konka coffee
KONKA

AMAKURU

UKWEZI

Big Dom yashyize hanze indirimbo ivuga ku buzima bw’abanyarwanda baba mu mahanga

Big Dom yashyize hanze indirimbo ivuga ku buzima bw’abanyarwanda baba mu mahanga
30-04-2017 saa 09:49' | By Chief Editor | Yasomwe n'abantu 3616 | Ibitekerezo 2

Mu buryo bunogeye amatwi no mu njyana ibyinitse, umuhanzi Cyubahiro Dominique wamamaye nka Big Dom mu myaka yashize aho yagiye akora indirimbo nka Ange Orange, Igishwi cy’ikibinda n’izindi, yashize hanze indirimbo yise “Twakaniye”, ivuga ku buzima bw’abanyarwanda baba mu mahanga.

Nk’uko Big Dom yabisobanuye, ioyi ndirimbo yayikoze agamije kwerekana ubizima abanyarwanda babayeho mu bihugu bitandukanye by’amahanga. Yagize ati “Iyi ndirimbo nayikoze mu rwego rwo kwerekana ubuzima abantu babayeho mu mahanga. Bagiye gushaka, bakaniye mu kwiteza imbere, bakarahura ubwenge bashakashaka inoti, n’uburyo kuba mu mahanga bitakurutira iwanyu n’ubwo waba utunze ibya mirenge”.

Mu ndirimbo ye “Twakaniye”, Big Dom avuga ko n’ubwo kuba mu mahanga bitoroshye, iyo wibuka icyakujyanye bigutera umwete wo gushaka kuzataha ufite icyo wagezeho, kandi ngo akenshi ubigeraho kuko hariya iyo wakoze uraronka.

Ibyiza bitatse u Rwanda, ni indi ngingo Big Dom agarukaho muri iyi ndirimbo. Big Dom avuga ku byiza abanyarwanda bagezeho, anishimira cyane imiyoborere myiza iranga u Rwanda kuko ari yo yarugejeje ku iterambere rirugaragaramo ubu.

Indirimbo “Twakaniye” ya Big Dom iri mu njyana ya Hip Hop, yakorewe mu gihugu cy’u Bufaransa itunganywa n’umu “producer” w’inzobere witwa Fabrice Touch. Video yayo nayo Big Dom yemeza ko ikoranye ubuhanga, yatangaje ko izasohoka mu minsi micye.

UMVA HANO INDIRIMBO "TWAKANIYE":

Mu mishanga afite, Big Dom avuga ko ashaka gushyira hanze Album iriho indirimbo 12 muri uyu mwaka. Mbere yaho ariko, arashaka guha abakunzi be indirimbo y’urukundo. Yagize ati “Abafana bange bamenyereye ku ndirimbo z’urukundo, kandi koko nizo zigera ku mitima ya benshi”


Tanga Igitekerezo
Ibitekerezo 2
umurunga josiane Kuya 3-05-2017

nibyizacyane ko abanyarwanda bajyenda bagakomeza kuzirikana urwababyaye.

magi Kuya 30-04-2017

Niyivugire hari ibyo.atazi

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA