konka coffee
KONKA

AMAKURU

UKWEZI

Ubukwe bwa Knowless na Clement na PGGSS, imvano yo kuva muri Kina Music kuri Christopher

Ubukwe bwa Knowless na Clement na PGGSS, imvano yo kuva muri Kina Music kuri Christopher
23-08-2016 saa 07:45' | By Chief Editor | Yasomwe n'abantu 14733 | Ibitekerezo 8

Kuri uyu wa Mbere tariki 22 Kanama 2016, nibwo byemejwe ku mugaragaro ko umuhanzi Christopher atakibarizwa muri Kina Music aho yari amaze igihe gisaga imyaka 7 akorera muzika ye. Intandaro y’ibi byose, ifite aho ihuriye n’ubukwe bwa Knowless na Clement ndetse n’amarushanwa ya Primus Guma Guma Super Star 6 uyu muhanzi aherutse kwitabira akanegukanamo umwanya wa kabiri.

Ikinyamakuru Ukwezi.com, gifite amakuru yizewe gikesha umwe mu bakorana na Kina Music tudatangaza amazina ku bw’umutekano we, uhamya ko ubukwe bwa Butera Knowless n’umugabo we Ishimwe Clement hamwe n’amarushanwa ya Primus Guma Guma Super Star 6 biri mu mpamvu ebyiri zateye Christopher kumva ko byanze bikunze akwiye kuva muri Kina Music agatangira kwikorera muzika ku giti cye.

JPEG - 59.4 kb

Christopher yatangiye gupanga ibyo kuva muri Kina Music guhera mu myiteguro y’ubukwe bwa Knowless na Clement

Uyu muntu yagize ati: "Kuva na mbere hose, muri Kina Music abahanzi bose bari bazi ko Knowless ari we mutoni, kuburyo iby’umuziki we Clement yabishyiraga imbere kurusha iby’abandi bahanzi bose. Christopher yigeze gushaka kugenda na mbere ariko Clement amutera ubwoba, amwereka ko naramuka agiye muzika ye izahita isubira inyuma. Si we wenyine, buriya na Dream Boys bagiye bashaka kugenda kenshi bakisubiraho ku munota wa nyuma, kuko Clement aba yarabasinyishije amasezerano agashyiramo akantu gato k’umutego kabazitira. Kuva Knowless yarakoze ubukwe na Clement rero, noneho Christopher yatangiye kubona ko Kina Music igiye kuba iy’urugo, kandi atangira no kubibona na mbere y’ubukwe. Umwaka ushize Clement yaherekezaga Knowless mu marushanwa ya Primus Guma Guma Super Star kuburyo ahantu hose yabaga ahari akora ibishoboka byose ngo yegukane igikombe anabigeraho, ariko Christopher we ntabwo Clement yigeze amushyigikira mu bigaragara, kandi amafaranga yakuyemo nk’igihembo bagomba kuyagabana nk’uko amasezerano basanzwe bafitanye abivuga. Christopher rero yabonye ko nyuma y’ubukwe bwa Knowless na Clement noneho bizarushaho kuzamba, umugabo agakomeza kwita ku muziki w’umugore we gusa hanyuma uwa Christopher ukadindira, abona ntiyabyihanganira. Guma Guma yarangiye Christopher yararakariye Clement cyane ariko agerageza kwiyumanganya."

JPEG - 184.7 kb

Amafaranga 7.500.000 Christopher yahembwe muri Primus Guma Guma Super Star 6, agomba gupasuramo kabiri akayagabana na Clement

Ubwo amarushanwa ya Primus Guma Guma Super Star yarangiraga, Christopher koko yashimiye abantu bose bamufashije ariko ntiyashyiramo Clement wari usanzwe ari umujyanama we. Uyu musore abinyujije kuri Instagram yagize ati: "N’ubwo tutatwaye igikombe ariko ndashima Imana ko itaduhaye kure y’ibyo twayisabye. Ndashimira cyane aba producers n’itangazamakuru badushyize ku rutonde rw’abahatana. Ndagushimira cyane Tom Close ku bitekerezo wampaye, nawe Dj Zizou warakoze kubana nanjye muri uru rugendo rurerure. Rwigema Gedeon, Bwnaakweli Hussein na Eric Mucyo Imana ibahe imigisha myinshi, Imanzi twerekanye ko turi ABASITARI."

JPEG - 257.3 kb

Nyuma gato yo kwegukana umwanya wa kabiri muri Primus Guma Guma Super Star, Christopher yatangiye guca amarenga yo guhindura imikorere, akemera akarwana urugamba rwo gukora umuziki atari kumwe na Clement. Muneza Christopher ati: "Nafashe icyemezo cyo kuyobora ubwonko bwanjye, aho kugirango bunyobore. Singomba kuvuga na rimwe ngo ahari byakunda, ahubwo ngomba gutuma bikunda bikabaho, ngomba kwemera kwirengera icyo ari cyo cyose ariko nkarwana ku kurengera inzozi zanjye, nta wundi wabibona uretse njye. Ubu ndi Christopher mushya."

Nyuma yo gufata icyemezo ariko, Christopher yanze ko we na Ishimwe Clement batandukana bashwanye mu buryo bweruye, bumvikana ko mu rwego rwo gutandukana beretse rubanda ko nta kibazo gihari, bombi babitangariza rimwe ku mbuga nkoranyambaga bakavuga ko babyumvikanyeho bagafatira icyemezo hamwe.


INKURU ZA :
Tanga Igitekerezo
Ibitekerezo 8
gogo Kuya 24-08-2016

nakundaga uburyoki KINA mwagaragaraga nkumuryango nubwomutandukanye muzagume kuba nkimuryango knd twekureba hamwe gusa Clement nawe yafashije cyn Chris gusa biboho gutandukana na beyonce yatandukanye na manager we arina se nkaswe.

hilde Kuya 24-08-2016

nushaka gufata icyemeze ntihazagire icyigukoma imbere, kuko ubwoba n’icyaha. iyo ufashe icyemezo Imana iragushyigikira. courage!!!! turagukunda

JK Kuya 23-08-2016

Niyo byaba cash saye se nti yayakoreye ahubwo Clement gabanya amerwe yo kurya ibyo utavunikiye muvandi Christo shaka ibimenyetso byuko atagufashije nkuko bikwiriye ubundi ugekwirwanaho kuko nubundi wirwanaho kandi witwango ufite umufasha

JUVENS Kuya 23-08-2016

ese barinda bayagabana hari ubwo yamufashijekuri stege iyonindanini

jay Kuya 23-08-2016

Ako kana na gaswa cyane ubwo uraje wirirwe wiruka ngo urashaka kurya wenyine

sa pi Kuya 23-08-2016

Ahhhh ibyogusa ntibyarikubatanya hubwo yabonye inote atekerezako zagombye kuba izewenyine kd atekerejeneza ntiyabuze icyoyamusaruyeho kinini kuvabakorana

Mutoni Kuya 23-08-2016

Rwose ibi ni bintu rusange!Umuntu ntaguma hamwe agomba guhindura ariki namwe ntimubigire birebire kuko nzi neza ko nawe ari wowe wakwibanza!Rero njye mbona ntakibazo gihari

Sabri Kuya 23-08-2016

hahahaah biravugwa aliko ureba kure abona ko ari cash yomu bihe bizaza baba akenshi bakwepa badashaka kujya bagabana.uwareba kure yasanga ariyo target. sukuvuga ngo mtiyitaweho gusa.

IGURIRE
Reba Ibindi Byinshi
FPR Kagame 2
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
IBIRORI
Ibitekerezo
IZINDI NKURU WASOMA