konka coffee
KONKA

AMAKURU

UKWEZI

Knowless na Clement basezeranye kera... abasezerana batwite ndabashima - Pasiteri Rusine

Knowless na Clement basezeranye kera... abasezerana batwite ndabashima - Pasiteri Rusine
10-08-2016 saa 08:27' | By Chief Editor | Yasomwe n'abantu 9052 | Ibitekerezo 8

Rusine Joshua ni Pasiteri wigenga wayoboye umuhango wo gusezerana k’umuhanzikazi Butera Knowless na Ishimwe Clement, mu birori by’ubukwe bwabo byabaye ku Cyumweru tariki 7 Kanama 2016. Uyu muvugabutumwa ubimazemo imyaka myinshi, avuga ko aba bageni we atigeze abasezeranya, ariko kandi ngo asanzwe ashyingira abageni batwite kandi agaya cyane amadini ababuza gusezerana.

Mu kiganiro yagiranye n’ikinyamakuru Ukwezi.com, Pasiteri Rusine Joshua yadutangarije ko amaze imyaka 27 ari pasiteri, muri iyo myaka yose 22 akaba yarayimaze ari umuvugabutumwa mu Itorero ry’Abadivantisiti b’umunsi wa Karindwi, nyuma akaza kubivamo agasanga adakwiye kugendera ku myemerere y’amadini ahubwo akwiye gukurikiza imyemerere ya Bibiliya. Amaze imyaka 5 ari pasiteri wigenga, ushobora kubwiriza ubutumwa ahantu hose byaba ngombwa ntabyo kurobanura.

JPEG - 124.2 kb

Joshua Rusine, Pasiteri wasabiye umugisha Knowless na Clement

Pasiteri Rusine avuga ko Knowless na Clement atari we wabasezeranyije, ahubwo ko yabasabiye umugisha kuko bo bari barasezeranye cyera. Yagize ati: "Knowless na Clement Imana yarabasezeranyije kuko n’ubundi niyo yasezeranyije bwa mbere Adamu na Eva. Ntabwo rero umuntu yasezeranya abandi bantu, kuko aramutse ari we ubasezeranya ninawe wabahuza akavuga ati wowe uzasezerana n’uyu nawe uzasezerana n’uyu. Ahubwo bamara gusezerana, bakaza kubwira Pasiteri bati amasezerano twagiranye uyasabire umugisha, si no kuyaha umugisha ndetse kuko nta muntu utanga umugisha. Mbese ni mu rwego rwo kugirango ibirori bigende neza, bibemo gahunda ariko ubundi amasezerano ni iy’abantu babiri... Imana yabasezeranyije cyera njye ntaranabimenya, ndi mu bamenye nyuma ko basezeranye, urumva sinjye wabasezeranyije."

Pasiteri Rusine kandi ntabwo yemera na gato ko abishyingira baba basambanye, kuko n’amadini ari aya vuba bityo n’abo ha mbere aya madini ataraza bakaba batarasambanaga. Yagize ati: "Idini rimaze igihe mu Rwanda rimaze imyaka itarenga 100, kandi abanyarwanda bo babayeho kuva kera. Nonese icyo gihe bashyingirwaga nande? Ubungubu baravuga ngo umuntu kuko yishyingiye yarasambanye, ariko se ab’icyo gihe nabo babaga basambanye? N’uyu munsi kandi dufite abantu bishyingira. Ubungubu ababana barishyingiye barasambana? Nonese umugabo n’umugore we basambana gute? "

Pasiteri Joshua Rusine kandi ntiyemera ibyo abantu bita ko gusezerana mu rusengero ari ugusezerana imbere y’Imana, ahubwo avuga ko ari ugusezerana imbere y’idini kuko n’iyo batajya mu rusengero, bicanye bagasezerana kubana ubwabo, ibyo bakora byose baba barimo kubikorera imbere y’Imana.

JPEG - 53.9 kb

Knowless na Clement ngo bari barasezeranye cyera hanyuma Pasiteri we abasabira umugisha

Ku ruhande rwe, Pasiteri Rusine ashima abageni bafata icyemezo cyo gusezerana nyuma y’uko umusore ateye umukobwa inda, kuko asanga baba bagize ubutwari no kudahemukirana, ndetse we asanzwe abasezeranya kandi n’ubu uwabimusaba, idini yaba asengeramo ryose yabimushyigikiramo. Agaya cyane amatorero n’amadini abuza abantu gusezerana, kuko abona ibyo bakora ahubwo ari ugukangurira abantu ubusambanyi.

Rusine ati: "Ari Leta ari n’amadini, bafite gahunda yo gukumira abantu ngo be kujya mu busambanyi. Gusa ibyo abanyamadini bakora, njyewe mbona bikangurira abantu ubusambanyi kuko ahubwo havamo abantu benshi batandukana, umuhungu akavuga ati ubwo atwite bakaba batadushyingira reka mute njye kwishakira undi bari budushyingire, kandi nyamara yaramuteye inda. Ugasanga abantu bateye abakobwa inda, nibo bari hariya barimo kuvuga ngo abantu ni abanyabyaha kuko basezeranye umukobwa atwite... Agatera umukobwa inda akamuta, yarangiza akigira umuntu ufata ijambo akigira umuntu muzima kandi ari we ufite ibibazo birenze n’iby’abandi. Rimwe na rimwe ugasanga ahubwo n’umwana bamwishe, bagakuramo inda kugirango bazabashyingire, ahubwo bifite ingaruka nyinshi... Njye baje bakambwira ko batwite nabashyigikira nkabasabira umugisha nezerewe cyane. Ahubwo ndabashima baba bagize ubutwari bwo kwanga guhemukirana."

Icyakoze Pasiteri Rusine avuga ko Knowless na Clement bo ibyo kuba umukobwa yari atwite ntacyo abiziho, ariko kandi n’iyo byari kuba ari ukuri akaba atari kwigera yanga kubasabira umugisha yishimye cyane.

ONGERA UREBE AMAFOTO Y’UBU BUKWE BWA KNOWLESS NA CLEMENT:

Gusezerana imbere y’amategeko...

Ubukwe nyirizina nyuma yo gusezerana imbere y’Imana...

JPEG - 114.7 kb
JPEG - 100.6 kb
JPEG - 74.2 kb
JPEG - 113.7 kb
JPEG - 81.5 kb
JPEG - 100.8 kb
JPEG - 78.7 kb
JPEG - 134.1 kb
JPEG - 109.2 kb
JPEG - 128.5 kb
JPEG - 115.4 kb
JPEG - 91.4 kb
JPEG - 119.5 kb
JPEG - 130.7 kb
JPEG - 125.3 kb
JPEG - 95.4 kb
JPEG - 103.3 kb
JPEG - 71.7 kb

INKURU ZA :
Tanga Igitekerezo
Ibitekerezo 8
NYILINKINDI Aimable Kuya 23-08-2016

Bibiliya Yera
1Abami 18:21.Nuko Eliya yegera abantu bose aravuga ati"Muzageza he guhera mu rungabangabo? Niba muzi ko Uwiteka ari we Mana nimumukurikire, kandi niba ari Bali abe ari we mukurikira." Abantu ntibamusubiza ijambo na rimwe.

NYILINKINDI Aimable Kuya 23-08-2016

Bibiliya Yera
1Abami 18:21.Nuko Eliya yegera abantu bose aravuga ati"Muzageza he guhera mu rungabangabo? Niba muzi ko Uwiteka ari we Mana nimumukurikire, kandi niba ari Bali abe ari we mukurikira." Abantu ntibamusubiza ijambo na rimwe.

jojo Kuya 12-08-2016

hahaha...ubuhanuzi bwanjye burasohoye da!! Abasebanyaga bimukiye abakunda ivyiza...abazimu bimukiye abazima. Mujye munezezwa n’ibyiza ku bandi. Ibyo pasteur avuga nibyo...uzi abantu bari mu madini y’ibigugu bakora ubusambanyi bikamenywa n’Uhoraho urebera hose icyarimwe?!!! Abanyamadini muve mu kavuyo....

kamikazi Kuya 12-08-2016

Nkunze cyne Pasteur Rusine IMANA yo mu ijuru imuh’umugisha utagabanyije.Ubundi ibi nibyo bible yemera,
ahubwo ndashaka kumenya niba Pasteur Rusine ubu yaba afite Ministère y’ivugabutumwa ngo ab’ariho nzajya njya gusengera kuko rwose nd’umudive ariko ndambiw’uburiganya bwabo none numva ntagishoboye kujya gusengera mu badive!

niba asoma coments rwose nandangire itorero abarizwamo,murakoze

Me Kuya 11-08-2016

Ahubwo ducyeneye aba Pasteur benshi nkaba basobanukiwe ubundi ngo ababiri imana irabasanga kandi ikindi imana ibera hose icyarimwe ntiba murusegero gusa cyane ko abantu aribo nsegera zimana sinumva rero ukuntu wamugani mwicaye mukabyumvikanaho mukemeranya kubana ntaguhemukirana kwimana yabyanga kujya muri eglise nukugirango Wenda uheshe ishema umuryango I torero cg se ukore ibintu officially ariko ntaho bihuriye nogusezerana imbere y’imana imana iberahose icyarimwe gusezerana nimumutwe ni mumutima

xxxxxxx Kuya 10-08-2016

Knowles na clement imana ibahumugisha murugorushya rwanyu muzabyare hungu na kobwa naho ibyuwo mu pastor wigengabyo mumureke urumvako yigenga sinibaza nibayemerako n’imana yaba imugenga? ariko ibibyo byarahanuwe bigomba gusohora

Marc Kuya 10-08-2016

abana barahise muri kigali niyo mpamvu bavuzwe ni beza bambaye neza bagize ubukwe bwiza Imana yarabahuje ibaha umugisha ababanenga ni ishyari gusa gusaa ngo pasteur yakoze akazi Imana yamuhaye imuhe umugisha hubwo kuko yabasezeranyije Clement na k. muzagire urugo ruhire ðŸ™

xxxxxxx Kuya 10-08-2016

Knowles na clement imana ibahumugisha murugorushya rwanyu muzabyare hungu na kobwa naho ibyuwo mu pastor wigengabyo mumureke urumvako yigenga sinibaza nibayemerako n’imana yaba imugenga? ariko ibibyo byarahanuwe bigomba gusohora

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...