konka coffee
KONKA

AMAKURU

UKWEZI

Mu magambo asekeje, Ezra Mpyisi yihanije uwamubajije iby’urupfu rw’Umwami Kigeli

Mu magambo asekeje, Ezra Mpyisi yihanije uwamubajije iby’urupfu rw’Umwami Kigeli
17-10-2016 saa 13:28' | By Chief Editor | Yasomwe n'abantu 22849 | Ibitekerezo 12

Umukambwe Pasiteri Ezra Mpyisi, yakoresheje amagambo akarishye ariko kandi asekeje, mu kwihaniza umunyamakuru wa City Radio witwa Oswald Mutuyeyezu bakunda kwita Oswakim, ubwo yamubazaga ibijyanye n’urupfu rw’umwami Kigeli V Ndahindurwa ndetse n’aho azashyingurwa.

Pasiteri Ezra Mpyisi w’imyaka 94 y’amavuko, ni umwe mu bavugabutumwa bakomeye kandi bafite amateka mu itorero ry’Abadivantisiti b’umunsi wa Karindwi, ariko ikirenze ibyo anafite ubunararibonye mu by’amateka y’u Rwanda n’iby’ingoma ya cyami by’umwihariko, kuko yari n’umujyanama w’umwami Mutara III Rudahigwa wasimbuwe n’uyu Kigeli V Ndahindurwa waguye muri Amerika mu mpera z’icyumweru dusoje.

Umunyamakuru Oswakim yamubajije uko yakiriye iby’urupfu rw’umwami Kigeli V Ndahindurwa, maze Pasiteri Ezra Mpyisi amusubiza agira ati: "Mbwira uko wakira urupfu rwa so! Nanjye ndababaye cyane, ikindi ugerekaho ni iki?"

Umunyamakuru kandi yabajije Pasiteri Ezra Mpyisi aho yifuza ko umugogo (umurambo w’umwami) yazashyingurwa, maze mu kumusubiza agira ati: "Ndi umuhindiro se?... Uzi umuhindiro uwo ari we? (Niba utamuzi) naho rero ceceka... Nonese urambaza ibya Kigeli ntari umuhindiro ndakubwira iki? Jya kubaza abahindiro." Abajijwe abahindiro abo ari bo, Mpyisi ati: Ni abavandimwe ba Kigeli, njye ko ndi umugaragu we ndi umuvandimwe we?".

Pasiteri Ezra Mpyisi uzwi ho amagambo asetsa abantu cyane, yabwiye umunyamakuru ko ari injije ndetse ko Radio akorera ariyo mpamvu yayivuyeho akareka ikiganiro yatangagaho kuko nta bantu ifite, gusa ibi ntibyababaje umunyamakuru Oswald nk’uko yabishimangiye mu kiganiro n’ikinyamakuru Ukwezi.com.

Oswald ati: "Ntacyo. Ngirango no mu ijwi ryanjye wumvise ko nisekeraga, dusanzwe tuganira biriya bikuta ndabimenyereye. Mpyisi ni we muntu wa mbere nkunda mu bantu bazwi ku rwego rwo hejuru muri uru Rwanda."

UMVA IKIGANIRO BAGIRANYE HANO:


INKURU ZA :
Tanga Igitekerezo
Ibitekerezo 12
JIMMY KAMATARI Kuya 1-11-2016

Birababaje pe ibyumweru bibiri

fils Ntozi Kuya 31-10-2016

Ndabashimiye kunkuru niza mujya mutugezaho ariko nkaba mbabajwe cyanee byimazeyo inkuru yagashinyaguro mutugejejeho ivuga kuri Afande Colonel Habimana Pierre Clavel alias Jules Bemera ndanyomoza amakuru mutanze avugako yari umuyobozi winterahamwe umva .hindura yari umusirikari kd wabyigiye ntaho yigeze ahurira nabasivire nyabuneka muribuka uko byaribimeze umuntu nka majoro yabonye umwanya wo kujya kwica abasivile koko yego yitabye Imana ariko mwikomeza kuvuga amahomvu kumuntu witahiyr icyo mwashaka muracyibonye ngaho nimugubwe neza.

Rwasubutare Kuya 19-10-2016

Mwitonde mwa bana mwe. Hari abantu hano bacecetse kandi bakomeye ubu Umwami yafashije cyane kandi bamwubaha. Mwirinde rero gushyanuka mutisanga mutoneka babahatse kubera ubutamenya. Mwibuke ko abenshi twahuriye hano ejobubdi buli umwe atazi aho undi aturutse.
Niba gusebya,gusuzugura no gukerensa Umwami ari ibintu bigezweho mwibwira ngo birabahesha ubutoni, ejo ntimuzamenya inkuba ibakubise. Hari umuntu nzi wari ukomeye waje gutegeka ingoma zavugirizwaga Mutara III kujya zimuvugira buli gitondo. Ubu abana be bose barasaze. Ibya’ Abahindiro mubirebeshe amaso. NTACO MVUZE NTAHO ITERANYAGA.

uwayo Kuya 18-10-2016

bigaragara ko abenshi mutazi isano iri hagati ya MPYISI n’Umwami kigeri V

1.mpyisi ni umwiru w’ibwami kwa mutara se wa kigeri(mbibutse ko abarwa mu Ntwari z’u Rwanda )
2.yagize uruhare mu kwimikwa kwe kuko nta nakimwe cyakorerwa ibwami abiru batabizi

rero ntacyo atazi agomba kubazwa cyane ko babyirukanye baraziranye cyane ndetse yigeze no kumusuura mu minsi yashize kandi yabivuzeho kuri radio uretseko yanze kuvuga ibyo baganiriye ngo nta mwiru uvuga amabanga

-xxxx- Kuya 18-10-2016

Njyewe mbona yavuze neza ntakibazo. kuko abanyamakuru bamwe b’ubu bo mu rwanda bajya kubaza , batabanje gukora ubushakashatsi cg se ngo bategure ibibazo byabo ku buryo bwimbitse. wagirango baba babaza bagirango babaze gusa. burya ni byiza gukora ubushakashatsi kuwo ugiye kubaza cg se ugiye kubaza.
Murakoze

Elie rukundo Kuya 18-10-2016

Umusaza ari mu kiriyo ararababaye undi akamuseka! Uyu munyamakuru iwabo nta bakuru bahaba! Siko babaza inkuru nkiyi wasebeje umwuga wawe! Nawe ukabyemeza ngo narisekeraga wisebeje gusa

Elie rukundo Kuya 18-10-2016

Umusaza ari mu kiriyo ararababaye undi akamuseka! Uyu munyamakuru iwabo nta bakuru bahaba! Siko babaza inkuru nkiyi wasebeje umwuga wawe! Nawe ukabyemeza ngo narisekeraga wisebeje gusa

Dinah Kuya 18-10-2016

Ndumva Mpysi yabazwaga ubusa kuko ibyontibimureba aho na goverinoma yavuzeko ibya kigali bireba family yiwe icyakora leta ikimera kubafasha lkirikije ibyufuzo by umuryango none ngo mpyisi we yarikuvuga I birenze ibyoyavuze gute? Iki abanyamakuru nabo nishingano zabokubaza kibijyanye namakuruyose bifuza gutangaza.

Gi1 Kuya 18-10-2016

Haaaa kubaza umuntu wabaye umugaragu numukarani w’umwami ibijyanye no gutanga kwe ntabwo ari amanjwe cg kubaza ubusa kuko Mpyisi yigeze kwivugira ko yanamusuraga ntawundi muntu wari muri position nziza yo kubazwa uretse we yagenze ibwami yahabaye umukarani .....big up kuri Oswald

Uwamahoro Kuya 17-10-2016

Mbega Ezra past uzubwenge ndamwemeye kwakundi bamwitumusaza utazibyakora wapi sikobiri urumvuburyo ashubije umunyamakuru mubwenge? Ibyobibazokko byabazwa abahindiro aribobavandimwe ba Kigeri naho pyisi abanyamakuru baramurenganya ariko nawe yarababwiye nuko nabo ariko kazikabo ntibarikuzongera kubazubusa nkubwo.

callixte Kuya 17-10-2016

ndumiwe pe mbega umusaza uziguterana ibikuta!!

zidane Kuya 17-10-2016

KABISA ,U MUSAZA MPYISI NIBAREKE KUMUJAJWAHO!!! UBUNDI SE UBWO IBYO YABIMUBAZAGA AGAMIJE IKI??? HARUWAMUBWIYE KO MPYISI ARI UMUJYANAMA WE CG BAVUKANA. UMUSAZA AZUBWENGE NTABWO WAMUBAZA AMANJWE NKAYO

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...