konka coffee
KONKA

AMAKURU

UKWEZI

AMAFOTO: Ibintu 4 by’ingenzi ubukwe bwa Safi bwahuriyeho n’ubwa Butera Knowless

AMAFOTO: Ibintu 4 by’ingenzi ubukwe bwa Safi bwahuriyeho n’ubwa Butera Knowless
2-10-2017 saa 11:39' | By Akayezu Jean de Dieu | Yasomwe n'abantu 14845 | Ibitekerezo 4

Kuri iki Cyumweru tariki 01 Ukwakira 2017, umuhanzi Niyibikora Safi wamenyekanye mu ruhando rwa muzika nyarwanda nka Safi Madiba wo mu itsinda rya Urban Boys, yakoze ibirori byo gusezerana mu mategeko, gusaba no gukwa Niyonizera Judith, umukunzi we bamaze igihe gito bakundana. Ibirori byabo bikaba byasaga cyane n’ibyaranze ubukwe bw’umuhanzikazi Knowless nawe wigeze gukundana n’uyu Safi.

Ubukwe bwa Safi na Judith bwabaye kuri iki Cyumeru Tariki 01 Ukwakira 2017, bujya gusa cyane n’ubwa Butera Knowless nawe wigeze kuba umukunzi w’uyu muhanzi w’igihe kirekire ariko bakaza gutandukana ari nabwo nyuma Knowless yaje kuvugwa mu rukundo rushya n’umujyanama we mu bya muzika ndetse akaba ari nawe umutunganyiriza ibihangano, Ishimwe Clement baje no guhita babana kuri ubu bakaba bafitanye umwana w’imfura.

Muri iyi nkuru turabagezaho ibintu 4, Ubukwe bwa Safi n’ubwa Knowless buhuriyeho:

1. Aho basezeraniye ni hamwe n’ubukwe aho bwacyurijwe ni hamwe

Ku ruhande rw’abatashye ubu ubukwe bwa Safi na Judith n’ababukurikiraniye hafi batunguwe no kubona aho umuhanzikazi Butera Knowless yakoreye imihango yo gusaba no gukwa ari naho uyu Safi Niyibikora na Judith bakoreye iyi mihango.

Igitangaje muri ibi ni uko no mu murenge wa Remera Safi yasezeraniyemo imbere y’amategeko, ari naho Butera Knowless yakoreye ubukwe ubwo yasezeranaga imbere y’amategeko na Ishimwe Clement tariki ya 31 Nyakanga 2016.

2. Gutaha ubu bukwe bwombi utatumiwe byari ihurizo, umutekano wari wakajijwe

Umuhango wo gusaba no gukwa wabereye aho umuhanzikazi Butera Knowless nawe yakoreye ibi birori, aha uwahageze ubwo Knowless yakoraga ubukwe akanahagera ubwo Safi yakoraga ubwe bukwe, yahita yibonera ko uburyo bwo gukaza umutekano aha hantu babihuriyeho, kuko hombi babuzaga abatatumiwe kubutaha ndetse no gufata amafoto ukoresheje telefone ntibyari byemewe, hari abashinzwe umutekano bari bahawe akazi ko kubicunga cyane.

Knowless ntiyigeze agaragara mu bukwe bwa Safi kandi Safi nawe ntabwo yigeze agaragara mu bukwe bwa Knowless, nyamara bombi, buri umwe mbere y’uko akora ubukwe, undi yavugaga ko aramutse amutumiye ntacyamubuza kubutaha.

3. Ubukwe bwabo bwombi bwaratunguranye, bemeye ko bakundana ari uko bagiye gukora ubukwe

Tariki 26 Gicurasi 2016, nibwo bwa mbere Butera Knowless na Ishimwe Clement bemeye ko bakundana, ndetse kuva ubwo iby’ubukwe bwabo bihita bitangira kuvugwa ko ari mu minsi ya vuba, bidatinze koko barasezerana ubu baribanira. Gusa aba bo byari bimaze igihe bivugwa cyane mu itangazamakuru ko bakundana, bo bakabyamaganira kure bemeza ko bahuzwa n’akazi gusa buri umwe agishakisha umukunzi bazarushingana.

Ibi ntibitandukanye cyane n’iby’uyu Safi Madiba n’umukunzi we Niyonizera Judith, cyane ko tariki 21 Nzeri uyu mwaka ari bwo Safi Madiba yahishuye iby’urukundo rwe n’uyu mukunzi we dore ko hari amakuru yizewe agera ku kinyamakuru Ukwezi.com avuga ko aba bombi bari bamaze iminsi babana n’ubwo mu bitangazamakuru hari hakivugwa ibya Safi na Parfine bari bamaze iminsi batandukanye.

Safi wagiye avugwa cyane mu rukundo n’abakobwa benshi nyuma yo gutandukana na Butera Knowless, yakundaga kwerura ko ari mu rukundo ariko byageze kuwo barushinganye Niyonizera Judith biza kuba ibanga rikomeye ndetse abantu bamenye ibyabo ubukwe bubura icyumweru kimwe ngo bube. Ibi bisa cyane n’ibyabaye kuri Butera Knowless nawe wavuzwe mu rukundo rw’igihe kirekire na Safi ariko byagera ku wo baje gushyingiranwa bikaba ibanga rikomeye ari nabwo abantu bamenye neza ibyabo umunsi w’ubukwe wegereje.

4. Bose bifuje gusezerana mu Itorero ry’Abadivantisite birabangira.

Byabaye nk’igikuba gicitse ubwo Butera Knowless usanzwe usengera mu Itorero ry’Abadivantiste b’Umunsi wa 7 na Ishimwe Clement batangazaga itariki yo gusezerana imbere y’Imana. Nyuma gato aba bombi bangiwe gusezeranywa n’iri torero ndetse bagera ubwo bashaka kubinyuza kuri Ezra Mpyisi, nawe bivugwa ko yabyanze nyuma yo kumenya amakuru ko Knowless yari atwite.

Safi Madiba wavukiye mu muryango w’bakirisitu bo mu itorero ry’Abadivantisite b’umunsi wa 7 ndetse akaba ari naryo torero asanzwe asengeramo, hari amakuru agera ku kinyamakuru Ukwezi.com ahamya ko uyu muhanzi Safi yashatse ko we n’umukunzi we basezeranira muri iri torero ariko bakamenyeshwa na bamwe mu bayobozi baryo ko bitakunda kuko uyu mukunzi we atabarizwa muri iri torero ry’Abadivantisite b’umunsi wa 7. Ikindi kinugwanugwa, ni ukuba aba bombi bari basanzwe bibanira nk’umugabo n’umugore bityo nabyo itorero rikaba ryabigeraho ryanga kubasezeranya.

Kugeza ubu ntiharatangazwa ibijyanye no gusezerana imbere y’Imana hagati ya Safi na Judith cyane ko bombi kuri ubu bari basanzwe babana nk’umugore n’umugabo ndetse hari amakuru avuga ko iyi mihango yo gusezerana imbere y’Imana baba barafashe icyemezo cyo kuyihorera.

IZINDI NKURU BIFITANYE ISANO

1.Knowless umaze igihe ahisemo uzamushyingira, yaba aca amarenga y’ubukwe bwe na Clement?

2.Knowless yamaze kwambikwa impeta na Clement bagiye gukora ubukwe (Amafoto)

3.Butera Knowless ugiye gukora ubukwe vuba na Clement, aratwite
4.Amatariki y’ubukwe bwa Knowless uherutse gukorerwa Bridal Shower yamenyekanye

5.Butera Knowless na Clement bakoze ubukwe, basezeranywa na Pasiteri wigenga - Amafoto

6.Ibiteye amatsiko ku nzira y’urukundo rwa Safi n’umugore bagiye kurushinga - Amafoto
7.AMAFOTO: Safi Madiba yasezeranye n’umukunzi we Judith, umutekano wari wakajijwe
Ahabereye ibirori byo gusaba no gukwa mu bukwe bwa Safi niho na Knowless yari yakoreye ibi birori Mu bari bagaragiye Safi ntabwo hagaragayemo Nizzo baririmbana muri Urban Boys


INKURU ZA :
Tanga Igitekerezo
Ibitekerezo 4
nadine Kuya 5-12-2017

saf we warasebye

Elyse Kuya 5-10-2017

byari byiza kbs kubona yigana Butera koko

yves Kuya 3-10-2017

safiwe,warisondetse

fransine Kuya 2-10-2017

Kwifurije urugo rwiza kuko iyoniyindinabwe iteye imana izabashyigikire muzabyare hungu nakobwa

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...