konka coffee
KONKA

AMAKURU

UKWEZI

Teta Diana yatsindiye kuba mu bahanzi 10 ku isi bagiye guhurira muri Amerika

Teta Diana yatsindiye kuba mu bahanzi 10 ku isi bagiye guhurira muri Amerika
22-07-2016 saa 18:29' | By Chief Editor | Yasomwe n'abantu 3789 | Ibitekerezo 1

Umuhanzikazi Teta Diana yabashije kwesa umuhigo wo gutsindira kuba mu bahanzi 10 ba mbere ku isi bagiye kumara ukwezi ku mugabane wa Amerika, nyuma yo gusanga umuziki akora ari urugero rw’ukwiye kwifashishwa mu gutanga ubutumwa buhindura isi.

Mu kiganiro yagiranye n’ikinyamakuru Ukwezi.com, Teta Diana yasobanuye ko yatsindiye kujya mu gikorwa cyagenewe abahanzi ku rwego rw’isi yose, akaba agiye kumara ukwezi kose muri San Fransisco no muri Mexico.

Teta ati: "Bizamara ukwezi, interview narayikoze, uyu munsi ni bwo bampaye igisubizo cya nyuma bamenyesha ko natsinze. Ni ugukoresha umuziki mu kubaka umuryango mugari ku rwego rw’isi, hakoreshejwe indirimbo zifite ubutumwa. Nzamara ibyumweru bitatu mu mujyi wa San Fransisco, hanyuma icyumweru cya nyuma tukimare muri Mexico."

JPEG - 115.2 kb

Muri uku kwezi, bazazenguruka bakora ibitaramo banahure n’abantu uruhare rukomeye ku isi mu gushyigikira amahoro, uburezi, uburenganzira bw’ikiremwamintu n’ibindi bikorwa bikomeye byagize icyo bihindura mu muryango mugari w’abatuye isi.

Teta asobanura ko indirimbo akora ziba zifite ubutumwa, ari nayo mpamvu basanze ari umwe mu bahanzi bakeneye, dore ko habaye amajonjora mu byiciro bitatu byose. Yagize ati: "Nyinshi mu ndirimbo nanditse zifite ubutumwa runaka zigenera abazumva. ’Tanga agatego’ ivuga ku burezi, ’Ndaje’ igarura icyizere ikagaruka ku no ku bumwe, ’Undi munsi’ na yo ni indirimbo itanga icyizere, ’Velo’ ufite amatwi burya arumva, igaruka ku mibanire ya none, ibyo tubona mu muryango mugari no gutera abantu kwibaza niba koko ari byo bikwiye, indirimbo ni nyinshi n’izindi ziracyaza..."

JPEG - 172.2 kb

Teta avuga ko aya ari amahirwe kuri we kuko bizamuhuza n’abandi bahanzi bo hirya no hino ku isi, akaba yizeye ko hari byinshi azunguka bizateza imbere umuziki we, bikazamura ibendera ry’aho avuka. Asaba abanyarwanda gukomeza kumushyigikira muri uru rugendo rwa muzika, abizeza ko azakomeza gukora iyo bwabaga.

KANDA HANO WUMVE INDIRIMBO NSHYA YA TETA DIANA


INKURU ZA :
Tanga Igitekerezo
Ibitekerezo 1
Dixon Kuya 24-07-2016

Muri Mexico bazataramira muyihe state ko nshaka kuzaba mpabaye?

IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...