konka coffee
KONKA

AMAKURU

UKWEZI

Abategura Kigali Up Festival basobanuye impamvu Alicia Keys atakije mu Rwanda

Abategura Kigali Up Festival basobanuye impamvu Alicia Keys atakije mu Rwanda
18-08-2017 saa 10:22' | By Akayezu Jean de Dieu | Yasomwe n'abantu 2500 | Ibitekerezo 3

Iserukiramuco rizwi nka Kigali Up Festival rimaze kubaka izina hano mu Rwanda no hanze y’imbibi rigiye kuba ku nshuro yaryo ya 4 aho mu bahanzi bari bitezwe kuryitabira nk’uko byari byatangajwe ku ikubitiro harimo Alicia Keys gusa kuri ubu ntakibashije kuza ahubwo hazaba hari Alpha Brondi , Patoranking n’abandi bahanzi bakomeye ku mugabane wa Afurika no hanze yaho.

Mu kiganiro n’itangazamakuru kuri uyu wa Kane tariki 17 Kanama 2017, Umuyobozi wa Kigali Up Music Festival, Mighty Popo, yavuze ko impamvu yatumye badakorana na Alicia Keys ari uko bananiranwe ku bijyanye n’amafaranga yabacaga aho basanze yarabacaga menshi ugereranyije n’inyungu bari bamwitezeho.

Mighty Popo kandi yavuze ko ku bijyanye n’uyu mwaka iri serukiramuco rizaba ridasanzwe ku bazaryitabira kuko ngo riteguranywe umwihariko ndetse rikaba rizarangwamo ibishya byinshi bitandukanye n’ubusanzwe, byose byakozwe mu buryo bwo kurushaho kuryagura.

Aha yagize ati "Kugeza ubu tugeze kure imyiteguro, abahanzi batandukanye bazadufasha muri iki gikorwa bariteguye bihagije, abo hanze bari kuza hakiri kare kugirango dufatanye imyiteguro ku buryo iminsi iri serukiramuco rizamara, rizanogere abaryitabira."

Iserukiramuco Kigali Up uyu mwaka riteganijwe kuba ku matariki ya 19 na 20 Kanama 2017 mu cyahoze ari Eto Kicukiro kuri ubu akaba ari muri IPRC Kigali, rikaba rizitabirwa n’abahanzi bakomeye batandukanye barimo Ismaël Lô, Alpha Brondy, Patoranking, itsinda rya Quantum Split rikora injyana ya Rock & Soul, umucuranzi wa gitari Manou Gallo wo muri Côte d’Ivoire wamaze kugera mu Rwanda ndetse n’itsinda rikomeye ryo muri RDC ryitwa Nkento Bakaji.

Aba bahanzi baziyongeraho abo mu Rwanda barimo itsinda rya Nubian Gypsies, King James, Riderman, Gaby Kamanzi, Israel Mbonyi, Young Grace, Mani Martin, Strong Voice, Gakondo Group, abanyeshuri bize umuziki ku Nyundo n’abandi.


INKURU ZA :
Tanga Igitekerezo
Ibitekerezo 3
cloudine Kuya 24-09-2017

ndabonabikazefestvalnigitangaza!!!

fkaaa Kuya 29-08-2017

abategura ibirori mu rwanda twarabamenye muba mutubesya abahanzi ntanabo mwavuganye ngo twisyure ayacu ahubwo turasaba teta kuzajya ibakurikirana mugihe mwisyuje abanu mwavuze umuhanzi mwarangiza mukatuzaniraibyo tutisyuriye

Mukagasana Janvière Kuya 21-08-2017

jyewe ndumiwe koko Rihanna buriya aba ashaka kugera kuki?

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...