konka coffee
KONKA

AMAKURU

UKWEZI

Bamporiki yikomye imyitwarire ya Paccy anavuga ko akwiye kujyanwa mu kigo ngororamuco

Bamporiki yikomye imyitwarire ya Paccy anavuga ko akwiye kujyanwa mu kigo ngororamuco
10-10-2017 saa 09:07' | By Vincent Nsengiyumva | Yasomwe n'abantu 8452 | Ibitekerezo 13

Eduard Bamporiki yikomye bikomeye imyitwarire idasanzwe umuhanzikazi Odda Pacy amaze iminsi agaragaza avuga ko ibyo ari gukora Atari iby’I Rwanda, ndetse anashimangira ko akwiye kujyanwa mu kigo ngororamuco akagororwa ngo kuko ibyo yigiye mu itorero bitagize icyo bimumarira.

Ibi Bamporiki uherutse kugirwa Umutoza mukuru w’Itorero ry’Igihugu yabigarutseho nyuma y’iminsi mike umuhanzikazi Odda Paccy ashyize hanze amafoto yambaye ubusa buri buri yikinze ikoma ku gitsina, ibintu byafashwe nko guta umuco no kwiyandarika.

Nyuma y’uko ashyize hanze iyo ifoto , yahise ikwirakwizwa ku mbuga nkoranyambaga ari nako abantu bayivugaho byinshi bitandukanye, gusa Odda Pacy yaje gutangaza ko yabikoze mu rwego rwo kwamamaza indirimbo ye nshya yise ‘Order’ ndetse anashyimangira ko gukoresha ikoma ari ugushaka gushyigikira ‘Made in Rwanda’.

Mu kiganiro yagiranye na City Radio ejo tariki ya 9 Ukwakira 2017, Umutoza mukuru w’Itorero ry’Igihugu, Bamporiki Eduard yanenze bikomeye imyitwarire uyu muhanzikazi yagaragaje avuga ko idahwitse nk’umunyarwandakazi, anashimangira ko akwiye kujyanwa mu kigo ngororamuco akagororwa.

Yagize ati “Imyitwarire ye nabonye y’amafoto ntabwo biriya ari iby’i Rwanda.”

Bamporiki yakomeje avuga ko uyu muhanzikazi n’ubwo yagiye mu itorero atabaye intore ngo kuko bigaragara ko yihishe mu zindi ntore. Yanavuze ko Paccy akwiye kujyanwa mu kigo ngororamuco akagororwa ngo kuko abafite imyitwarire mibi batajyanwa mu itorero ko ahubwo bajyanwa kugororwa.

Ati ”Ikimubereye ntabwo ari ugusubizwa mu itorero, ikimubereye ni ukugororwa. Mu itorero ntabwo hajyanwa abantu kuko bagize ingeso mbi hajya abantu kubera ko gutozwa ari ngombwa, kubera ko gutozwa ni ukwiga ni ishuri. Mu itorero ntiyabona umwanya, kuba yarihishe mu zindi ntore, biragaragara ko ari ukwihishamo kuko ntabwo umuntu yava gutozwa ngo yitware uko yitwara, ngira ngo ababishinzwe tugomba kureba imyitwarire y’umuntu nk’uriya n’abandi bameze nkawe idatekerezwa ko izajya mu itorero ko ahubwo ijyanya mu ngororamuco.”

Uretse kugaragara yikinze ikoma ku gitsina ntibyavugwaho rumwe, uyu muhanzikazi aherutse kwibasira umuraperi Amag The Black wasohoye amajwi avuga ko agiye kujya arinda amakoma kugira ngo hatagira umuntu wongera kuyangiza nyuma y’uko abantu benshi bagaragaye bayifotozanya bashaka kwigana Paccy nko kumunnyega.

Iyi myitwarire ya Odda Paccy yafashwe nko guta umuco nubwo we avuga ko nta kibazo abibonamo


INKURU ZA :
Tanga Igitekerezo
Ibitekerezo 13
truth Kuya 12-10-2017

ikibazo cyamatsiko nabaza abavandimwe muraha. ni iki ubonye kuririya foto ya Paccy? mumbwire byibura igice kimwe cyumubiri we mwabonye. kuki dukabya muritwe. ubu ntimureba amafilm yohanze munezerewe or imiziki yo hanze kdi mukirirwa mubaririmba? nshaka umuntu umwe unsubiza icy arikubona ahubwo mwitekereza ibirimbere yamakoma kuko ntimuri kubireba. ikibazo nimyumvire twese dufite naho nge kwifoto ntacyo mbona kuko ntamabere mbona or se ubusa . mureke gutekereza ibyo muteretswe

emmy Kuya 12-10-2017

muraho,uyu mugore wambaye amakoma ngendumva bareba niba ntategeko ribuza ibi,basanga ridahari tukanenga abayashyiraho,kuko abenshi muribo barakuze banazi nezako kizira kwambara ubusa.wowe ubyutse uri umuturage usanzwe ukabyuka ugakinga ikoma kugitsina gusa ahandi hose harangaye ntibahamagara police ikagufata,hari urwego rwabemerewe kwiyandarika nabandi batabyemerewe se!??please abanyamafuti biturusha imbaraga ngo duceceke mwikwica umuco nyarwanda kubera imico mibi dukura mubazungu.

pacifique Kuya 11-10-2017

ariko tugomba no kwibaza itegeko rivuga iki? ukwambara ubusa bisobanuye iki? kugaraza ubwambure ,bihera he bikagarukirahe? hari hamwe ukurikije uko amategeko avuga niyo wakwambara ingofero uba wambaye. then kwica umuco bigomba gushirwa munyandiko bikagira imirongo ntarengwa hagatorwa iteka "niba bihari byigishwe abaturage tubimenye "

huh Kuya 10-10-2017

Uti namamazaga made in Rwanda! Hhhhhh nzabyemera ugiye wambaye kuriya mu nzira niba ariyo wamamazaga

gruec Kuya 10-10-2017

Nibyo ibyo Hon. Bamporiki avuga,ariko niba umuco ugomba kubahirizwa na buri wese, jye nsanga bitabaye ibya wa mugani ngo "Ugutegeka agukubita uryamye", Hon, nawe yakagombye kujyana na Paccy muri icyo kigo ngororamuco kuko yamennye ibanga rya Maman we muruhame kandi ibyo bari baravuganye ryari ibanga ry’umuryango wiwabo. So njye bantumye kureba uburemere bw’ibyo Paccy yakoze concerning "Ireme ry’umuco" Paccy yakoze ibyoroshye kurenza Hon yamennye ibanga rya Maman we umubyara. Murakoze

ndabibonye jean Kuya 10-10-2017

Kuki abantu biyibagizako buri gihugu kizamukira kuri politique, sciences na arts? Igihugu gitera imbere muri byose. Kandi ibyo abahanzi bakora si ukuvugako baba bataye umuco, ahubwo abanyarwanda bagomba kujijuka muri byose, iterambere niko rimera, hari ibyiza, hari twumva nibyo tutumva, buriwese atera imbere akurikije uko abona isi. Mureke abartistes batere imbere, ntimukabyibaeeho byinshi, erega nabiriya biri munshingano zabo. Uriya muyobozi niiwe ukwiye kujya mukigo ngorora muco, akabanza kumenya uruhare rwabartistes mu iterambere. Ese uwamubaza niba amakostime yambara ari mu muco nyarwanda yasubiza iki?

Mwiza Cynthia Kuya 10-10-2017

Ariko ntimukavange ibintu, wowe ugereranya kwambara bikini urmuntu ari kuri plage no kwambara amakoma nka kuriya k’uriya mukobwa urumva bihuriyehe koko??? Abamushyigikiye niba mutamubeshya muri abagome cyangwa abaswa kimwe muri ibyo. Naho Paccy we jyewe mbona atarataye umuco gusa ahubwo yataye n’umutwe, bamujyane i Ndera

pacifique iradukunda Kuya 10-10-2017

Ntabwo yakoze ikibi we niwe azi ico yariko akora ashaka je numva atacaha yakoze

pacifique iradukunda Kuya 10-10-2017

Ntabwo yakoze ikibi we niwe azi ico yariko akora ashaka je numva atacaha yakoze

pacifique iradukunda Kuya 10-10-2017

Ntabwo yakoze ikibi we niwe azi ico yariko akora ashaka je numva atacaha yakoze

Silva Kuya 10-10-2017

Oya rwose ibi in uguta umuco munyarwanda ! iyi si imyitwarire yakaranze umunyarwandakazi. nukuri Ababishinzwe mumwegere mumuhugure kuko yarisebeje !

DJ PACCY Kuya 10-10-2017

hahahahaha wamugabo sinzi niba haribyo waba utabona ubwose abo mwicara munteko ko naho harimo abagore bahagarariye abandi ko batavuze ntuziko umugore ariwe soko tuvomaho umuco wikwihandagaza ngo bamujyane mukigo ngorara muco kuko ubisabiye umwe waba nawe uhohoteye uburenganzira bwumugore reka nkubwire niwowe ubinteye paccy ntiyaciye inka amabere kurusha bamwe mubayobozi mwirirwana barya ibyarubanda ugaceceka ubwose kwambara nabi ko bituma akurikirwa nabeshi kuri facebook nahandi wabonye uko yahise yamamara hakabonekamo umuha amafaranga agatunga agahahira umwanawe ninde wamusuye ngo amuhe na ka nido kamacye umunsi paccy yabyaraga ko ntabwo ariwe ndorerwamo yabagore bose umwe akoze ikosa wahana bose ntumwifurije aheza kuko utahageze? rekaho kwivanga muri music warayitaye wabonye indi mirimo kandi nayo urayikwiriye

hugor Kuya 10-10-2017

hhhh
nimb aruko nabajya kuri piscine bambay bikini bazabajyan mukigo ngorora muco!nimba bashak ko umuco ugumah 100% ,u Rwanda ntiruhagarr mu iterambere!ahubw paccy courage abacan intege ntibabura

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...