konka coffee
KONKA

AMAKURU

UKWEZI

Patoranking yasigiye imyenda ye umunyarwandakazi, Ismael Lo yagaragaje ubuhangange

Patoranking yasigiye imyenda ye umunyarwandakazi, Ismael Lo yagaragaje ubuhangange
20-08-2017 saa 09:37' | By Akayezu Jean de Dieu | Yasomwe n'abantu 6058 | Ibitekerezo 1

Umuhanzi w’icyamamare muri Nigeria, Patoranking yaraye ataramiye imbaga y’Abanyarwanda bari bitabiriye iserukiramuco Kigali Up Festival ryaberaga muri IPRC Kicukiro ku munsi waryo wa mbere, icyatunguye benshi ni uburyo uyu muhanzi yatangariye ubwiza bw’Abanyarwandakazi akagera n’ubwo ahamagaza umukobwa umwe ku rubyiniro akamuha imyenda yari yambaye irimo amataratara, ingofero ndetse n’ishati agasigara yambaye ubusa hejuru. Naho Umunye Senegal Ismael we yashimangiye ko afite uburambe mu muziki aho yavuye ku rubyiniro nta muntu n’umwe ubyifuza mu bafana.

Ku munsi wa mbere w’iri serukiramuco mu ijoro ryo kuri uyu wa Gatandatu tariki 19 Kanama 2017, aho abahanzi batandukanye hano mu Rwanda barimo Makanyaga Abdul, Islael Mbonyi, King James, Itsinda rya Quantum Split, Solei Raurant ndetse n’umuhanzi Ismael Lo wo mu gihugu cya Senegal uzwi ku rwego mpuzamahanga dore ko indirimbo ze nyinshi yaziririmbaga ukabona abanyarwanda barazizi kandi bifuza ko yakomeza akaririmba n’izindi nyinshi bagendaga bamusaba zirimo Dibi Dibi Rek, Tajabone, Raciste, Ale Lo, Fa Diallo, Africa, n’izindi.

Nk’uko byari byitezwe, umuhanzi ukomeye wari bwitabire iri serukiramuco rya Kigali Up Festival ku munsi wa mbere yari Patoranking gusa uyu muhanzi wageze ahaberaga igitaramo atinze cyane ko yahageze hafi saa tanu z’ijoro nabwo akabanza gutinda mu modoka dore ko yamaze hafi iminota 30 abafana bamutegereje kugeza ubwo ahashyira saa 11h40 z’ijoro aribwo yasesekaraga ku rubyiniro.

Kimwe mu byatangaje abantu ni uburyo uyu muhanzi wari witezweho gukora byinshi byiza yaririmbye akoresheje CD ibintu bidasanzwe bigaragara muri iri serukiramuco, n’ubwo abafana babihiwe n’ubu buryo ariko barushijeho gufatanya n’uyu muhanzi kubyina indirimbo ze zikunzwe ndetse banagaragaza ko basanzwe bazizi.

Patoraking ajya kuva ku rubyiniro yatunguye benshi ubwo yahamagaragaga umunyarwandakazi wari wagize isabukuru maze barifotozanya, bafata akavideo bashyira ku rubuga rwa SnapChat, ndetse birangiye amuririmbira indirimbo ye ‘My Woman My Everything’ ibi bikaba byarangiye uyu muhanzi amuhaye amataratara, ingofero ndetse n’ishati hanyuma umuhanzi ataha yambaye ubusa hejuru gusa asiga abwiye abanyarwanda ko azagaruka kubakorera igitaramo kidasanzwe

. Makanyaga Abdul niwe wabanje ku rubyiniro yibutsa abafana za ndirimbo ze zo hambere Islael Mbonyi yaririmbye indirimbo ze zikunzwe gusa akavura kaje kumusanga ku rubyiniro ariko arakomeza araririmba bamwe ntibajya kugama bakomeza gufatanya nawe King James niwe wakurikiyeho akavura kamaze guhita nawe asusurutsa abanya Kigali Soleil Laurant uheruka mu Rwanda muri iri serukiramuco ku nshuro ya 6 yongeye kwerekana ko umuziki we ugenda utera imbere Uyu musaza Ismael Lo yerekanye ubunararibonye afite mu muzika asusurutsa abanya Kigali maze nabo bamwereka urukundo rudasanzwe Abafana nabo bari bagaragaje urukundo bamufitiye
Patoranking wageze ku rubyiniro atinze yanaririmbiye kuri Ckandi bitamenyerewe muri iri serukiramuco
Patoranking yageze nyuma ahamagaza umukobwa wagize isabukuru amuririmbira My Woman my Everyting
Yageze ubwo akuramo imyenda aramuhereza biteza benshi urujijo


INKURU ZA :
Tanga Igitekerezo
Ibitekerezo 1
rukundo Jean bouche Kuya 12-09-2017

nibyo koko a banya rwand akazi bigomba kudu he sha agaciro

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...