konka coffee
KONKA

AMAKURU

UKWEZI

Diamond yikomye bikomeye abantu bivanga mu bibazo by’urugo rwe

Diamond yikomye bikomeye abantu bivanga mu bibazo by’urugo rwe
13-06-2017 saa 09:28' | By Vincent Nsengiyumva | Yasomwe n'abantu 8753 | Ibitekerezo

Umuhanzi w’icyamamare Diamond Platnumz yatangaje ko yiyamye abantu bari kwivanga mu bibazo by’urugo rwe, aho yavuze ko abashaka kumutandukanya n’umukunzi we Zari byabafata imyaka n’imyaka batarabigeraho.

Ibi Diamond yabitangaje nyuma yo kugarukwaho cyane mu bitangazamakuru bitandukanye ndetse n’imbuga nkoranyambaga, ubwo yari amaze gutangaza ko umugore we Zari Hassan amuca inyuma ndetse anagaragaza amafoto ari kumwe n’undi mugabo mu bwogero basa n’abari kwishimisha bikomeye.

Akimara gushyira aya mafoto ku mbuga zitandukanye zirimo n’urukuta rwe rwa Instagram, yanditseho amagambo aremereye agaragaza ko Zari amuca inyuma ndetse bisa n’aho ari kugenda amusiba mu mutima we.


Iyi niyo foto Diamond yaherekesheje amagambo akomeye agaragaza ko Zari amuca inyuma

Nyuma gato y’uko Diamond ashyize amafoto ya Zari kuri Instagram arimo kuryoshya n’undi mugabo ndetse akabiherekeresha amagambo akarishye, Zari nawe yahise amwihimuraho avuga ko Diamond atangaza ibi ashaka kugira ibyo ahisha ndetse anavuga ko ahubwo ariwe umuca inyuma.

Zari yanahise asobanura ko uyu mugabo bari kumwe mu mazi ari murumuna w’uwahoze ari umugabo we (Ivan Semwanga) bahuriye muri Spa[mu bwogero], kandi akaba na se wabo w’abana be ndetse anongeraho ko iyo foto yafashwe n’umugore we ko nawe bari kumwe aho ngaho.


Zari yahise ashyira iyi foto ku rukuta rwe ashaka kugaragaza ko mu bwogero barimo bari kumwe n’umugore w’umugabo Diamond yamushinjaga

Nyuma y’akanya gato Diamond na Zari baje gusiba amafoto bari bashyize kuri Instagram bashyiraho abagaragaza bameranye neza bombi maze Diamond aboneraho kwiyama abantu bose bari bacitse ururondogoro ababwira ko abashaka kumusenyera byabafata imyaka n’imyaka kuko ngo urukundo rwabo rwashinze imizi.

Diamond na Zari bakunze kugarukwaho cyane mu nkuru zitandukanye zo gucana inyuma aho Diamond ashinjwa kugirana urukundo mu ibanga n’umukobwa w’umunyamideri wo muri Afurika y’Epfo witwa Mobetto baririmbanye mu ndirimbo ‘Salome’, ndetse na Zari agashinjwa kuba mu rukundo n’abagabo batandukanye barimo n’umuherwe Williams Bugeme wo muri Uganda.


Uyu niwe Mobetto wari kumwe na Diamond mu ndirimbo ’Salome’, bivugwa ko baba bafitanye urukundo mu ibanga rikomeye

Diamond na Zari bafitanye abana babiri, Latiffah Naseeb [Dangote] ufite imyaka 2 ndetse n’umuhungu umukurikira witwa Prince Nillan Dangote nawe ufite amezi atanu.


Diamond na Zari bafitanye abana 2, Tiffah na Nillan


Tanga Igitekerezo
Ibitekerezo
IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA