konka coffee
KONKA

AMAKURU

UKWEZI

Intambara y’amagambo yahosheje hagati ya Diyen na Shizzo baba muri Amerika

Intambara y’amagambo yahosheje hagati ya Diyen na Shizzo baba muri Amerika
26-06-2017 saa 13:18' | By Chief Editor | Yasomwe n'abantu 3902 | Ibitekerezo 4

Mu minsi micye ishize, habayeho intambara y’amagambo ikomeye hagati y’abahanzi b’abayarwanda bakorera umuziki muri Leta Zunze ubumwe za Amerika, Diyen na Shizzo, bahanganye bikomeye ndetse bigeraho n’abakunzi babo bisanga mu mwiryane, gusa ubu nyuma yo gusanga ari abavandimwe, bahisemo kwiyunga banasaba abafana babo imbabazi.

Aba basore bombi bashinjanyaga ko umwe yasabye undi collabo (gukorana indirimbo ) akanga ariko ababikurikiranira hafi bemeza ko hari ibindi bapfaga batumvikanyeho bitigeze bigera hanze. Nyuma y’uko abakunzi babo n’abahanzi bagenzi babo bakomeje kubegera babasaba kumvikana, ku mugoroba wa tariki 20 Kamena 2017, aba basore bombi bashyize hanze itangazo rimenyesha abakunzi babo ko biyunze banaboneraho kubabwira ko bize isomo kandi babizeza ko ibyabaye bitazongera.

Nyuma y’uko biyunze, abakunzi babo bateranaga amagambo akomeye arimo uburakari bagaragaje ko bishimiye icyemezo aba basore bagezeho babizeza gukomeza kubashyigikira kuko icyemezo bafashe ari icya kigabo.

Mu kiganiro twagiranye n’aba basore bombi, bemeje ko nk’abahanzi nyarwanda bakomeje gukorana imbaraga ngo bazamure muzika yabo, badakwiye guhangana ahubwo bakwiye gufatanya kugirango barusheho gutera intambwe bagere ku ntera irushijeho kuba nziza.

Diyen wamenyekanye mu ndirimbo yakunzwe yitwa ” Let them talk”, yagiye avugwaho ko ari umwe mu bahanzi bacye b’abanyarwanda bafite amashusho y’indirimbo (Music Video) ari ku rwego ruhambaye, naho Shizzo wamenyekanye mu ndirimbo nka “wow” akaba ari mu bahanzi nyarwanda mu njyana ya Hip Hop bakomeje kuzamuka neza.

Diyen avuga ko basanze nta mpamvu yo guhangana kandi ahubwo bakwiye gushyira hamwe

REBA HANO INDIRIMBO "LET THEM TALK" YA DIYEN:

REBA HANO INDIRIMBO WOW YA SHIZZO NA GABY UMUTARE:


INKURU ZA :
Tanga Igitekerezo
Ibitekerezo 4
Luth Kuya 28-06-2017

Diyen uranyemeza. Komezutsinde, let them , loose control and Punda songs are the best

Thom Kuya 27-06-2017

nice video let them vuvuzela, I like

Amina K Kuya 26-06-2017

Narabisomye ndumirwa. nibazaga ibyabateye. Gusa biba byiza iyo ababndu babagabo bakemuye ibibazo byabo kigabo. ikindi kurwanankabagore ntacyo byadufashaga nkabafans Banyu ahubwo mwe ndabashima ubu kuba mwwarafashe icyo cyemezo. uko mbabona mwese ndabona mutaragera kure cyanee insira iracyari ndende , mukomeze mukore cyanee tuzabashyigikira. Diyen ndjye ndagukurikira kuir facebook , ibintu ukora njye biranyisekereza gusa dore icyo nagusaba: ibikorwa urabifite gusa hakenewe byinshi , amagambo noyo urayafite menshi burigihe nudukoryo, uzagabanye amagambo wongere ibikorwa uzagera kure njye niyo nama nakugira mwenedata.

Mahoro Kuya 26-06-2017

Nibyiza natwe tmdukunda abashyize hanwe. Mukomerezaho turabashyigikiye. Let them talk ni fire hit

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...