konka coffee
KONKA

AMAKURU

UKWEZI

Ras Bertin ’Inshuti y’abana’ yahagurukiye ikibazo cy’abakobwa baterwa inda bakiri bato

Ras Bertin ’Inshuti y’abana’ yahagurukiye ikibazo cy’abakobwa baterwa inda bakiri bato
19-09-2017 saa 13:58' | By Chief Editor | Yasomwe n'abantu 1935 | Ibitekerezo 3

Umuhanzi Ras Bertin bakunda kwita “ Inshuti y’Abana”, ugaruka ku byo muzika ishobora guhindura ku isi ariko kandi akagaragaza ko ishobora no kugira ibyo yangiza bitewe n’ibiyikubiyemo, ahamya ko yahagurukiye gukoresha impano afite muri gahunda yo kurandura ikibazo cy’abana b’abakobwa baterwa inda zitifuzwa bakiri bato.

Kuri iyi ngingo kandi aragaruka ku ndirimbo (cyane z’amahanga) kenshi usanga zigizwe n’amagamo ndetse n’amashusho bishobora kuyobya abazikurikira cyane cyane abana bato n’urubyiruko ruba rufite irari ryo kwigana imico itandukanye y’ahandi kandi rimwe na rimwe iba ihabanye n’indangagaciro zigomba kuranga u Rwanda rw’ejo.

Ras Bertin umenyerewe mu ruhando rwa muzika nyarwanda mu njyana ya Reggae, aho yiyemeje gutanga ubutumwa bw’amahoro yibanda cyane ku burenganzira bw’abana, yadutangarije ko atazigera anigwa n’ijambo kandi abona hari ikibazo cyugarije abana gishobora gushakirwa umuti; ni muri urwo rwego nyuma yo kuririmba yamagana icuruzwa ry’abana n’ikibazo cy’abana bo mu muhanda, ubu noneho yamaze gushyira ahagaragara indirimbo y’amajwi yitwa: “NTIBIKWIYE” ifite intego n’ubutumwa byo guhangana n’ikibazo kimaze iminsi kivugwa cy’Abana baterwa inda zitateganyijwe akenshi n’imyaka yabo ikiri hasi cyane.

Uyu muhanzi nyuma y’indirimbo nyinshi amaze kugeza ku bakunzi ba muzika nyarwanda, arizeza abakunzi b’ibihangano bye ko azakomeza umurongo wo kwimakaza umuco w’amahoro, abagezaho muzika ikora ku mutima, ibashimisha, ibaruhura, kandi inashishikariza buri wese kubaka ejo hazaza heza bishingiye mu gutegura neza abana bato.

Mu kurangiza ikiganiro kigufi na Ras Bertin Inshuti y’Abana, arashimira buri wese umutera inkunga mu buhanzi bwe, kandi asaba inzego zose n’Abanyarwanda muri rusange, guhaguruka bakarwanya ihohoterwa iryo ariryo ryose rikorerwa Abana.

UMVA INDIRIMBO "NTIBIKWIYE HANO"


INKURU ZA :
Tanga Igitekerezo
Ibitekerezo 3
Muhire Kuya 22-09-2017

Courage Bertin. , komeza wamamaze ubutumwa bwa Mahoro

Jean Marie Kuya 19-09-2017

ntacyo nabona mvuga kuri Ras Inshuti y’Abana kuko ibikorwa bye akomeje kugaragaza birivugira, nkunda uko akunda abana kandi bigaragara ko afite ubushobozi hari byinshi yakora,peace and love my Rasta

GASONGO Kuya 19-09-2017

The real rasta in Rwanda!

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...