konka coffee
KONKA

AMAKURU

UKWEZI

Yannick Mukunzi na Rutanga Eric ba Rayon Sports barekuwe, Umutoza Karekezi aracyafunzwe

Yannick Mukunzi na Rutanga Eric ba Rayon Sports barekuwe, Umutoza Karekezi aracyafunzwe
20-11-2017 saa 20:26' | By Akayezu Jean de Dieu | Yasomwe n'abantu 3214 | Ibitekerezo 2

Abakinnyi babiri bakinira ikipe ya Rayon Sports ; Mukunzi Yannick na Rutanga Eric bavugwaga ko batawe muri yombi mu ijoro rayakeye na Polisi y’u Rwanda aho ngo bari bakurikiranweho ibyaha bifitanye isano n’ibyo umutoza wa Rayon Sports, Karekezi Olivier akurikiranweho. Gusa kugeza ubu Polisi yahakanye ibyo gufunga aba bakinnyi ahubwo yemeza ko bari bahamagajwe mu rwego rwo kwifashishwa mu iperereza ku idosiye ya Karekezi Olivier.

Byari byavuzwe ko Mu ijoro ryo kuri iki Cyumweru tariki 19 Ugushyingo 2017, Rutanga Eric na Mukunzi Yannick nabo batawe muri yombi na Polisi, ndetse hari amakuru ndetse byanahwihwiswaga ko hari abandi bakinnyi ba Rayon Sports nabo barimo gukurikiranwa, kuburyo hashobora gutabwa muri yombi n’abandi.

Mu butumwa Polisi y’u Rwanda yanyujije ku rukuta rwayo rwa Twitter yavuze ko itigeze ifunga aba bakinnyi ahubwo bari batumijwe mu rwego rwo kugira ngo bifashishwe mu iperereza k obo ubwabo nta byaha bakurikiranweho

Yagize iti “Abakinnyi babiri ba Rayon Sports, Rutanga Eric na Mukunzi Yannick nta byaha bakurikiranyweho. Bari bitabye Polisi gufasha Ubugenzacyaha mu iperereza ry’ibanze kuri dosiye ya Karekezi Olivier, nyuma barataha.

Kugeza ubu Polisi ntirasobanura byeruye ibyaha Karekezi Olivier na bamwe mu bakinnyi ba Rayon Sports bakoze n’inzira babikozemo, ariko hari amakuru avuga ko hatahuwe ubutumwa Olivier Karekezi yandikiranaga n’abantu batandukanye, bacura umugambi wo gushaka uko Ethiopia yatsinda Amavubi bityo ikipe y’igihugu ntijye mu mikino ya nyuma ya CHAN, kuko ngo Perezida wa FERWAFA, Nzamwita Vincent De Gaulle yari yishongoye ku bakinnyi bajyanye Amavubi muri CAN ya 2004 agaragaza ko nta gaciro ibyo bakoze bikwiye guhabwa. Olivier Karekezi kandi ngo hari bamwe mu bakinnyi ba Rayon Sports yari yasabye ko bakora ibishoboka byose Amavubi agasezererwa n’ubwo byarangiye Ethiopia isezerewe. Aya makuru ariko ntaremezwa n’inzego z’Ubugenzacyaha..


INKURU ZA :
Tanga Igitekerezo
Ibitekerezo 2
qeri Kuya 21-11-2017

Utudusore ko aritwiza ra! Eeeee kbsa dukwiye gukinira Apr itabamo akajagari nka reyon

Hle Kuya 20-11-2017

Ariko ubundi byose ko ari De Gaulle kabitera akaba yigaramiye ubundi umupira wo mu rwanda uzatera imbere uyu mugabo nava muri ferwafa

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...