konka coffee
KONKA

AMAKURU

UKWEZI

Riderman yongeye gushimangira ko kuzuza Petit Stade ari umwihariko we - Amafoto

Riderman yongeye gushimangira ko kuzuza Petit Stade ari umwihariko we - Amafoto
26-12-2017 saa 07:11' | By Akayezu Jean de Dieu | Yasomwe n'abantu 2709 | Ibitekerezo

Umuhanzi Gatsinzi Emery Rider Man umaze kubaka izina mu njyana ya Hip Hop hano mu Rwanda yakoze igitaramo kitabiriwe n’imbaga y’abantu bari buzuye Petit Stade. Ibi bishimangiye ko uyu muhanzi afite umwihariko dore ko ibitaramo yagiye akora byaba ibyo kumurika alubumu ndetse n’ibindi bitaramo yagiye akorera aha hantu byagiye byitabirwa uhereye ku gitaramo cya mbere.

Mu ijoro ryo kuri uyu wa Mbere tariki 25 Ukuboza 2017, Umunsi abakirisitu bo ku isi yose bizihizaho ivuka rya Yezu nibwo uyu muhanzi yari yateguye gukora igitaramo yise ‘Uburyohe Concert’ aho yamurikaga Mixtep iriho indirimbo zigera mu 10 ndetse n’inyongezo imwe.

Muri iki gitaramo cyari kitabiriwe n’imbaga y’abafana Rider Man yafashijwemo n’bahanzi benshi cyane biganjemo abakora injyana ya Hip Hop barimo P Fla wari utegerejwe n’imbaga, Jay C nawe washimishije abantu, Khalfan ndetse n’abandi bahanzi bakora injyana zitandukanye barimo Umuhanzikazi Marina watunguranye ku rubyiniro agahagurutsa imbaga, King James, Itsinda Active, n’abandi bahanzi benshi bari baje gushyigikira uyu muhanzi muri iki gitaramo.

Muri iki gitaramo kandi Rider Man yahamije ko kugeza ubu byamaze kwemezwa ko buri tariki 25 Ukuboza ari nabwo abakirisitu baba bizihiza Noheli azajya akora igitaramo aho ibi bitaramo bigiye kujya biba ibirori ngarukamwaka

Riderman ni umwe mu bahanzi nyarwanda babashije gukora alubumu nyinshi ndetse akenshi azwiho kuzuza sitade mu gihe yamuritse alubumu ze, ibintu bigoye cyane kuri benshi mu bandi bahanzi bagerageza gukoresha Petit Stade mu bitaramo bitandukanye. Ubu amaze kugira alubumu 7 iyi mixtape ikaba ije yiyongera kuri zo. Rider Man ku rubyiniro yashyigikiwe bikomeye Iki gitaramo cyari cyitabiriwe n’imbaga y’abafana Uyu mwana yatangaje benshi ubwo yazaga ku rubyiniro Umuhanzikazi Marina yazanye imbyino zidasanzwe ku rubyiniro Umugore wa Rider Man na Muyoboke Alex bari baje kwihera amaso P Fla wagaragarijwe urukundo rudasanzwe yazanye na Kandy Moon ku rubyiniro
Jay c nawe ni umwe mu bari bahagariye Hip Hop muri iki gitaramo

AMAFOTO:Bunani Janvier/Ukwezi.com


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...