konka coffee
KONKA

AMAKURU

UKWEZI

APR FC yihanije Gicumbi, bihesha Rayon Sports akazi gakomeye

APR FC yihanije Gicumbi, bihesha Rayon Sports akazi gakomeye
11-05-2016 saa 06:01' | By Chief Editor | Yasomwe n'abantu 453 | Ibitekerezo 2

Mu gihe shampiyona y’u Rwanda y’umupira w’amaguru igenda igana ku musozo, ikipe ya APR FC ikomeje kuyobora urutonde rwa shampiyona ari yotswa igitutu na mukeba wayo Rayon Sports igenda iyirya isataburenge. Nyuma y’uko APR FC yari yanyagiwe na Rayon Sports yayitsinze ibitego 4-0 ku munsi wa 21 wa shampiyona, iyi kipe y’ingabo z’u Rwanda irimo gukora ibishoboka byose ngo itazabura igikombe.

Nyuma y’uko umukino uheruka APR FC yari yabanje kuwutsindamo Sunrine FC ibitego 2-1, kuri uyu wa Kabiri nabwo yashakaga intsinzi imbere ya Gicumbi FC, ari nabyo yaje gukora ikayinyagira ibitego 3-0, wari umukino wa 23 wa shampiyona wabereye i Nyamirambo kuri Stade Regional.

Ibi byahesheje akazi gakomeye Rayon Sports igomba gucakirana na Bugesera FC kuri sitade ya Kigali, ikaba isabwa gutsinda uyu mukino byanze bikunze, bitaba ibyo amahirwe yo gukomeza kwiruka ku gikombe akayibana macye, kuko ubu APR FC iyirusha amanota ane mu gihe hasigaye imikino 7 kuri buri kipe.

Mu yindi mikino yabaye kuri uyu wa Kabiri, harimo uwa Musanze FC yanganyije na Marines 1-1 ndetse na Rwamagana City yatsinze Sunrise FC igitego 1-0. Naho kuri uyu wa Gatatu, uretse umukino wa Rayon Sports na Bugesera, Kiyovu Sports irakira Mukura Victory Sport, Espoir FC yakire Etincelles , Amagaju akine na AS Kigali naho Police FC yisobanure na AS Muhanga.


INKURU ZA :
Tanga Igitekerezo
Ibitekerezo 2
STANLEY Kuya 12-05-2016

murambabaje muribagiwe dufte ikiraranee

APR FC Kuya 11-05-2016

Igikombe ni icya APR FC kuko turabikwi! Intego ni ugutsinda!

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA