konka coffee
KONKA

AMAKURU

UKWEZI

Urukiko rwafashe icyemezo kuri Gahongayire na Gahima, biba umunsi w’amateka yabo mashya

Urukiko rwafashe icyemezo kuri Gahongayire na Gahima, biba umunsi w’amateka yabo mashya
28-11-2017 saa 11:51' | By Chief Editor | Yasomwe n'abantu 23369 | Ibitekerezo 9

Nyuma y’uko kuwa Gatatu tariki 8 Ugushyingo 2017, Aline Gahongayire n’uwari umugabo we Gahima Gabriel bari bitabye urukiko bakaburana mu mizi ku bijyanye n’ubutane bwabo nk’abashakanye, icyemezo cyafashwe n’urukiko rwa Kacyiru kuri uyu wa Kabiri tariki 28 Ugushyingo 2017, gishimangira amateka mashya kuri bo kuko ari wo munsi batandukanye bidasubirwaho mu buryo bwemewe n’amategeko.

Mu gusoma urubanza rw’ubutane hagati ya Gahongayire na Gahima, umucamanza yavuze amateka y’ibyaranze imibanire yabo, uko batandukanye umwe akajya kuba ukwe n’ibindi kugeza batanye. Yatangiye avuga umunsi bakoreye ubukwe bagasezerana imbere y’amategeko, asobanura itariki Gahongayire yaviriye mu rugo byemezwa n’urwandiko rw’umukuru w’umudugudu wa Gisimenti aho bari batuye.

Umucamanza yavuze uburyo Gahima Gabriel yareze Gahongayire Aline ko yataye urugo n’icyo kuba yarasabaga ubutane kandi na Gahongayire akaba yarabyemeye ko batandukana byemewe n’amategeko, bityo urukiko rwanzura ko bagomba gutandukana byemewe n’amategeko.

Ku itariki ya 20 Ukuboza 2013 nibwo Aline Gahongayire yasezeranye n’umugabo we Gahima Gabriel, bakoze ubukwe bw’igitangaza bwitabiriwe na benshi mu byamamare nyarwanda, barasezerana bameranywa kubana ubuziraherezo. Nyuma y’umwaka umwe nibwo hatangiye kuvugwa amakuru y’itandukana ryabo yemezwaga na Gahima Gabriel wavugaga ko ibyo kubana kwabo abona bitagishobotse, ariko Gahongayire yahise ajya mu itangazamakuru arabyamagana, ashimangira ko babanye neza nta kibazo.

Aline Gahongayire yakomeje gushimangira kenshi ko umugabo we babana ariko undi we agashimangira ko batanaherukana, kugeza ubwo muri Nzeri umwaka ushize, Aline Gahongayire yeruye ku mugaragaro ko yatandukanye n’umugabo we n’ubwo icyo gihe bari batarabona gatanya byemewe n’amategeko. Icyo gihe yagize ati: "Impamvu natandukanye na we, ni uko byanze burundu, byaranze ntabwo twumvikanye, ntabwo turi abanzi ariko ntabwo twumvikanye. Ngasanga rero, iyo udakunze ubuzima bwawe ntawe uzabugukundira, ntabwo nzahisha ibyo bintu... Hari abagabo benshi batagifite ubwo bugabo kubera abagore babo babananiye, ni byiza ko nikunda, abanyarwanda ntabwo turagira ya sisitemu (system) yo kwikunda... Ngo ndacyahisha, ngo niko zubakwa, oya! Ijuru rya mbere rizaba mu mutima wanjye hanyuma ribe ahandi. Meze neza, ndatuje, ndi umunyamugisha kandi nzi neza ko uwahoze ari umugabo wanjye Gahima Gabriel, azabona undi nanjye nzabona undi turacyari bato."

JPEG - 42.1 kb

Icyo gihe ibijyanye n’uko akiri muto kandi azashaka undi mugabo, Aline Gahongayire yabigarutseho cyane, ashimangira ko mu mpera z’umwaka ushize wa 2016 ari bwo yujuje imyaka 30 y’amavuko. Yagize ati: "Ndacyari mutoya, mu kwezi kwa 12 nzuzuza imyaka 30 ariko buriya ntabwo ubungubu byihutira kuko hari ibisebe bikeneye gukira muri njye, hari n’ubundi buhamya Imana igomba kunyubakira ariko nyine ntabwo nzabaho njyenyine kuko ndi umunyamugisha, ntabwo ndi mubi Imana izampa undi... nzabona undi mugabo ntabwo nzakomeza kubaho gutya... Undi mugabo nzamushaka, ko nkiri muto se! Nkeneye kubyara, nkeneye kuba nyina w’amahanga, humura undi mugabo nzamushaka, nako ntabwo nzamushaka azanshaka."

REBA VIDEO Y’IBYO YATANGAJE ICYO GIHE BYOSE HANO:

SOMA INKURU BIFITANYE ISANO HANO:


INKURU ZA :
Tanga Igitekerezo
Ibitekerezo 9
mami Kuya 15-12-2017

Karemera reka gushyira a bize mu gatebo kamwe. Hari abize bubatse ingo zabo. Erega bipfira mu burere mu muryango amashuri menshi ararengana. Ahubwo wagira hari abireze. Ndetse ari abakobwa ari n’abahungu.

John Kuya 9-12-2017

UYU BYARAMURANGIRANYE AFITE UMUGISHA WO KUMENYEKANA KOMBONA ASHAJE SE ?NIYIYIZIRE MUNDIRIMBO ZISI NAHO IBYIJURU BYARAMUCANZE .

Muntu Kuya 5-12-2017

Uwo mudamu yasomwe bibiliya niba ari umukristu kirazira gutandukana nuwo mwashakanye imbere y,Imana nabantu uretse urupfu rwonyine gusa rubatandukanya.

Mukashema francoise Kuya 1-12-2017

Oya wishinja abo Boss ng’o ushyire mu gatebo kamwe

MAHORO Kuya 1-12-2017

@KAREMERA , IBYO UVUGA NI UKURI IKINTANGAZA NI UKUNTU IYO ABAJIJWE KUBYO AVUGA KO ARI UMKIRISTO AVUGA IBYO ATEKEREZA ATAREBYE ICYO BIBILIYA IVUGA , BIRAMBABAZA IYO MBONA UMUNTU YITWA UMUKRISTO NK’ABANDI AGAKORA IBITANDUKANYE N’UBUKIRISTU BW’UKURI. UMVA YAKAGOMBYE GUSHAKA IKINDI KINTU YITWA KUKO IMYITWARIRE YE NTABWO AYOBORWA N’UMWUKA WERA PE. SI UGUCAIMNZA ARIKO UBUKIRISTO BWO KUZAMURA AMABOKO GUSA NO GUSINZIRIZA NGO TURARIRIMBA NTIBUGEZWEHO UBUNDI TUKAMIRAGURA IBYAHA NK’ABAMIRAGURA IKIVUGUTO KOKO....

Kanyoni Kuya 30-11-2017

Waaaw,umusore mwiza cya gikipe aragikize bahu !!Imana irebera indangare iragahora isingizwa

Magorwa Kuya 30-11-2017

Ndahamagarira Abagore bose biyita aba "Stars" n’abagore ngo bize bafite za degrees, etc kugabanya amarere n’ubushegabo kuko abagabo benshi barataka ko mubarembeje!!! aho bukera ingo zirangwamo abagore mvuze haruguru zose ziraza gusenyuka!!

karemera Kuya 28-11-2017

Niba uri umukirisitu nyawe nkeka ko ririya sezerano mwagiranye n’umugabo wawe riracyariho imbere y’Imana.Ntushobora kongera gusezerana n’undi mugabo kirazira

nibizi yaremye ericke Kuya 28-11-2017

Uwomumama Yapfuye Icyi Ntumugabowe,

IGURIRE
Reba Ibindi Byinshi
konka Monaco
IBARUWA ZA JORIJI
David’s temple
URUKUNDO
INKURU ZIKUNZWE
Ibitekerezo
Loading...
IZINDI NKURU WASOMA
Loading...