe ya Polisi y’igihugu igitego cyayo cya mbere ku munota wa 47 byatumye igice cya mbere kirangira ari ibitego 2 bya Rayon Sports kuri 1 cya Police FC.

Igice cya kabiri kigitangira Police yatangiye isatira ariko biba iby’ubusa ku munota wa 61 Nahimana Shassir yatsinze igitego cya 3 cya Rayon Sports aho byahumiye ku mirari ku ruhande rwa Police FC kuko yabuze icyo ikora maze Rayon Sports ikayogeraho uburimiro, kuburyo igice cya kabiri kijya kurangira, ku munota wa 78 Nahimana Shassir yatsinze igitego cya 4 cya Rayon Sports byatumye Rayon Sports ikomeza muri 1/2 cy’igikombe cy’Amahoro bidasubirwaho.

Umutoza Seninga Innocent yahuriye n’uruva gusenya imbere ya Rayon Sports

Nyuma y’umukino, abafana ba Rayon Sports bibumbiye mu kivunge bava kuri sitade ya Nyamirambo ari benshi, bamanuka n’amaguru buzuye umuhanda kuburyo babujije zimwe mu modoka guhita zikabanza zigahagarara zikareka bagatambuka, ndetse byabaye akarusho ubwo bahuraga n’imodoka nini ya gisirikare, bayizengurukaho bayishimaho nk’abaha ubutumwa mukeba wabo APR FC, ikipe y’ingabo z’u Rwanda. Rayon Sports izahura na Espoir FC y’ir Rusizi mu mikino ya 1/2 iteganyijwe mu mpera z’icyumweru.

REBA VIDEO HANO UKO ABAFANA BA RAYON SPORTS BAGARAGAJE IBYISHIMO:


INKURU ZA :
Tanga Igitekerezo
Ibitekerezo 3
kuruvune jean de la croix Kuya 12-07-2017

Royons sport oyeeee

FAIRPLAY Kuya 22-06-2017

ARIKO ABANYAMAKURU MWABAYE MUTE KOKO?? URAMUTSE USOMYE IYI NKURU UKAREBA NIYI VIDEO WAHITA UBONA KO IBYO UVUZE NTAHO BIHURIYE RWOSE!!! MUJYE MUREKA BYACITSE AHUBWO MWUBAKE

Harera Richard Kapalata Kuya 22-06-2017

Atuyehe?Umurimomwiza Kabisa.

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...