konka coffee
KONKA

AMAKURU

UKWEZI

Bimwe mu byaranze umuhanzikazi Miss Jojo wizihiza isabukuru y’imyaka 33

Bimwe mu byaranze umuhanzikazi Miss Jojo wizihiza isabukuru y’imyaka 33
30-06-2016 saa 09:02' | By Chief Editor | Yasomwe n'abantu 8999 | Ibitekerezo 5

Miss Jojo wamenyekanye cyane mu muziki nyarwanda kuri ubu akaba yarawuhagaritse ndetse atakivugwa cyane mu ruhando rw’abahanzi nyarwanda, ni umwe mu bakobwa b’abanyarwandakazi bagize uruhare rugaragara mu guteza imbere umuziki n’ubwo ubu atakiwubarizwamo.

Amazina ye nyakuri ni Uwineza Josiane, yavutse tariki 30 Kamena mu mwaka w’1983, avukira mu ntara y’Uburasirazuba mu karere ka Bugesera. Miss Jojo yatangiye kumenyekana mu muziki mu mwaka wa 2006, ubwo yigaga muri Kaminuza Nkuru y’u Rwanda i Butare akora umuziki we mu njyana ya R&B.

Miss Jojo yamenyekanye cyane mu ndirimbo zitandukanye zakunzwe na benshi harimo nka ‘Mbwira’ , ‘Ndi nde’, Bereterida n’izindi. Umuziki yakoraga wagize ingufu kuva mu mwaka wa 2007 kugera muri 2012 ari nabwo yari amaze gushyira ahagaragara album ebyiri, iyitwa "Genesis" n’iyitwa "Woman".

Miss Jojo yakunze kugaragara mu bitaramo bikangurira urubyiruko n’abanyarwanda muri rusange kwirinda ibiyobyabwenge n’icyorezo cya SIDA ndetse no guharanira iterambere ry’ejo hazaza.

Mu mwaka wa 2007 nibwo Miss Jojo yabaye umusilamukazi ndetse ahita ahindura amazina yitwa Iman Uwineza. Ibi byatumye avugwa cyane mu bitangazamakuru byo mu Rwanda ndetse binavugwa ko yaba yaragiye muri iri dini akurikiye umusore bakundanaga muri icyo gihe n’ubwo baje gutandukana.

Mu mwaka wa 2008, Miss Jojo yahawe igihembo nk’umuhanzi w’umunyarwandakazi mwiza, mu bihembo bya Pearl of Africa mu marushanwa yabereye mu gihungu cya Uganda. Mu mwaka wa 2012 ubwo yamurikaga album ye yitwa woman, yishyuwe ibihumbi 300 by’amafaranga y’u Rwanda n’uwari Minisitiri w’umuco na siporo icyo gihe, Protais Mitali kuri CD imwe iriho indirimbo ze.

Muri uyu mwaka wa 2012 nibwo yatangaje ko abaye ahagaritse umuziki by’agateganyo kuko hari ibikorwa yari arimo by’ishyirahamwe ry’urubyiruko rw’abayoboke b’idini ya Islam ryitwa“AJMD Njye nawe” kandi uyu muryango umusaba kutavanga akazi kawo n’umuziki.

Mu mwaka wa 2014 yongeye kumvikana mu ndirimbo ishishikariza abantu kurya ibishyimbo, iyi akaba yarayifatanyije n’abandi bahanzi barimo Urban Boys, Riderman na Tom Close. Iyi ndirimbo yari igamije gukora ubukangurambaga ku baturage ngo bitabire kurya ibishyimbo bikungahaye ku butare.

Ibi ni bimwe mu byaranze amateka ya Miss Jojo n’umuziki yakoraga mbere yuko awusubika. Indirimbo ze zikaba zarakundwaga na benshi baba urubyiruko ndetse n’abasheshe akanguhe kuko bavugaga ko ziba zirimo ubutumwa bw’ingirakamaro cyane cyane izireba urubyiruko.


Tanga Igitekerezo
Ibitekerezo 5
Ruto Kuya 4-07-2016

iriya sura ingana na maman tu kandi afite imyaka 47.

Jujube Kuya 2-07-2016

Niba yaragumiwe se ubu nibwo akeneye gukora publicity kugira NGO ski we?
Navuge imyaka Ye y’ukuri kuko insurance Ye irabigaragaza ... Cyangwa atangire tidier amarangi nk’abandi bose Shari byazacamwo😜😜😜

Jujube Kuya 2-07-2016

Niba yaragumiwe se ubu nibwo akeneye gukora publicity kugira NGO ski we?
Navuge imyaka Ye y’ukuri kuko insurance Ye irabigaragaza ... Cyangwa atangire tidier amarangi nk’abandi bose Shari byazacamwo😜😜😜

christine Kuya 30-06-2016

hahhhhhh mbega imana disk.akura nka bombo

keza Kuya 30-06-2016

ariko akura nkisabune ntasoni iyo myaka siye pe ntimukabeshye turamuzi ahhhhhh muransetsa kbsa

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA