konka coffee
KONKA

AMAKURU

UKWEZI

Umuzungu Safi yatwaye umugore ararira ayo kwarika, avuga ko Judith ari umukinnyi kabuhariwe

Umuzungu Safi yatwaye umugore ararira ayo kwarika, avuga ko Judith ari umukinnyi kabuhariwe
16-10-2017 saa 12:55' | By Chief Editor | Yasomwe n'abantu 14519 | Ibitekerezo 3

Nyuma y’uko Safi Niyibikora bakunda kwita Madiba wo muri Urban Boys, arongoye Niyonizera Judith wari warashatse muri Canada, umuzungu bendaga gukora ubukwe ararira ayo kwarika, akavuga ko uyu mugore ari umukinnyi kabuhariwe wamaze imyaka isaga ibiri amubeshya bikomeye.

Uyu muzungu wo muri Canada yitwa Rick Hilton, gusa si we wari warashakanye byemewe n’amategeko na Niyonizera Judith, ahubwo uyu avuga ko bakundanye nyuma y’uko yari yaratandukanye n’uwo bashakanye mbere.

Rick Hilton uvuga ko Judith ari umukinnyi kabuhariwe wamaze imyaka ibiri amubeshya ko amukunda

Rick Hilton yabwiye ikinyamakuru Ukwezi.com ko yashidutse Judith yakoze ubukwe na Safi, nyamara ngo ntiyari abizi ahubwo yiteguraga ko bazakora ubukwe vuba. Rick Hilton, mu magambo y’icyongereza, tugenekereje mu Kinyarwanda yagize ati: "Nabonye ko Safi yarongoye Judith twari tugiye gukora ubukwe vuba hano muri Canada, twarabanaga ariko tutarakora ubukwe, yancitse atambwiye ngiye kubona kuri internet mbona ko yarongowe na Safi. Uyu mugore yarankinnye nk’inararibonye mu gihe kirenga imyaka ibiri (she played me like a real expert for over two years), rwose twari tumaze imyaka irenga ibiri dukundana kandi tubana, ambeshya arimo kwitegurira ubukwe n’undi. Narababaye cyane kandi yarankomerekeje cyane birenze uko umuntu yabitekereza"

Rick Hilton avuga ko Safi warongoye Judith, nawe akwiye kwitega ko azabona ubuhemu bwa Judith bityo akazabasha kumenya ububabare afite nyuma yo kumenya amakuru y’uko uwari umukunzi we yamucitse agahita akora ubukwe n’undi. Avuga ko yamuriye imitungo myinshi cyane ibarirwa mu mamiliyoni, ngo n’iyo yazaga muri Afurika yamusabaga amafaranga menshi amubeshya ko agiye gusura umuryango nyamara ngo ashaka gupanga ubukwe na Safi.

Niyonizera Judith na Rick Hilton mu byishimo byabo bagikundana

Ikinyamakuru Ukwezi.com cyagerageje kuvugisha Judith ku murongo wa telefone ariko ntiyabashije kutwitaba.

Niyonizera Judith, mu myaka ishize yakoraga muri hoteli Umubano (Novotel) ari naho yaje kumenyanira n’umuzungu wo muri Canada, aza kumurongora ndetse amujyana muri Canada babanayo igihe gito ariko baza kunaniranwa baratandukana. Nyuma ariko ikinyamakuru Ukwezi.com cyamenye ko yahise akundana na Rick Hilton bamaze imyaka irenga ibiri babana mbere yo gushyingiranwa. Judith yatangiye umubano we na Safi akiba muri Canada ndetse abana na Rick Hilton, bakajya babonana yaje mu Rwanda ndetse bakundaga kwibanira mu nzu nk’uko amakuru yemezwa n’inshuti zabo abihamya, ariko Safi akirinda ko byajya mu itangazamakuru kuko byari bizwi icyo gihe ko umukunzi we ari Parfine Umutesi baje kwemeza ko batandukanye mu minsi micye ishize hagahita hanatangazwa iby’ubukwe bwa Safi na Judith.

JPEG - 104.2 kb

Safi na Judith baherutse gushyingiranwa, ubu baracyari mu kwezi kwa buki

Safi Madiba na Niyonizera Judith, bamaze imyaka myinshi bakundana n’ubwo iby’urukundo rwabo bakomeje kubigira ubwiru, kugeza ubwo hatangajwe amatariki y’ubukwe bwabo abantu bagatungurwa. Hari amakuru avuga ko bakundanye guhera mu mpera za 2015, ariko icyo gihe kuko Safi yakundanaga na Parfine Umutesi, ntiyigeze abigaragaza ahubwo bakomeje kubigira ubwiru.

Nko muri Nzeri 2016, Safi Madiba yari kumwe na Niyonizera Judith ndetse yanamumurikiye inshuti ze zitandukanye zirimo n’ibyamamare bizwi muri muzika nyarwanda na sinema nyarwanda, gusa icyo gihe bose bakomeje kumubikira ibanga kuko yari agikundana na Parfine.

Aha Safi yari kumwe n’umukunzi we Judith muri Nzeri 2016


INKURU ZA :
Tanga Igitekerezo
Ibitekerezo 3
peter Kuya 17-10-2017

Niba ibivugwa ari ukuri, uyu si umugore. Abantu bajarajara na ba bihemu mu rukundo ni ibi bihembo bakwiriye kujya babona nk’umugabo we!!!

peter Kuya 17-10-2017

Niba ibivugwa ari ukuri, uyu si umugore. Abantu bajarajara na ba bihemu mu rukundo ni ibi bihembo bakwiriye kujya babona nk’umugabo we!!!

Alias Kuya 17-10-2017

Uyu muzungu yarahobagiye

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...