konka coffee
KONKA

AMAKURU

UKWEZI

Bidasubirwaho Zari yamaze gutandukana na Diamond

Bidasubirwaho Zari yamaze gutandukana na Diamond
5-10-2017 saa 16:48' | By Akayezu Jean de Dieu | Yasomwe n'abantu 21334 | Ibitekerezo 2

Zari Hassan, Umugandekazi wamamaye nk’umwe mu bagore b’abaherwe muri Afurika ndetse akuvugwa cyane mu bijyanye n’urukundo rwe n’umuhanzi ukunzwe muri Tanzania, Diamond Platnumz kuri ubu bombi bakaba bamaze gutandukana nyuma y’amwe mu makosa amaze iminsi akorwa n’uyu mugabo we bari bafitanye abana babiri.

Nyuma y’ukutumvikana kwavutse hagati y’aba bombi ahanini biturutse kugucana inyuma kwavuzwe hagati yabo ndetse Diamond akaza kugaragara ko afite abana barenze umwe ashobora kuba yarabyaye mu gasozi harimo n’umwe yamaze kwemera yabyaranye n’umunyamideri Hamissa Mabeto uri mu bakomeje guhungabanya Zari amwotsa igitutu mu magambo abinyujije ku mbuga nkoranyambaga.

Kuri uyu wa Gatatu tariki 04 Ukwakira 2017 nibwo Zari Hassan yahise afata icyemezo kihuse cyo kureka gukurikira Diamond ku rukuta rwa Instagram ahita anasiba amafoto yose afite agaragaramo uyu mugabo we ibi byose bikaba byaratangiye ubwo Zari yangaga kwitabira ibirori byo kwizihiza Isabukuru ya Diamond yabaye tariki 02 Ukwakira 2017 nk’uko Ikinyamakuru Nairobi News dukesha iyi nkuru cyabitangaje.

Bimwe mubyo wamenya ku rukundo rwa Zari na Diamond

Mu kwezi k’Ukuboza 2014, nibwo ifoto ya mbere ya Diamond Platnumz n’uyu muherwekazi yagiye ahagaragara aho bari bahuriye muri Afurika y’Epfo, ibitangazamakuru binyuranye bitangira kunuganuga urukundo rwabo ariko bombi bagerageza kwamaganira kure iby’urukundo. Ibi ariko byaje nyuma y’uko Diamond yari amaze igihe atandukanye n’umukinnyi w’amafilimi ndetse n’uwigeze kuba Miss wa Tanzania, Wema Sepetu.

Ku ruhande rwa Zari nawe muri iyo minsi wari udafite urukundo dore ko hari hashize igihe gito atandukanye n’umukinnyi ukomeye wa Basketball muri Uganda witwa Farouk Sempala bapfuye ko uyu mukinnyi yashinjaga uyu mugore gukuramo inda yari yamuteye n’ubwo urukundo rwabo rutigeze rumara iminsi ariko aba bombi barakundanye ariko mu gihe gito cyane bahita batandukana.

Zari Hassan yabanje kandi gukundana n’umuherwe Ivan Ssemwanga witabye Imana muri Gicurasi uyu mwaka ndetse bakaba baratandukanye bamaze kubyarana abana batatu b’abahungu. Mu mwaka wa 2015, Zari yagiranye ikiganiro yagiranye na NTV, imwe muri Televiziyo zikomeye muri Uganda maze avuga ko Ivan ari umugabo we bamaranye imyaka isaga 10 bakundana kandi ugifite uruhare runini ku buzima bwe cyane ko bari bafitanye igahango cy’abana batatu b’abahungu babyaranye. Ivan Ssemwanga(RIP) yatandukanye na Zari bafitanye abana batatu ndetse basezerana ko Zari atazongera kubyara abandi bana ahubwo azita kuri abo

Amakuru ya Diamond na Zari yabaye nk’atungurana ubwo bombi bagaragaraga batambukana ku itapi itukura (Red Capet) mu itangwa ry’ibihembo bya ‘Channel O Music Award’ aha hari mu mpera z’umwaka wa 2014 ari nabwo Diamond yiteguraga kuza kuririmbira mu Rwanda ku nshuro ye ya mbere. Ibya Diamond na Zari byabanje kuba urujijo cyane ko babanaga nk’abakundana ndetse binagaragarira abababona ariko bo ubwabo bakabihakana.

Bidateye kabiri nibwo ahagana muri Kanama 2015, Diamond Platnumz na Zari bibarutse umwana wabo w’imfura akaba n’uwa 4 kuri uyu mugore bahita bamwita Latiffah Dongote, beshi bavuga amagambo ndetse Diamond atangira kurwana intambara zirimo iz’abatarashakaga ko abana n’uyu mugore dore ko bamwe babanje kuvuga ko Diamond atabyara aya makuru akaza kunyomozwa n’abaganga

Ivan Ssemwanga wahoze ari umugabo wa Zari yatangiye kwibasira Diamond amusaba ku murekera umugore cyane ko uyu Ivan yabivugaga yishyingikirije igihango yavugaga ko afitanye na Zari cy’uko atazongera kubyara undi mwana ahubwo azita kuri abo batatu yari afite, gusa ibi ntacyo byatanze kuko nyuma yo kwibaruka umwana wa mbere we na Diamond Zari yongeye gutwara indi nda ndetse akabyara umuwana wa kabiri wa Diamond w’umuhungu bamwita Prince Riaz ari nabo bana bari bafitenye kugeza ubu.

Ibya Zari na Diamond byaba bisa n’ibigeze ku musozo?

Ni inshuro irenze imwe aba bombi bagiye bavugwa mu nkuru zijyanye n’itandukana ryabo ariko amaherezo bakongera bakagaragara bari mu munyenga w’urukundo mdetse amakuru yose agateshwa agaciro ariko kera kabaye gihamya yaje kuboneka.

Mu mpera z’umwaka ushize nibwo inkuru zatangiye gucicikana mu bitangazamakuru no ku mbuga nkoranyambaga zitandukanye bivugwa ko Diamond Platnumz yateye inda umunyamideri Hamisa Mabeta wanamenyekanye akina mu ndirimbo z’uyu muhanzi zirimo Maria Salome yakunzwe cyane. Gusa n’ubwo Diamond yabanje guhakana aya makuru yo gutera inda uyu mugore byaje gusa nk’ibitungurana mu kwezi gushize kwa Nzeri ubwo Diamond yemeraga ko ariwe wabyaye uyu mwana.

Ati ’’ Uyu mwana w’uruhinja ni uwanjye, ninjye wamwibyariye,ni amaraso yanjye. Burya nafashije Hamisa mu buryo bushoboka ubwo yari amutwite, kugira ngo umwana wacu akure neza.Mama w’umuhungu wanjye nanamuguriye imodoka yo mu bwoko bwa Toyota Rav 4 kugirango atazongera kuzajya agorwa no kugenda n’amaguru."

Nyuma y’uyu munyamideri hagiye haza n’abandi bakobwa bavuga ko babyaranye na Diamond n’ubwo nta gihamya yigeze igaragara, ibi byabaye imwe muri gihamya y’uko urukundo rwa Diamond na Zari rushobora kugana mu marembera ndetse biza gushimangirwa n’itariki ya 02 Ukwakira ubwo Diamond Platnumz yizihizaga isabukuru ye Zari ntagaragare aho ibirori byari byabereye muri Afurika y’Epfo ahubwo Hamisa Mabeto akaba ariwe ubyitabira. Zari na Ivan bari bafitanye abana batatu Uyu niwe Farouk wakundanye na Zari nyuma bagatandukana bapfa ko yakuyemo inda yamuteye Diamond Platnumz nawe bari bamaze kubyarana abana babiri Aba bombi ubu ntibagicana uwaka
Hamisa Mabeto ufitanye umwana na Diamond ndetse akaba ari nawe uvugwa mu kuba yihishe inyuma y’umwuka mubi mu rugo rwa Diamond na Zari


INKURU ZA :
Tanga Igitekerezo
Ibitekerezo 2
hirwa Raoul Kuya 6-10-2017

Hatandukana abashyingiranywe iyo basabye Divorce,aba ntabwo batandukanye ahubwo buriwese yasubiye mubye nkuko bahuye kuko ibi baba babyiteguye anytime(kuberiki badasezerana kandi bafite ubutunzi? Ese Diamond arusha iki Iyvan Semwaga? amafranga c? ubwiza c? kuburyo we anyitime batamubwira ngo toka kwangu) niko ibyabasitari bigenda iyo ntasezezerano bafitanye.

madiba Kuya 5-10-2017

Diamond nifeke feke

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...