konka coffee
KONKA

AMAKURU

UKWEZI

Umuhanzi Jaguar ushaka kuba depite yateje imyigaragambyo nyuma yo gutsindwa -Video

Umuhanzi Jaguar ushaka kuba depite yateje imyigaragambyo nyuma yo gutsindwa -Video
27-04-2017 saa 17:43' | By Vincent Nsengiyumva | Yasomwe n'abantu 2940 | Ibitekerezo

Umuririmbyi Charles Njagua Kanyi [Jaguar] wo muri Kenya yateje imyigaragambyo ikomeye nyuma yo kubura iitike yo kuzahagararira ishyaka rye mu bahatanira kwinjira mu Nteko Ishinga Amategeko mu matora rusange azakorwa ku wa 8 Kanama 2017.

Iyi myigaragambyo ikomeye yakozwe n’abashyigikiye uyu muhanzi Jaguar, aho bigabye imihanda bamagana abari bahagarariye amatora bo mu ishyaka rya Jubilee bavuga ko bamwibye amajwi bakayaha Maina Kamanda bari bahanganiye uyu mwanya.

Uyu muhanzi wakunze kugaragaza kwinjira mu bya politiki, ahigitswe n’uwo bari bahanganye, Maina Kamanda, wanigeze kuba Umudepite muri iki gihugu cya Kenya, muri manda yo kuva 1998 kugeza 2002, ndetse na 2003 kugeza 2007 ariko Jaguar akaba atemera ko yatsinzwe aho avuga ko amatora yaranzwe n’uburiganya ndetse no kumwiba amajwi.

Ibyavuye muri aya matora byagaragazaga ko uyu muhanzi Jaguar yagize amanota 8.391 gusa mu gihe mukeba we bari bahanganye yagize amajwi 10,374 bityo Jaguar akaba yahise asezererwa. Ikinyamakuru News Day cyo muri Kenya kivuga ko aya matora yabaye ku gicamunsi cyo kuri uyu wa Kane mu ishuri ryitwa Jamhuri High School.

Iki kinyamakuru gikomeza kigaragaza ko kugirango umwuka mubi ufate intera ndende bigere aho kwigaragambya gukomeye byatewe n’uko umunyamabanga w’iri shyaka rya Jubilee Raphael Tuju, yavuze ko aya matora yabayemo uburiganya ndetse anababwira ko agomba kuzasubirwamo.

JPEG - 67.5 kb

Aha Jaguar ari kumwe na Perezida Uhuru Kenyatta

Abarwanashyaka ba Jaguar bakibita mu gutwi bahise bazamura uburakari maze batangira imyigaragambyo bavuga ko Kamanda yabibye amajwi ko batamushaka kandi ko badateze kuzamushyigikira muri Kanama ubwo hazaba hari kuba amatora y’Abadepite.

Bateraga hejuru bagira bati "Twe twari tuzi neza ko Jaguar atsinda aya matora. Habayeho uburiganya n’ubujura bukomeye ku bari bayoboye iki gikorwa.”

Uyu muhanzi Jaguar yayoboye aba bari bamushyigikiye muri iki gikorwa cyabo cy’imyigaragambyo maze berekeza ku cyicaro cy’ishyaka ryabo rya Jubilee gutanga ikirego cyabo ariko polisi iba hafi irabatatanya ikoresheje ibyuka biryana mu maso.

Jaguar yari aherutse kugarukwaho cyane mu itangazamakuru ubwo yakoraga impanuka y’imodoka ye ikica abantu babiri, aho bitavuzweho rumwe, bamwe bagaragaza ko habayeho uburangare cyane ko yari kumwe n’umukunzi we muri iyo modoka.

Izina ry’umuhanzi Jaguar ryamenyekanye cyane mu karere biturutse ku ndirimbo zitandukanye zamamaye cyane zirimo nka ‘Kigeugeu’, ‘Kipepeo’, ‘Kioo’, ‘Nikuskize’ n’izindi, akaba anazwi cyane nk’umugabo w’umuherwe muri Kenya ndetse no mu Karere .


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
konka Monaco
URUKUNDO
nkusi
INKURU ZIKUNZWE
Ibitekerezo
Loading...
IZINDI NKURU WASOMA
Loading...