konka coffee
KONKA

AMAKURU

UKWEZI

USA: Hagiye kuba igitaramo kitiriwe amahoro kizagaragazwamo uburyohe bwa muzika nyarwanda

USA: Hagiye kuba igitaramo kitiriwe amahoro kizagaragazwamo uburyohe bwa muzika nyarwanda
4-10-2017 saa 17:53' | By Chief Editor | Yasomwe n'abantu 1564 | Ibitekerezo

Abahanzi bo mu karere u Rwanda ruhereremo ariko bakorera muzika yabo muri Leta Zunze Ubumwe za Amerika, bagiye guhurira mu gitaramo kitiriwe amahoro kizwi nka Peace Concert, by’umwihariko umuhanzi nyarwanda ukomeje guteza imbere muzika ye uzwi nka Shizzo akaba azamurikira album ye muri iki gitaramo kizagaragazwamo ubwiza n’uburyohe bwa muzika nyarwanda.

Tariki 12 z’ukwezi gutaha k’Ugushyingo 2017, nibwo hazaba iki gitaramo cyane Peace Concert gisanzwe kiba buri mwaka muri Leta ya Indiana muri Leta Zunze Ubumwe za Amerika, kigaterwa inkunga na Peace Center for Forgiveness and Reconciliation ihagarariwe na Mr Kalima.

Umuhanzi Shizzo akaba yitegura kuzamurikira album ye ya kabiri muri iki gitaramo, iyi album ikaba igizwe n’indirimbo 10. Muri iki gitaramo kandi hazagaragaramo n’undi musore w’umunyarwanda witwa T Wise ukorana na Shizzo mu nzu itunganya muzika (Label) yitwa Ibizimizo, ndetse n’abandi bahanzi bo muri Diaspora y’u Rwanda.

Shizzo uherutse gukora indirimbo irimo gukundwa na benshi yakoranye na Arstide bakayita Mama, avuga ko abazaza muri iki gitaramo baziyumvira uburyohe bwa muzika y’Abanyarwanda ariko bakazasogongezwa kuri muzika y’abandi bahanzi bo mu bihugu bituranye n’u Rwanda. dore ko Peace Concert yitabirwa n’abantu bo mu bihugu bitandukanye byo muri Afurika y’Uburasirazuba, muri abo tukaba twavuga nk’uwitwa Oxy Dicap ukunzwe muri Repubulika Iharanira Demokarasi ya Kongo aho akomoka.

Shizzo Affropapi, umunyarwanda ukorera muzika muri Amerika

UMVA HANO INDIRIMBO YE NA ARSTIDE IRIMO GUKUNDWA NA BENSHI:

Muri iki gitaramo kandi hazagaragaramo n’itsinda ry’ababyinnyi b’imbyino gakondo zo mu Rwanda, bari mu itorero Hoza Troupe bazasangiza abazitabira iki gitaramo imbyino z’umwihariko w’umuco nyarwanda, kuburyo abazabyitabira bose bazanyurwa.

Uyu ni umuhanzi OXY DICAP uzaserukira DRC muri PEACE CONCERT

Uyu ni T wise ( Wamenyekanye mu ndirimbo BACK TO ME) akaba ahagarariye TANZANIA muri Peace Concert


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
BAHO
INKURU ZIKUNZWE
Ibitekerezo
Loading...
IZINDI NKURU WASOMA
Loading...