konka coffee
KONKA

AMAKURU

UKWEZI

Charly na Nina biyemeje gukora amateka atarigeze akorwa n’undi muhanzi nyarwanda

Charly na Nina biyemeje gukora amateka atarigeze akorwa n’undi muhanzi nyarwanda
4-10-2017 saa 09:11' | By Akayezu Jean de Dieu | Yasomwe n'abantu 2288 | Ibitekerezo 1

Charly na Nina, Abahanzikazi bakunzwe hano mu Rwanda bamaze gutangaza itariki bazamurikiraho alubumu yabo ya mbere ndetse bahamya ko bagiye gukora amateka atarigeze akorwa n’undi muhanzi hano mu Rwanda bagendeye ku mitunganyirize yayo ndetse n’imitegurire.

Aba bahanzikazi bamaze kwamamara mu Rwanda ndetse no hanze by’umwihariko mu gihugu cya Uganda dore ko ariho bakunze kujya gukorera ibikorwa byabo bya muzika, bari bamaze igihe kinini bakora indirimbo zaba izikoze mu buryo bw’amajwi ndetse n’amashusho ariko kugeza ubu bakaba bari bataramurika alubumu nk’uko bimenyerewe ku bandi bahanzi.

Mu kiganiro n’Ikinyamakuru Ukwezi.com, Muyoboke Alex, Umujyanama w’aba bahanzikazi mu bya muzika yavuze ko iyi alubumu itandukanye cyane n’izo abanyarwanda babonye cyane ko urebye imbaraga z’abagize uruhare mu itunganywa ryayo nabo babigaragaza ndetse kuri we ngo abona iki ari cyo gihe ngo abagore nabo bagaragaze ubushobozi bafite mu kuba bahindura isi nziza bihereye hano mu Rwanda.

Yagize ati “Hari abahanzi benshi banyuze mu maboko namwe murabazi aho nagiye mbageza ariko ndagirango nizeze abanyarwanda ko igihe kigeze ngo bibonere koko itendukaniro ryanjye mu myaka ishize n’ubungubu, nizeye ko aba bahanzikazi Charly na Nina bazakora amateka cyane ko n’ibikorwa bafite kugeza ubu bitanga icyizere, icyo twasaba ni uko abanyarwanda bakomeza kudushyigikira”

Iyi alubumu izaba yitwa ’Imbaraga’ izaba iriho indirimbo 10 zirimo izakunzwe zirimo Indoro, Owooma, Mfata, Face to Face n’izindi ndetse bikaba biteganyijwe ko na bamwe mu bahanzi bagiye bafatanya mu ndirimbo barimo nka Big Fizzo, Geostody n’abandi bazaza kwifatanya n’iri tsinda ry’abahanzikazi mu kumurika iyi alubumu yabo ya mbere iteganijwe tariki 01 Ukuboza 2017 mu mujyi wa Kigali. Iyi ni ifoto igaragaza amatariki iki gitaramo cyo kumurika alubumu y’aba bahanzikazi izaba yitwa imbaraga kizaberaho


INKURU ZA :
Tanga Igitekerezo
Ibitekerezo 1
deo kazeneza ufite Kuya 5-10-2017

gyz never givup

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...