konka coffee
KONKA

AMAKURU

UKWEZI

The Ben uri i Kampala yageze ku yindi ntera, azanaza i Kigali kubyina intsinzi ya Perezida

The Ben uri i Kampala yageze ku yindi ntera, azanaza i Kigali kubyina intsinzi ya Perezida
29-06-2017 saa 11:30' | By Chief Editor | Yasomwe n'abantu 17520 | Ibitekerezo 6

Umuhanzi nyarwanda, Mugisha Benjamin wamamaye nka The Ben, amaze igihe ari ku mugabane wa Afurika aho yakoze ibikorwa bitandukanye byanatumye agera ku yindi ntera idasanzwe mu bwamamare bwe ku ruhando mpuzamahanga. Urugendo arimo muri Afurika ruzanasozwa no kuza gutaramira Abanyarwanda nyuma y’amatora, habyinwa intsinzi ya Perezida.

The Ben ubusanzwe uba muri Amerika, amaze igihe ari muri Afurika aho yamaze iminsi muri Afurika y’Epfo ariko muri iyi minsi bwo akaba abarizwa i Kampala mu gihugu cya Uganda, mu bikorwa bya muzika bitandukanye birimo no gutunganya amashusho y’indirimbo yakoranye n’icyamamare muri Uganda, Shebah.

The Ben aha ari muri Uganda

Hari amakuru yizewe kandi agera ku Kinyamakuru Ukwezi.com, ashimangira ko The Ben afite ibindi bikorwa bya muzika azakorera vuba i Burayi no muri Canada, hanyuma akazahita aza mu Rwanda muri Kanama uyu mwaka, nyuma y’amatora ya Perezida wa Repubulika, aho azataramira abanyarwanda mu bikorwa byo kwishimira intsinzi n’ibijyanye no kurahira kwa Perezida uzatorerwa kuyobora u Rwanda mu matora azaba tariki 3 na tariki 4 Kanama 2017. Ikinyamakuru Ukwezi.com cyagerageje kuvugisha The Ben ngo tumubaze byinshi kuri iyo gahunda, ariko nimero arimo gukoresha muri Uganda ntiyadukundiye mu nshuro zose twayigerageje.

Kuba yaraje mu Rwanda mu minsi ishize bikavugwa cyane mu binyamakuru, ibikorwa bya muzika yakoreye muri Afurika y’Epfo n’ibyo arimo muri Uganda kandi abikorana n’abahanzi b’ibyamamare, hari icyo byazamuye kinini ku bwamamare bwa The Ben n’umuziki we. Kimwe mu bimenyetso bifatika, ni uko urubuga rwa Facebook rwamwinjije mu byamamare bizwi mu ruhando mpuzamahanga, dore ko paji (Page) ye ya Facebook yahawe ikimenyetso cy’uko ari icyamamare kizwi kandi cyemewe mu ruhando mpuzamahanga, iki kikaba kirangwa n’akamenyetso k’ubururu kazwi nka "Verification Badge".

Kugeza ubu, mu Rwanda abari barashyizwe na Facebook muri uru rwego, abenshi ni si abantu ku giti cyabo ahubwo ni amakompanyi y’itumanaho ndetse n’andi macye cyane azwi mu ruhando mpuzamahanga. Perezida Paul Kagame, niwe muntu ku giti cye wo mu Rwanda wari warashyizweho iki kimenyetso ku rubuga rwa Facebook, ndetse we nk’umuntu uzwi cyane mu ruhando mpuzamahanga iki kimenyetso akimaranye igihe.

The Ben ni we muhanzi rukumbi w’umunyarwanda wahawe iki kimenyetso kugeza ubu, ikimenyetso ubundi gitangwa iyo Facebook Page ari iya kompanyi izwi ikaba inafite ibikorwa mpuzamahanga bizwi, cyangwa ikaba ari iy’umuntu w’icyamamare wasuzumwe n’impuguke z’urubuga rwa Facebook bakemeza ko ari icyamamare mpuzamahanga mu buryo bugaragara.

Verification Badge iba no ku zindi mbuga nka Twitter, ariko ku rubuga rwa Facebook niho bigorana cyane kugirango umuntu runaka, ikigo cyangwa ikompanyi yemezwe nk’izwi mu ruhando mpuzamahanga.


INKURU ZA :
Tanga Igitekerezo
Ibitekerezo 6
Mugisha Emmy Kuya 31-07-2017

Rwose The Ben Azaze Dufatanyekubyina Itsinzi FPR

bolingo Kuya 30-07-2017

ahaaa reka turebe

-xxxx- Kuya 2-07-2017

Uwayo abajije neza ati utorwa wese se azaza kumuririmbira? Nanjye ntyo. Ariko ibiba muri afrika ntahandi rwose😠😠ðŸ˜

kassaa Kuya 30-06-2017

Erega America ya Trump irakaze . wabona adasubiyeyo yaca hee. tubitege amaso ko asigaye yibera Africa . Natahe rero

uwayo Kuya 30-06-2017

uzatorwa wese azaza kumuririmbira se?

Mbonimpa Kuya 29-06-2017

Impamvu nyamukuru ya verification badge ni uko iyo umuntu yamamaye habaho accounts nyinshi zimwitirirwa rero mu guca urujijo social media iramushaka akeneza official account ye bagashyiraho badge kugirango umuntu ajye amenya ko information zatanzwe niyo account ari iza nyirubwite.

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...